സൈനികന്‍റെ മടങ്ങിവരവ്​​ കാത്ത് കണ്ണീരോടെ കുടുംബം

കോ​ന്നി: 20 വ​ർ​ഷം മു​മ്പ്​ പ​ട്ടാ​ള​ത്തി​ൽ​നി​ന്ന്​ കാ​ണാ​താ​യ മ​ക​ന്റെ മ​ട​ങ്ങി​വ​ര​വി​നാ​യി പ്രാ​ർ​ഥ​ന​യോ​ടെ ക​ഴി​യു​ക​യാ​ണ്​ മാ​താ​പി​താ​ക്ക​ളാ​യ മ്ലാ​ന്ത​ടം വാ​ക​വേ​ലി​ൽ സോ​മ​നും ഓ​മ​ന​യും. മൂ​ത്ത​മ​ക​ൻ സ​ന്ദീ​പി​നെ​യാ​ണ് 20 വ​ർ​ഷ​ങ്ങ​ൾ​ക്ക് മു​മ്പ്​ കാ​ണാ​താ​യ​ത്. ബം​ഗ​ളൂ​രു എം.​എ​സ് ന​ഗ​റി​ലെ പ​ട്ടാ​ള ക്യാ​മ്പി​ൽ മി​ലി​ട്ട​റി സ​ർ​വേ​യ​റാ​യി ജോ​ലി നോ​ക്കു​ക​യാ​യി​രു​ന്നു സ​ന്ദീ​പ്. 2003 മേ​യ്‌ നാ​ലി​നാ​ണ് സ​ന്ദീ​പ് അ​വ​സാ​ന​മാ​യി വീ​ട്ടി​ലേ​ക്ക് വി​ളി​ക്കു​ന്ന​ത്.

പ​ട്ടാ​ള​ത്തി​ൽ പോ​യ​തി​നു​ശേ​ഷം ര​ണ്ടു​ത​വ​ണ അ​വ​ധി​ക്ക്​ നാ​ട്ടി​ൽ വ​രു​ക​യും ചെ​യ്തി​രു​ന്നു. എ​ന്നാ​ൽ, പി​ന്നീ​ട് വി​വ​ര​മൊ​ന്നും ല​ഭി​ക്കാ​തെ വ​ന്ന​തോ​ടെ സോ​മ​ൻ ബം​ഗ​ളൂ​രു​വി​ലെ പ​ട്ടാ​ള ക്യാ​മ്പി​ൽ അ​ന്വേ​ഷി​ച്ച് ചെ​ന്നെ​ങ്കി​ലും സ​ന്ദീ​പ് ഇ​വി​ടെ നി​ന്നും ഓ​ടി​പ്പോ​യെ​ന്ന മ​റു​പ​ടി മാ​ത്ര​മാ​ണ് ഇ​വ​ർ പ​റ​ഞ്ഞ​ത്.

കേ​ന്ദ്ര മ​ന്ത്രി​മാ​ർ​ക്കും പ​ട്ടാ​ള മേ​ധാ​വി​ക​ൾ​ക്കും പ​രാ​തി ന​ൽ​കി​യി​ട്ടും ന​ട​പ​ടി​യു​ണ്ടാ​യി​ല്ല. ആ ​സ​മ​യം കോ​ന്നി പൊ​ലീ​സ് ഒ​രു ത​വ​ണ വീ​ട്ടി​ലെ​ത്തി അ​ന്വേ​ഷി​ച്ച​താ​യും മാ​താ​പി​താ​ക്ക​ൾ പ​റ​യു​ന്നു. കാ​ണാ​താ​കു​മ്പോ​ൾ 22 വ​യ​സ്സു​ണ്ടാ​യി​രു​ന്നു. സ​ന്ദീ​പി​ന്റെ അ​നു​ജ​ൻ സ​ജീ​വ് രോ​ഗി​യാ​ണ്. ആ​ശ്ര​യ​മാ​യി​രു​ന്ന മ​ക​നെ കു​റി​ച്ചും വി​വ​രം ല​ഭി​ക്കാ​തെ വ​ന്ന​തോ​ടെ കൂ​ലി​വേ​ല ചെ​യ്താ​ണ് കു​ടും​ബം ക​ഴി​യു​ന്ന​ത്. സ​ന്ദീ​പ് എ​ന്നെ​ങ്കി​ലും തി​രി​ച്ചു​വ​രു​മെ​ന്ന പ്ര​തീ​ക്ഷ​യി​ൽ ജീ​വി​തം ത​ള്ളി​നീ​ക്കു​ക​യാ​ണ് മാ​താ​പി​താ​ക്ക​ൾ.