ചരിത്രത്തിന്‍റെ ഓർമപ്പെടുത്തലുമായി കോന്നി ആനക്കൂട്

കോ​ന്നി: ച​രി​ത്ര​ത്തി​ന്‍റെ​യും രാ​ജ​ഭ​ര​ണ​കാ​ല​ത്തി​ന്‍റെ​യും ക​ഥ​പ​റ​യു​ക​യാ​ണ് കോ​ന്നി ആ​ന​ക്കൂ​ട്. തി​രു​വി​താം​കൂ​ർ സ​ർ​ക്കാ​റി​ന്‍റെ ആ​വ​ശ്യ​ങ്ങ​ൾ​ക്കാ​യി സ്വ​കാ​ര്യ വ്യ​ക്തി​ക​ളു​ടെ ഉ​ട​മ​സ്ഥ​ത​യി​ലെ സ്ഥ​ലം ഒ​ഴി​പ്പി​ക്കാ​നാ​യി കൊ​ല്ല​വ​ർ​ഷം 1067ൽ ​പു​റ​പ്പെ​ടു​വി​ച്ച മൂ​ന്നാം റെ​ഗു​ലേ​ഷ​നി​ലെ നാ​ലാം​വ​കു​പ്പ് അ​നു​സ​രി​ച്ച് വ​നം​വ​കു​പ്പ് ഏ​റ്റെ​ടു​ത്ത സ്ഥ​ല​മാ​ണ് നി​ല​വി​ൽ ആ​ന​ക്കൂ​ട് സ്ഥി​തി​ചെ​യ്യു​ന്ന കോ​ന്നി റേ​ഞ്ച് ഓ​ഫി​സ് പ​രി​സ​രം.

ചെ​ങ്ങ​ന്നൂ​ർ താ​ലൂ​ക്കി​ൽ കു​മ്പ​ഴ പ്ര​വൃ​ത്തി​യി​ൽ കോ​ന്നി​യൂ​ർ, മ​ങ്ങാ​രം മു​റി​യി​ൽ, മു​ന​വ്വ​ർ അ​ലി ഖാ​ന്‍റെ പേ​രി​ലു​ള്ള 363/ 1 ബി ​ന​മ്പ​ർ വ​സ്തു​വി​ൽ​നി​ന്ന്​ 10.92 ഏ​ക്ക​റാ​ണ് 1908 ഏ​പ്രി​ൽ അ​ഞ്ചി​ന് ദി​വാ​ൻ പി. ​രാ​ജ​ഗോ​പാ​ലാ​ചാ​രി ഹ​ജൂ​ർ ക​ച്ചേ​രി തി​രു​വ​ന​ന്ത​പു​ര​ത്തു​നി​ന്ന്​ പു​റ​പ്പെ​ടു​വി​ച്ച ഉ​ത്ത​ര​വ് പ്ര​കാ​രം കോ​ന്നി ഫോ​റ​സ്റ്റ് റേ​ഞ്ച് ഓ​ഫി​സ് ഉ​പ​യോ​ഗ​ത്തി​നാ​യി ഏ​റ്റെ​ടു​ക്കു​ന്ന​ത്.

ആ​ദ്യ​കാ​ല​ത്ത് കോ​ന്നി​യി​ല്‍ ആ​ന​ക്കൂ​ട് സ്ഥി​തി​ചെ​യ്തി​രു​ന്ന​ത് മ​ഞ്ഞ​ക്ക​ട​മ്പ് എ​ന്ന സ്ഥ​ല​ത്താ​യി​രു​ന്നു. ഇ​പ്പോ​ഴു​ള്ള സ്ഥ​ല​ത്ത് ആ​ന​ക്കൂ​ട് നി​ര്‍മി​ക്കു​ന്ന​ത് 1942ലാ​ണ്. നി​ല​വി​ൽ കു​ട്ട​വ​ഞ്ചി സ​വാ​രി ന​ട​ത്തു​ന്ന മു​ണ്ടോം​മൂ​ഴി​ക്ക് സ​മീ​പ​വും ഒ​രു ആ​ന​ക്കൂ​ട് ഉ​ണ്ടാ​യി​രു​ന്നു. 1875ല്‍ ​നി​ർ​മി​ച്ച ആ​ന​ക്കൂ​ട് 1891വ​രെ പ്ര​വ​ർ​ത്തി​ച്ചി​രു​ന്നു.