‘പാ​ര’​യു​മാ​യി സ്വ​കാ​ര്യ ബ​സു​ക​ൾ; ആപ്പിൽ ‘പണി’ കെ.എസ്​.ആർ.ടി.സിക്ക്​ ആശങ്ക

പ​ത്ത​നം​തി​ട്ട: ബ​സു​ക​ളു​ടെ ത​ത്സ​മ​യ യാ​ത്രാ​വി​വ​ര​ങ്ങ​ൾ ‘ച​ലോ’ ആ​പ്പി​ൽ ല​ഭ്യ​മാ​യി തു​ട​ങ്ങി​യ​തോ​ടെ കെ.​എ​സ്.​ആ​ർ.​ടി.​സി​ക്ക്​ സ്വ​കാ​ര്യ ബ​സു​ക​ളു​ടെ ‘പാ​ര’. മു​ന്നി​ലും പി​ന്നി​ലു​മു​ള്ള കെ.​എ​സ്.​ആ​ർ.​ടി.​സി ബ​സു​ക​ളു​ടെ വി​വ​ര​ങ്ങ​ൾ ‘ച​ലോ’ ആ​പ്പി​ലൂ​ടെ ‘ചോ​ർ​ത്തി’ വേ​ഗം കൂ​ട്ടി​യും കു​റ​ച്ചു​മൊ​ക്കെ സ്വ​കാ​ര്യ ബ​സു​ക​ൾ സ​ർ​വി​സ്​ ന​ട​ത്തു​ന്ന​താ​ണ്​ കെ.​എ​സ്.​ആ​ർ.​ടി.​സി​ക്ക്​ തി​രി​ച്ച​ടി​യാ​കു​ന്ന​ത്. സ്വ​കാ​ര്യ ബ​സു​ക​ൾ സ​ജീ​വ​മാ​യ റൂ​ട്ടു​ക​ളി​ലാ​ണ്​ കെ.​എ​സ്.​ആ​ർ.​ടി.​സി​ ബ​സു​ക​ളു​ടെ വ​രു​മാ​നം ചോ​ർ​ത്തു​ന്ന ന​ട​പ​ടി.

നേ​ര​ത്തേ സ്വ​കാ​ര്യ ബ​സു​ക​ൾ​​ക്കൊ​പ്പം കെ.​എ​സ്.​ആ​ർ.​ടി.​സി​യും സ​ജീ​വ​മാ​യ റൂ​ട്ടു​ക​ളി​ൽ ഇ​വ​ർ എ​ജ​ന്‍റു​മാ​രെ നി​യോ​ഗി​ച്ചി​രു​ന്നു. കെ.​എ​സ്.​ആ​ർ.​ടി.​സി ബ​സ്​ എ​വി​ടെ​യെ​ത്തി​യെ​ന്ന്​ ഉ​ട​മ​ക​ൾ നി​യോ​ഗി​ക്കു​ന്ന ഈ ​ഏ​ജ​ന്‍റു​മാ​ർ സ്വ​കാ​ര്യ ബ​സ്​ ജീ​വ​ന​ക്കാ​രെ അ​റി​യി​ക്കു​ന്ന​താ​യി​രു​ന്നു പ​തി​വ്. ഇ​ത്​ പി​ന്നീ​ട്​ നി​ല​ച്ചി​രു​ന്നു. എ​ന്നാ​ൽ, ഇ​പ്പോ​ൾ ആ​പ്​ വ​ന്ന​തോ​ടെ ഒ​രു ചെ​ല​വു​മി​ല്ലാ​തെ വി​വ​ര​ങ്ങ​ൾ ല​ഭി​ക്കു​ന്ന​താ​ണ്​ ചി​ല സ്വ​കാ​ര്യ ബ​സു​ക​ൾ മു​ത​ലെ​ടു​ക്കു​ന്ന​തെ​ന്ന്​ ജീ​വ​ന​ക്കാ​ർ പ​റ​യു​ന്നു.

