കാട്ടുപന്നി കുറുകെ ചാടി; ബൈക്ക് യാത്രികന് പരിക്ക്

കോന്നി: കാട്ടുപന്നി കുറുകെ ചാടി ബൈക്ക് മറിഞ്ഞ് ദേവസ്വം താൽക്കാലിക ജീവനക്കാരന് പരിക്ക്. മലയാലപ്പുഴ പുളിമൂട്ടിൽ സമ്പത്ത് ചന്ദ്രൻ (30) ബൈക്കിൽ ജോലിക്കു പോകുംവഴി ഞായറാഴ്ച രാവിലെ 5.45ന് ആനചാരിക്കൽ- പുല്ലാമല റോഡിലാണ് അപകടം.

ബൈക്ക് മറിഞ്ഞ് ഗുരുതര പരിക്കേറ്റതിനെ തുടർന്ന് പത്തനംതിട്ട ജനറൽ ആശുപത്രിയിലും കോന്നി മെഡിക്കൽ കോളജ് ആശുപത്രിയിലും ചികിത്സതേടി. പെരുന്നാട് മാടമൺ ക്ഷേത്രത്തിലെ താൽക്കാലിക ജീവനക്കാരനാണ് സമ്പത്ത്.