പരിമിതിയിൽ വീർപ്പുമുട്ടി കോന്നി മെഡിക്കൽ കോളജ്

കോ​ന്നി: പ​രി​മി​തി​ക​ളി​ൽ വീ​ർ​പ്പു​മു​ട്ടി കോ​ന്നി മെ​ഡി​ക്ക​ൽ കോ​ള​ജ്. അ​ത്യാ​ഹി​ത വി​ഭാ​ഗ​ങ്ങ​ളി​ൽ​പോ​ലും വേ​ണ്ട​ത്ര ചി​കി​ത്സ ല​ഭി​ക്കു​ന്നി​ല്ലെ​ന്ന പ​രാ​തി വ്യാ​പ​കം. അ​ത്യാ​ഹി​ത വി​ഭാ​ഗ​ത്തി​ൽ ചി​കി​ത്സ തേ​ടു​ന്ന​വ​രെ പ​ത്ത​നം​തി​ട്ട ജ​ന​റ​ൽ ആ​ശു​പ​ത്രി​യി​ലേ​ക്കും കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്കും റ​ഫ​ർ ചെ​യ്യു​ന്ന​ത്​ നി​ത്യ​സം​ഭ​വ​മാ​ണെ​ന്ന് ജ​ന​പ്ര​തി​നി​ധി​ക​ൾ ഉ​ൾ​പ്പെ​ടെ പ​രാ​തി​പ്പെ​ടു​ന്നു. പ്ര​വ​ർ​ത്ത​നം ആ​രം​ഭി​ച്ച് മൂ​ന്നു​വ​ർ​ഷം പി​ന്നി​ടു​മ്പോ​ഴും കി​ട​ത്തി​ച്ചി​കി​ത്സ​യും അ​ത്യാ​ഹി​ത വി​ഭാ​ഗ​വു​മെ​ല്ലാം സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യി​ലാ​ണ് പ്ര​വ​ർ​ത്തി​ക്കു​ന്ന​ത്.

മ​ല​യോ​ര മേ​ഖ​ല​ക്ക് ആ​ശ്വാ​സ​മാ​കു​മെ​ന്ന് ക​രു​തി​യി​രു​ന്ന ആ​ശു​പ​ത്രി​യാ​ണ് ഇ​ങ്ങ​നെ വീ​ർ​പ്പു​മു​ട്ടു​ന്ന​ത്. പ​നി​യു​മാ​യി ചെ​ല്ലു​ന്ന​വ​ർ​ക്കു​പോ​ലും ആ​വി​പി​ടി​ക്കു​ന്ന സൗ​ക​ര്യം മാ​ത്ര​മാ​ണ് ഇ​പ്പോ​ഴു​മു​ള്ള​ത്. മെ​ഡി​ക്ക​ൽ കോ​ള​ജ് വി​ദ്യാ​ർ​ഥി​ക​ൾ​ക്ക് പ​ഠി​ക്കാ​ൻ ആ​വ​ശ്യ​മാ​യ സൗ​ക​ര്യ​ങ്ങ​ളും ഇ​ല്ല. ഹോ​സ്റ്റ​ൽ സൗ​ക​ര്യം ഇ​ല്ലാ​ത്ത​ത് വി​ദ്യാ​ർ​ഥി​ക​ളെ വ​ല​ക്കു​ന്നു​ണ്ട്.

മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ കു​ടി​വെ​ള്ളം ല​ഭ്യ​മാ​യി​ട്ട് ആ​ഴ്ച​ക​ൾ ക​ഴി​ഞ്ഞു. ര​ണ്ട് ഫി​ൽ​റ്റ​റു​ക​ളും ത​ക​രാ​റി​ലാ​ണ്. ഇ​ത് ന​ന്നാ​ക്കു​ന്ന ക​മ്പ​നി​ക്ക് മെ​ഡി​ക്ക​ൽ കോ​ള​ജ് അ​ധി​കൃ​ത​ർ പ​ണം ന​ൽ​കാ​ത്ത​താ​ണ് കാ​ര​ണം. ഓ​ക്സി​ജ​ൻ പ്ലാ​ന്റ് അ​ട​ക്കം ഒ​ട്ടേ​റെ മെ​ഡി​ക്ക​ൽ ഉ​പ​ക​ര​ണ​ങ്ങ​ൾ ആ​ശു​പ​ത്രി​യി​ൽ എ​ത്തി​ച്ചി​ട്ടു​ണ്ട്. സി.​ടി സ്കാ​ൻ സ്ഥാ​പി​ച്ച് ട്ര​യ​ൽ റ​ൺ ന​ട​ത്തി. എ​ന്നാ​ൽ, റേ​ഡി​യോ​ള​ജി​സ്റ്റ് ഇ​ല്ലാ​ത്ത​തി​നാ​ൽ പ്ര​വ​ർ​ത്തി​പ്പി​ക്കാ​നാ​കു​ന്നി​ല്ല. ഓ​പ​റേ​ഷ​ൻ തി​യ​റ്റ​റും ഐ.​സി.​യു​വും പ്ര​വ​ർ​ത്തി​ക്കു​ന്നി​ല്ല.

