കോന്നിയിൽ കനത്ത മഴ: മരങ്ങൾ കടപുഴകി; വൈദ്യുതി നിലച്ചു

കോ​ന്നി: കോ​ന്നി​യി​ൽ തിങ്കളാഴ്ച ഉ​ച്ച​ക്ക് ശേ​ഷം ഉ​ണ്ടാ​യ ശ​ക്ത​മാ​യ മ​ഴ​യി​ൽ നി​ര​വ​ധി സ്ഥ​ല​ങ്ങ​ളി​ൽ മ​രം ക​ട​പു​ഴ​കി. ഇ​ല​ക്ട്രി​ക് പോ​സ്റ്റു​ക​ൾ​ക്ക് നാ​ശം സം​ഭ​വി​ച്ചു. കു​മ്മ​ണ്ണൂ​ർ, ആ​ന​കു​ത്തി, ഐ​ര​വ​ൺ, ക​ല്ലേ​ലി, വ​ട്ട​ക്കാ​വ് തു​ട​ങ്ങി നി​ര​വ​ധി സ്ഥ​ല​ങ്ങ​ളി​ലാ​ണ്​ റോ​ഡി​ലേ​ക്ക് മ​രം ക​ട​പു​ഴ​കി ഗ​താ​ഗ​തം ത​ട​സ്സ​പ്പെ​ട്ട​ത്.

കോ​ന്നി അ​ഗ്നി ര​ക്ഷാ സേ​ന മ​ര​ങ്ങ​ൾ മു​റി​ച്ച് മാ​റ്റി ഗ​താ​ഗ​തം പു​ന​സ്ഥാ​പി​ച്ചു. പു​ന​ലൂ​ർ മൂ​വാ​റ്റു​പു​ഴ സം​സ്ഥാ​ന പാ​ത​യി​ൽ കോ​ന്നി ഓ​ർ​ത്ത​ഡോ​ക്സ് പ​ള്ളി​ക്ക് മു​ന്നി​ൽ റോ​ഡി​ൽ വെ​ള്ളം ക​യ​റി ഗ​താ​ഗ​തം ത​ട​സ്സ​പെ​ട്ടു.

സം​സ്ഥാ​ന പാ​ത​യി​ലെ ഓ​ട​യി​ലെ മാ​ലി​ന്യ​ങ്ങ​ൾ നീ​ക്കം ചെ​യ്യാ​ത്ത​ത് റോ​ഡി​ൽ വെ​ള്ളം നി​റ​യു​ന്ന​തി​ന് കാ​ര​ണ​മാ​യി. കോ​ന്നി​യി​ൽ ഉ​ണ്ടാ​യ കാ​റ്റി​ൽ വ്യാ​പാ​ര സ്ഥാ​പ​ന​ങ്ങ​ളു​ടെ ഷീ​റ്റു​ക​ളും ക​ട​ക്കു​ള്ളി​ലെ സാ​ധ​ന​ങ്ങ​ളും പ​റ​ന്നു പോ​യി.കോ​ന്നി​യു​ടെ വി​വി​ധ ഭാ​ഗ​ങ്ങ​ളി​ൽ വൈ​ദ്യു​തി പോ​സ്റ്റു​ക​ൾ ഒ​ടി​ഞ്ഞ​ത് മൂ​ലം പ​ല പ്ര​ദേ​ശ​ങ്ങ​ളി​ലും വൈ​ദ്യു​തി ത​ട​സ​പെ​ട്ടു. ഉ​ച്ച​യോ​ടെ ആ​രം​ഭി​ച്ച മ​ഴ കോ​ന്നി​യി​ൽ അ​ഞ്ച് മ​ണി​ക്കൂ​ർ നീ​ണ്ടു.