തദ്ദേശ തെരഞ്ഞെടുപ്പ്: വനിത സ്ഥാനാർഥികൾക്കായി നെട്ടോട്ടം

കോ​ന്നി: ത​ദ്ദേ​ശ സ്വ​യം​ഭ​ര​ണ തെ​ര​ഞ്ഞെ​ടു​പ്പി​നു​ ക​ള​മൊ​രു​ങ്ങി​യ​തോ​ടെ രാ​ഷ്​​ട്രീ​യ പാ​ർ​ട്ടി​ക​ൾ വ​നി​ത സ്ഥാ​നാ​ർ​ഥി​ക​ളെ ക​ണ്ടെ​ത്താ​നു​ള്ള നെ​ട്ടോ​ട്ട​ത്തി​ൽ. ത്രി​ത​ല പ​ഞ്ചാ​യ​ത്ത്​ ഭ​ര​ണ​സം​വി​ധാ​ന​ത്തി​ൽ ഇ​ട​തു രാ​ഷ്​​ട്രീ​യ പാ​ർ​ട്ടി​ക​ൾ താ​ഴേ​ത്ത​ല​ങ്ങ​ളി​ൽ വ​നി​ത​ക​ളെ ഇ​റ​ക്കി പാ​ർ​ട്ടി പ്ര​വ​ർ​ത്ത​ന​ങ്ങ​ൾ​ക്കു നേ​തൃ​ത്വം ന​ൽ​കു​ന്ന​തി​നാ​ൽ ഇ​വ​ർ​ക്കു ഒ​രു പ​രി​ധി​വ​രെ വ​നി​ത സ്ഥാ​നാ​ർ​ഥി​ക​ളെ ക​ണ്ടെ​ത്തു​ന്ന​തി​ൽ വ​ലി​യ ബു​ദ്ധി​മു​ട്ട് ഉ​ണ്ടാ​കു​ന്നി​ല്ല. എ​ന്നാ​ൽ, യു.​ഡി.​എ​ഫി​നാ​ണ് കൂ​ടു​ത​ൽ ത​ല​വേ​ദ​ന. ഭൂ​രി​പ​ക്ഷം വാ​ർ​ഡു​ക​ളി​ലും വ​നി​ത പ്ര​വ​ർ​ത്ത​ക​ർ ഇ​ല്ലാ​ത്ത​തി​നാ​ൽ മ​റ്റ്​ വാ​ർ​ഡു​ക​ളി​ൽ​നി​ന്ന്​ ക​ണ്ടെ​ത്തേ​ണ്ടി വ​രു​ന്നു. ഇ​പ്പോ​ൾ ത​ന്നെ സ്ഥാ​നാ​ർ​ഥി മോ​ഹി​ക​ളാ​യി നി​ര​വ​ധി വ​നി​ത​ക​ൾ കോ​ൺ​ഗ്ര​സ്​ നേ​തൃ​ത്വ​ത്തെ സ​മീ​പി​ച്ചി​ട്ടു​ണ്ട്.

എ​ന്നാ​ൽ, ആ​രെ​യും പി​ണ​ക്കാ​ൻ ക​ഴി​യാ​ത്ത സ്ഥി​തി​യാ​ണെ​ന്ന്​ നേ​താ​ക്ക​ൾ പ​റ​യു​ന്നു. ഇ​ത്ത​വ​ണ കോ​ന്നി ബ്ലോ​ക്ക് പ​ഞ്ചാ​യ​ത്ത്​ കോ​ന്നി, ത​ണ്ണി​ത്തോ​ട്, പ്ര​മാ​ടം, അ​രു​വാ​പ്പു​ലം പ​ഞ്ചാ​യ​ത്തു​ക​ളി​ലെ ഭൂ​രി​പ​ക്ഷ വാ​ർ​ഡു​ക​ളി​ലും വ​നി​ത​ക​ൾ​ക്കാ​ണ് മേ​ൽ​ക്കൈ. കോ​ന്നി ബ്ലോ​ക്ക് പ​ഞ്ചാ​യ​ത്തി​ലെ 13​ ഡി​വി​ഷ​നി​ൽ ഏ​​ഴെ​ണ്ണ​ത്തി​ലും വ​നി​ത സം​വ​ര​ണ വാ​ർ​ഡു​ക​ളാ​ണ്. മൈ​ല​പ്ര, മ​ല​യാ​ല​പ്പു​ഴ, ത​ണ്ണി​ത്തോ​ട്, കോ​ന്നി, വ​ള്ളി​ക്കോ​ട്‌, പ്ര​മാ​ടം, ഇ​ള​കൊ​ള്ളൂ​ർ തു​ട​ങ്ങി​യ​വ​യാ​ണ് നി​ല​വി​ലെ ബ്ലോ​ക്ക് വ​നി​ത സം​വ​ര​ണ വാ​ർ​ഡു​ക​ൾ.