അ​തി​നാ​ൽ, അ​പ​ക​ട​ത്തി​ൽ​പെ​ട്ട് എ​ത്തി​ക്കു​ന്ന​വ​രെ പ​രി​ച​രി​ക്കാ​നും ക​ഴി​യു​ന്നി​ല്ല. സൂ​പ്പ​ർ സ്പെ​ഷാ​ലി​റ്റി വി​ഭാ​ഗ​ങ്ങ​ൾ ഒ​ന്നും ആ​രം​ഭി​ച്ചി​ട്ടി​ല്ല. ല​ക്ഷ​ങ്ങ​ൾ മു​ട​ക്കി എ​ത്തി​ച്ച യ​ന്ത്ര​ങ്ങ​ൾ പ​ല​തും പ്ര​വ​ർ​ത്തി​പ്പി​ക്കാ​ൻ സൗ​ക​ര്യം ഒ​രു​ക്കാ​ത്ത​തി​നാ​ൽ ന​ശി​ക്കു​ന്ന അ​വ​സ്ഥ​യാ​ണ്. അ​തേ​സ​മ​യം, മെ​ഡി​ക്ക​ൽ കോ​ള​ജി​ന്റെ ര​ണ്ടാം ഘ​ട്ട വി​ക​സ​ന​ത്തി​ന്‍റെ ഭാ​ഗ​മാ​യി ഹോ​സ്റ്റ​ലു​ക​ളു​ടെ​യും ക്വാ​ർ​ട്ടേ​ഴ്സു​ക​ളു​ടെ​യും പ​ണി​ക​ൾ പു​രോ​ഗ​മി​ക്കു​ന്നു​ണ്ട്. ഹോ​സ്റ്റ​ൽ പൂ​ർ​ത്തി​യാ​യെ​ങ്കി​ൽ മാ​ത്ര​മേ കു​ട്ടി​ക​ളു​ടെ താ​മ​സ സൗ​ക​ര്യം മെ​ച്ച​പ്പെ​ടു​ക​യു​ള്ളൂ. സം​സ്ഥാ​ന​ത്തെ 33ാമ​ത് സ​ർ​ക്കാ​ർ മെ​ഡി​ക്ക​ൽ കോ​ള​ജാ​ണ് കോ​ന്നി​യി​ലേ​ത്.

2012 മാ​ർ​ച്ച് 24നാ​ണ് മെ​ഡി​ക്ക​ൽ കോ​ള​ജ് ആ​രം​ഭി​ക്കാ​ൻ സ​ർ​ക്കാ​ർ ഉ​ത്ത​ര​വി​റ​ക്കി​യ​ത്. മെ​ഡി​ക്ക​ൽ കോ​ള​ജി​ൽ ഒ.​പി ആ​രം​ഭി​ച്ച​തി​ന് ശേ​ഷം ഒ​രു​മാ​സം ക​ഴി​ഞ്ഞാ​ണ് ര​ണ്ടാം​ഘ​ട്ട നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക്​ കി​ഫ്‌​ബി വ​ഴി 24.01 കോ​ടി രൂ​പ അ​നു​വ​ദി​ച്ച​ത്. 13644 സ്ക്വ​യ​ർ മീ​റ്റ​റി​ൽ ഏ​ഴ് നി​ല​ക​ളി​ലാ​യാ​ണ് ആ​ശു​പ​ത്രി കെ​ട്ടി​ടം നി​ർ​മി​ച്ചി​രി​ക്കു​ന്ന​ത്. പ്ര​വ​ർ​ത്ത​നം ആ​രം​ഭി​ച്ച് മൂ​ന്ന് വ​ർ​ഷ​ത്തി​നി​ടെ ഘ​ട്ടം ഘ​ട്ട​മാ​യി അ​ടി​സ്ഥാ​ന സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തു​ക​യും നി​യ​മ​ന​ങ്ങ​ൾ ന​ട​ത്തു​ക​യും കി​ട​ത്തി​ച്ചി​കി​ത്സ​യും അ​ത്യാ​ഹി​ത വി​ഭാ​ഗ​വും ആ​രം​ഭി​ക്കു​ക​യും ചെ​യ്​​തെ​ങ്കി​ലും ഇ​പ്പോ​ഴും ആ​ശു​പ​ത്രി പൂ​ർ​ണ​സ​ജ്ജ​മാ​യി​ട്ടി​ല്ല.