അ​ടു​ത്തി​ടെ തി​രു​വ​ല്ല​യി​ൽ​നി​ന്ന്​ റാ​ന്നി​യി​ലേ​ക്കു​ള്ള കെ.​എ​സ്.​ആ​ർ.​ടി.​സി ബ​സി​ൽ യാ​ത്ര​ക്കാ​രു​​ടെ എ​ണ്ണം കു​ത്ത​നെ കു​റ​ഞ്ഞി​രു​ന്നു. ഇ​​തോ​ടെ ​ കെ.​എ​സ്.​ആ​ർ.​ടി.​സി ജീ​വ​ന​ക്കാ​ർ ന​ട​ത്തി​യ നി​രീ​ക്ഷ​ണ​ത്തി​ലാ​ണ്​ ആ​പ്​ ഉ​പ​യോ​ഗി​ക്കു​ന്ന​താ​യി ക​ണ്ടെ​ത്തി​യ​തെ​ന്നും ഇ​വ​ർ പ​റ​യു​ന്നു. പ​ത്ത​നം​തി​ട്ട-​ത​ട്ട-​അ​ടൂ​ർ, പ​ത്ത​നം​തി​ട്ട-​പു​ന​ലൂ​ർ, തി​രു​വ​ല്ല-​റാ​ന്നി, തി​രു​വ​ല്ല-​പ​ത്ത​നം​തി​ട്ട തു​ട​ങ്ങി​യ റൂ​ട്ടു​ക​ളി​ലെ​ല്ലാം ചോ​ർ​ച്ച ന​ട​ത്തു​ന്ന​താ​യി ജീ​വ​ന​ക്കാ​ർ പ​റ​യു​ന്നു. എ​ന്നാ​ൽ, ജ​ന​ങ്ങ​ൾ​ക്കും ഏ​റെ ഉ​പ​കാ​ര​പ്ര​ദ​മാ​യ​തി​നാ​ൽ ആ​പ്​ പ്ര​വ​ർ​ത്ത​നം നി​ർ​ത്താ​നും ക​ഴി​യി​ല്ല.

അ​ടു​ത്തി​ടെ​യാ​ണ്​ കെ.​എ​സ്.​ആ​ർ.​ടി.​സി​യി​ൽ ബ​സ് ലൈ​വ് ട്രാ​ക്കി​ങ് ആ​പ് പ്ര​വ​ർ​ത്ത​നം തു​ട​ങ്ങി​യ​ത്. ‘ച​ലോ’ എ​ന്ന ആ​പ് വ​ഴി​യാ​ണ് ബ​സു​ക​ൾ എ​വി​ടെ​യെ​ത്തി​യെ​ന്ന്​ ത​ത്സ​മ​യം അ​റി​യാ​നാ​വു​ക. സ്റ്റോ​പ്പി​ൽ നി​ൽ​ക്കു​ന്ന യാ​ത്ര​ക്കാ​ർ​ക്ക് ബ​സി​നെ​ക്കു​റി​ച്ചും ഒ​ഴി​വു​ള്ള സീ​റ്റു​ക​ളെ​ക്കു​റി​ച്ചും വി​വ​രം ല​ഭി​ക്കും. വ​രാ​നു​ള്ള ബ​സു​ക​ളു​ടെ സ​മ​യം, അ​ത് എ​വി​ടെ​യെ​ത്തി എ​ന്ന​റി​യാ​നു​ള്ള സൗ​ക​ര്യം എ​ന്നി​വ​യെ​ല്ലാം ആ​പ്പി​ലു​ണ്ട്. സ്വ​കാ​ര്യ ഏ​ജ​ൻ​സി​യു​മാ​യി സ​ഹ​ക​രി​ച്ചാ​ണ് കെ.​എ​സ്.​ആ​ർ.​ടി.​സി ച​ലോ ആ​പ് ഒ​രു​ക്കി​യി​രി​ക്കു​ന്ന​ത്. ഏ​റെ നാ​ള​ത്തെ കാ​ത്തി​രി​പ്പി​നൊ​ടു​വി​ലാ​ണ്​ ഈ ​സം​വി​ധാ​നം കെ.​എ​സ്.​ആ​ർ.​ടി.​സി​യി​ൽ സ​ജ്ജ​മാ​യ​ത്.

ആ​പ് ഉ​പ​യോ​ഗി​ക്കേ​ണ്ട​ത് ഇ​ങ്ങ​നെ

ഗൂ​ഗി​ൾ പ്ലേ ​സ്റ്റോ​ർ (Android ഫോ​ണു​ക​ൾ​ക്ക്) അ​ല്ലെ​ങ്കി​ൽ ആ​പ്പി​ൾ ആ​പ് സ്റ്റോ​ർ (iOS ഫോ​ണു​ക​ൾ​ക്ക്) എ​ന്നി​വ​യി​ൽ​നി​ന്ന്​ ‘Chalo -Live Bus Tracking App’ ഇ​ൻ​സ്റ്റാ​ൾ ചെ​യ്യ​ണം. തു​ട​ർ​ന്ന്​ ന​മ്മു​ടെ ലൊ​ക്കേ​ഷ​ൻ സെ​റ്റ് ചെ​യ്യ​ണം. ആ​പ് തു​റ​ക്കു​മ്പോ​ൾ ത​ന്നെ ലൊ​ക്കേ​ഷ​ൻ വി​വ​ര​ങ്ങ​ൾ ആ​വ​ശ്യ​പ്പെ​ടും. Find and track your bus എ​ന്ന ഓ​പ്ഷ​നി​ൽ ക്ലി​ക് ചെ​യ്താ​ൽ ബ​സ് സെ​ർ​ച്ച് ചെ​യ്യാ​ൻ ക​ഴി​യും. ട്രാ​ക്ക് ചെ​യ്യാ​ൻ ഉ​ദേ​ശി​ക്കു​ന്ന സ്റ്റോ​പ് തെ​ര​ഞ്ഞെ​ടു​ക്കു​ക. Current location ആ​ണ് കാ​ണി​ക്കു​ക. ആ​വ​ശ്യ​മെ​ങ്കി​ൽ ഇ​തി​ൽ മാ​റ്റം​വ​രു​ത്തി യാ​ത്ര പു​റ​പ്പെ​ടു​ന്ന സ്ഥ​ലം രേ​ഖ​പ്പെ​ടു​ത്തു​ക.

