അ​ട്ട​ച്ചാ​ക്ക​ൽ-കു​മ്പ​ളാം​പൊ​യ്ക റോ​ഡിലെ ചെങ്ങറ വളവ്​; ഈ വളവ് നിവരുമോ?

കോ​ന്നി: അ​ട്ട​ച്ചാ​ക്ക​ൽ-കു​മ്പ​ളാം​പൊ​യ്ക റോ​ഡി​ലെ ചെ​ങ്ങ​റ ജി.​സി.​എ​സ്.​എ​ൽ.​പി സ്കൂ​ളി​ന്‍റെ സ​മീ​പ​ത്തെ അ​പ​ക​ട​വ​ള​വ് നേ​രേ​യാ​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. ചെ​ങ്ങ​റ ജ​ങ്​​ഷ​നി​ൽ നി​ന്ന് വ​രു​ന്ന റോ​ഡി​ലെ ഇ​റ​ക്ക​ത്തി​ന്റെ​യും നാ​ടു​കാ​ണി ജ​ങ്​​ഷ​നി​ൽനി​ന്ന് ക​യ​റ്റം​ക​യ​റി വ​രു​ന്ന ഭാ​ഗ​ത്തെ റോ​ഡി​ന്‍റെ ക​യ​റ്റ​ത്തി​ലു​മാ​ണ് അ​പ​ക​ട വ​ള​വു​ള്ള​ത്. ഇ​വി​ടെ നി​ര​വ​ധി വാ​ഹ​ന​ങ്ങ​ൾ ഇ​തി​ന​കം അ​പ​ക​ട​ത്തി​ൽ പെ​ട്ടി​ട്ടു​ണ്ട്.

നാ​ടു​കാ​ണി ഭാ​ഗ​ത്തു​നി​ന്ന് വേ​ഗ​ത്തി​ൽ ക​യ​റ്റം ക​യ​റി വ​രു​ന്ന വാ​ഹ​ന​ങ്ങ​ൾ വ​ള​വി​നു സ​മീ​പ​ത്തു​വ​രു​മ്പോ​ൾ മാ​ത്ര​മാ​ണ് വ​ലി​യ വ​ള​വ് കാ​ണു​ന്ന​ത്. ചെ​ങ്ങ​റ ജ​ങ്​​ഷ​നി​ൽ​നി​ന്ന് ഇ​റ​ക്കം ഇ​റ​ങ്ങി വ​രു​ന്ന വാ​ഹ​ന​ങ്ങ​ൾ വ​ള​വി​ൽ അ​പ​ക​ട​ത്തി​ൽ പെ​ടു​ന്ന​തും പ​തി​വാ​ണ്. ഹാ​രി​സ​ൺ​സ് മ​ല​യാ​ളം പ്ലാ​ന്റേ​ഷ​ന്റെ കു​മ്പ​ഴ എ​സ്റ്റേ​റ്റി​ലെ സെ​ൻ​ട്രി​ഫ്യൂ​ജി​ഡ് ലാ​റ്റ​ക്സ് ഫാ​ക്ട​റി​യി​ൽനി​ന്ന് ലോ​ഡ് ക​യ​റ്റി വ​രു​ന്ന വ​ലി​യ ലോ​റി​ക​ൾ വ​ള​വ് തി​രി​യാ​നാ​വാ​തെ റോ​ഡി​ലെ വ​ള​വി​ൽ പ​ല ത​വ​ണ കു​ടു​ങ്ങി കി​ട​ക്കു​ക​യും ഗ​താ​ഗ​ത ത​ട​സ്സം ഉ​ണ്ടാ​കുക​യും ചെ​യ്തി​ട്ടു​ണ്ട്.

നി​ർ​മാ​ണ സ​മ​യ​ത്തെ ആ​വ​ശ്യം അ​വ​ഗ​ണി​ച്ചു

നാ​ലു​വ​ർ​ഷം മു​മ്പ്​ റോ​ഡി​ലെ 13 കി​ലോ​മീ​റ്റ​ർ ദൂ​രം കി​ഫ്‌​ബി ഫ​ണ്ട് ഉ​പ​യോ​ഗി​ച്ച് 18 കോ​ടി മു​ത​ൽ മു​ട​ക്കി​ൽ ബി.​എം ബി.​സി നി​ല​വാ​ര​ത്തി​ൽ വി​ക​സി​പ്പി​ച്ചി​രു​ന്നു. കോ​ന്നി, റാ​ന്നി നി​യ​മ​സ​ഭ മ​ണ്ഡ​ല​ങ്ങ​ളി​ലെ കോ​ന്നി, മ​ല​യാ​ല​പ്പു​ഴ, വ​ട​ശ്ശേ​രി​ക്ക​ര പ​ഞ്ചാ​യ​ത്തു​ക​ളി​ലൂ​ടെ​യാ​ണ് റോ​ഡ് ക​ട​ന്നു​പോ​കു​ന്ന​ത്. ബി.​എം ബി.​സി നി​ല​വാ​ര​ത്തി​ൽ റോ​ഡ് വി​ക​സി​പ്പി​ച്ച സ​മ​യ​ത്ത് വ​ള​വ് നേ​രെ​യാ​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യം ഉ​ന്ന​യി​ച്ചെ​ങ്കി​ലും ന​ട​പ്പാ​യി​ല്ല. ശ​ബ​രി​മ​ല തീ​ർ​ഥാ​ട​ന സ​മ​യ​ത്ത് വ​ട​ശ്ശേ​രി​ക്ക​ര​യി​ൽനി​ന്ന് വേ​ഗ​ത്തി​ൽ കോ​ന്നി​യി​ൽ എ​ത്താ​ൻ ത​മി​ഴ്നാ​ടി​ന്റെ തെ​ക്ക​ൻ ജി​ല്ല​ക​ളി​ൽനി​ന്ന് കൊ​ല്ലം, തി​രു​വ​ന​ന്ത​പു​രം ജി​ല്ല​ക​ളി​ൽ നി​ന്നു​മു​ള്ള തീ​ർ​ഥാ​ട​ക​ർ ഈ ​റോ​ഡി​നെ​യാ​ണ് ആ​ശ്ര​യി​ക്കു​ന്ന​ത്. സ​മീ​പ​ത്തെ പാ​റ​മ​ട​യി​ൽ നി​ന്ന് ലോ​ഡ് ക​യ​റി​വ​രു​ന്ന ടി​പ്പ​ർ ടോ​റ​സ് ലോ​റി​ക​ളും ഇ​പ്പോ​ൾ കൂ​ടു​ത​ലാ​യി ഈ ​റോ​ഡി​ലൂ​ടെ ക​ട​ന്നു​പോ​കു​ന്നു​ണ്ട്.