ഇ​ള​കൊ​ള്ളൂ​രി​ൽ ര​ണ്ടാം ത​വ​ണ​യും വ​നി​ത സം​വ​ര​ണ വാ​ർ​ഡാ​ണ്​ വ​ന്നി​രി​ക്കു​ന്ന​ത്. ത​ണ്ണി​ത്തോ​ട് പ​ഞ്ചാ​യ​ത്തി​ൽ 13 വാ​ർ​ഡ്​ ഉ​ള്ള​തി​ൽ ഏ​െ​ഴ​ണ്ണം വ​നി​ത സം​വ​ര​ണ വാ​ർ​ഡു​ക​ളാ​ണ്. ഒ​ന്ന്, ര​ണ്ട്, മൂ​ന്ന്, അ​ഞ്ച്, ഒ​മ്പ​ത്, 13 തു​ട​ങ്ങി​യ​വ​യാ​ണ് വ​നി​ത സം​വ​ര​ണ വാ​ർ​ഡു​ക​ൾ. പ്ര​മാ​ടം പ​ഞ്ചാ​യ​ത്തി​ൽ 19ൽ 10 ​വ​നി​ത സം​വ​ര​ണ വാ​ർ​ഡും എ​ട്ട് ജ​ന​റ​ൽ വാ​ർ​ഡും ഒ​രു എ​സ്.​സി പു​രു​ഷ വാ​ർ​ഡു​മാ​ണു​ള്ള​ത്. മൂ​ന്നാം വാ​ർ​ഡാ​യ പു​ലി​മു​ക്കാ​ണ് വീ​ണ്ടും വ​നി​ത വാ​ർ​ഡാ​യി വ​ന്ന​ത്. അ​രു​വാ​പ്പു​ലം പ​ഞ്ചാ​യ​ത്തി​ൽ 15 വാ​ർ​ഡ്​ ഉ​ള്ള​തി​ൽ ഒ​ന്നാം വാ​ർ​ഡ് മു​ള​കു​കൊ​ടി​ത്തോ​ട്ടം, ര​ണ്ടാം വാ​ർ​ഡ് കു​മ്മ​ണ്ണൂ​ര്, അ​ഞ്ചാം വാ​ർ​ഡ് ക​ല്ലേ​ലി​ത്തോ​ട്ടം, ആ​റാം വാ​ർ​ഡ് ക​ല്ലേ​ലി, ഒ​മ്പ​താം വാ​ർ​ഡ് മ്ലാ​ന്ത​ടം എ​സ്.​സി വ​നി​ത എ​ന്നീ വാ​ർ​ഡു​ക​ളാ​ണ് വ​നി​ത സം​വ​ര​ണ​ത്തി​ൽ ഉ​ള്ള​ത്. അ​തി​രു​ങ്ക​ൽ ഉ​ൾ​പ്പെ​ടു​ന്ന എ​ട്ടാം വാ​ർ​ഡ് ജ​ന​റ​ലും മു​തു​പേ​ഴു​ങ്ക​ൽ ഉ​ൾ​പ്പെ​ടു​ന്ന ഏ​ഴാം വാ​ർ​ഡ് എ​സ്.​സി ജ​ന​റ​ലും പ​ട​പ്പാ​ക്ക​ൽ പ​ത്താം വാ​ർ​ഡ് ജ​ന​റ​ലും ഊ​ട്ടു​പാ​റ 11ാം വാ​ർ​ഡ് വ​നി​ത​യും പു​ളി​ഞ്ഞാ​ണി​ൽ 12ാം വാ​ർ​ഡ് വ​നി​ത​യും 13, 14, 15 വാ​ർ​ഡു​ക​ൾ ജ​ന​റ​ൽ സീ​റ്റാ​യു​മാ​ണ് വ​ന്നി​രി​ക്കു​ന്ന​ത്.

ത​ണ്ണി​ത്തോ​ട് പ​ഞ്ചാ​യ​ത്തി​ൽ 13 വാ​ർ​ഡി​ൽ ഒ​ന്ന്, ര​ണ്ട്, മൂ​ന്ന്, അ​ഞ്ച്, ഒ​മ്പ​ത്, 11, 13 വാ​ർ​ഡു​ക​ൾ വ​നി​ത​യും നാ​ല്, ആ​റ്, എ​ട്ട്, 10, 12 ജ​ന​റ​ൽ വാ​ർ​ഡു​ക​ളും ഏ​ഴാം വാ​ർ​ഡ് എ​സ്.​സി വാ​ർ​ഡു​മാ​ണ്. തെ​ര​ഞ്ഞെ​ടു​പ്പ് ചൂ​ട് അ​ടു​ക്കു​ന്ന​തോ​ട് സ്ഥാ​നാ​ർ​ഥി​ക​ളെ ക​ണ്ടെ​ത്താ​നു​ള്ള തി​ര​ക്കി​ലാ​ണ് രാ​ഷ്​​ട്രീ​യ ക​ക്ഷി​ക​ൾ.