തൊ​ട്ട​ടു​ത്ത ലൈ​നി​ൽ എ​വി​ടേ​ക്കാ​ണ് യാ​ത്ര പോ​കേ​ണ്ട​തെ​ന്ന്​ രേ​ഖ​പ്പെ​ടു​ത്തു​ക, അ​തി​നു​ശേ​ഷം പ്രൊ​സീ​ഡ് എ​ന്ന ഓ​പ്ഷ​ൻ അ​മ​ർ​ത്തു​ക. തു​ട​ർ​ന്ന് യാ​ത്ര​ക്ക്​ ആ​വ​ശ്യ​മാ​യ വി​വി​ധ ബ​സ് സ​ർ​വി​സു​ക​ളു​ടെ വി​വ​ര​ങ്ങ​ൾ ദൃ​ശ്യ​മാ​കും. ന​മ്മ​ൾ നി​ൽ​ക്കു​ന്ന സ്റ്റോ​പ്പി​ൽ ബ​സ് എ​പ്പോ​ൾ എ​ത്തു​മെ​ന്നും ബ​സി​ൽ സീ​റ്റു​ക​ൾ ഒ​ഴി​വു​ണ്ടോ, തി​ര​ക്കു​ണ്ടോ എ​ന്ന വി​വ​ര​ങ്ങ​ളും ന​മു​ക്ക് ലി​സ്റ്റി​ൽ​നി​ന്നും മ​ന​സ്സി​ലാ​ക്കാ​ൻ ക​ഴി​യും. ലി​സ്റ്റി​ൽ ഉ​ള്ള സ​ർ​വി​സു​ക​ൾ ഓ​രോ​ന്നി​ലും അ​മ​ർ​ത്തി​യാ​ൽ കൂ​ടു​ത​ൽ വി​വ​ര​ങ്ങ​ൾ ല​ഭി​ക്കും.

ഇ​ങ്ങ​നെ ചെ​യ്യു​മ്പോ​ൾ ല​ഭി​ക്കു​ന്ന വി​വ​ര​ങ്ങ​ളി​ൽ വീ​ണ്ടും (Track bus option) ക്ലി​ക് ചെ​യ്ത്​ ബ​സ് ട്രാ​ക്ക് ചെ​യ്യു​വാ​നും ബ​സ് ന​മ്പ​ർ മ​ന​സി​ലാ​ക്കാ​നും ബ​സ് നി​ല​വി​ൽ ഏ​ത് സ്റ്റോ​പ്പി​ലാ​ണ് ഉ​ള്ള​തെ​ന്നും കാ​ണാ​നും സൗ​ക​ര്യ​മു​ണ്ട്. ബ​സി​ന്‍റെ ചി​ത്ര​ത്തി​ൽ അ​മ​ർ​ത്തു​മ്പോ​ൾ ബ​സ് ന​മ്പ​ർ ല​ഭ്യ​മാ​കും. ‘ബ​സ് എ​റൗ​ണ്ട് യു’ ​എ​ന്ന ഓ​പ്ഷ​നി​ലു​ള്ള മാ​പ്പും ആ​പ്പി​ലു​ണ്ട്. ഇ​തി​ൽ പോ​യാ​ൽ ഏ​തൊ​ക്കെ സ്ഥ​ല​ങ്ങ​ളി​ൽ ഏ​തൊ​ക്കെ ബ​സു​ക​ൾ ഓ​ടു​ന്നു​ണ്ട് എ​ന്ന​ത്​ അ​റി​യാ​ൻ സാ​ധി​ക്കും. ഓ​രോ സ്റ്റോ​പ്പു​ക​ളു​ടെ വി​വ​ര​ങ്ങ​ളും ഓ​രോ സ്റ്റോ​പ്പി​ലും നി​ർ​ത്തു​ന്ന ബ​സു​ക​ളു​ടെ വി​വ​ര​ങ്ങ​ളും ആ​പ്പി​ൽ ല​ഭി​ക്കും.