മണ്ണിന് ഉറപ്പില്ല; സ്കൂൾ കെട്ടിട നിർമാണം നിലച്ചു

കോ​ന്നി: ര​ണ്ട് മാ​സ​ത്തെ അ​വ​ധി​ക്കാ​ലം ക​ഴി​ഞ്ഞ് കു​ട്ടി​ക​ൾ സ്‌​കൂ​ളി​ലേ​ക്ക് പോ​കാ​ൻ ഒ​രു​ങ്ങു​മ്പോ​ൾ കോ​ന്നി പേ​രൂ​ർ​കു​ളം ഗ​വ. എ​ൽ.​പി സ്കൂ​ളി​ലെ കു​രു​ന്നു​ക​ൾ ഇ​രു​ന്ന് പ​ഠി​ക്കാ​ൻ ഇ​ട​മി​ല്ലാ​തെ ഇ​ടു​ങ്ങി​യ മു​റി​യി​ലേ​ക്ക്‌ ഇത്തവ​ണ​യും മാ​റ്റ​പ്പെ​ടു​ക​യാ​ണ്. 50 വ​ർ​ഷ​ത്തി​ല​ധി​കം പ​ഴ​ക്ക​മു​ള്ള പ​ഴ​യ സ്കൂ​ൾ കെ​ട്ടി​ടം ക​ഴി​ഞ്ഞ അ​ധ്യ​യ​ന വ​ർ​ഷ​ത്തി​ന്റെ പ​കു​തി​യി​ലാ​ണ് പൊ​ളി​ച്ചു​മാ​റ്റി​യ​ത്. പു​തി​യ കെ​ട്ടി​ട നി​ർ​മാ​ണം ന​ട​ക്കു​ന്ന സ്ഥ​ല​ത്ത് മ​ണ്ണി​ന് ഉ​റ​പ്പി​ല്ലാ​ത്ത​ത് മൂ​ലം പു​തി​യ സ്കൂ​ൾ കെ​ട്ടി​ട നി​ർ​മാ​ണം അ​ന​ന്ത​മാ​യി നീ​ളു​ക​യാ​ണ്. പ​ഴ​യ കെ​ട്ടി​ടം നി​ന്നി​രു​ന്ന സ്ഥ​ല​ത്ത് നാ​ല് ത​വ​ണ​യാ​ണ് ഉ​റ​പ്പ് പ​രി​ശോ​ധി​ച്ച​ത്.

മ​ണ്ണി​ന് ഉ​റ​പ്പ് ഇ​ല്ലാ​ത്ത​ത് മൂ​ലം ഇ​നി​യും പ​യ​ലി​ങ്​ ന​ട​ത്തി ഉ​റ​പ്പു​ള്ള പി​ല്ല​ർ സ്ഥാ​പി​ച്ച് മാ​ത്ര​മേ കെ​ട്ടി​ടം നി​ർ​മി​ക്കാ​നാ​കൂ. ഇ​തി​നാ​യി മ​ണ്ണ് സാ​മ്പി​ൾ എ​ടു​ത്ത് പ​രി​ശോ​ധ​ന​ക്ക്‌ അ​യ​ച്ചു​വെ​ങ്കി​ലും ഫ​ലം വ​ന്നി​ട്ടി​ല്ല. ഇ​തി​നാ​ൽ കെ​ട്ടി​ട നി​ർ​മാ​ണം മു​ട​ങ്ങി​ക്കി​ട​ക്കു​ക​യാ​ണ്. ഇ​തു​മൂ​ലം ബി.​ആ​ർ.​സി കെ​ട്ടി​ട​ത്തി​ന്‍റെ ഇ​ടു​ങ്ങി​യ മു​റി​ക​ളി​ൽ മാ​ത്ര​മേ ഈ ​ത​വ​ണ അ​ധ്യ​യ​നം ന​ട​ത്താ​ൻ സാ​ധി​ക്കു. ഓ​രോ അ​ധ്യ​യ​ന വ​ർ​ഷ​വും പേ​രൂ​ർ​ക്കു​ളം എ​ൽ.​പി സ്കൂ​ൾ വ​ർ​ത്ത​മാ​ധ്യ​മ​ങ്ങ​ളി​ൽ ഇ​ടം നേ​ടി​യി​രു​ന്നു. എം.​എ​ൽ.​എ ഫ​ണ്ടി​ൽ​നി​ന്ന്​ സ്‌​കൂ​ളി​ന് കോ​ടി​ക​ൾ അ​നു​വ​ദി​ച്ചി​രു​ന്നു. എ​ന്നാ​ൽ, പ​ഴ​യ കെ​ട്ടി​ടം ലേ​ലം ന​ട​ത്തി ഒ​രു വ​ർ​ഷം ക​ഴി​ഞ്ഞാ​ണ് പൊ​ളി​ച്ചു​നീ​ക്കി​യ​ത്. ഇ​താ​ണ് വീ​ണ്ടും കെ​ട്ടി​ട നി​ർ​മാ​ണം വൈ​കി​യ​ത്. മ​ഴ ശ​ക്ത​മാ​യ​തോ​ടെ നി​ർ​മാ​ണം ഇ​നി​യും വൈ​കും.