യുവതിയുടെ ആത്മഹത്യ: എസ്​.ഐ ട്രെയിനി ചമഞ്ഞ്​ പണം തട്ടിയ യുവാവ് അറസ്റ്റിൽ

കൂ​ട​ൽ: യു​വ​തി​യെ വീ​ട്ടി​ലെ കി​ട​പ്പു​മു​റി​യി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ യു​വാ​വി​നെ കൂ​ട​ൽ പൊ​ലീ​സ് അ​റ​സ്റ്റ് ചെ​യ്തു. തി​രു​വ​ന​ന്ത​പു​രം നെ​യ്യാ​റ്റി​ൻ​ക​ര ഊ​രൂ​ട്ടു​കാ​ല രോ​ഹി​ണി നി​വാ​സി​ൽ ശ്രീ​ജി​ത്താ​ണ്​ (28) പി​ടി​യി​ലാ​യ​ത്. ഇ​യാ​ൾ ന​ട​ത്തി​യ ല​ക്ഷ​ങ്ങ​ളു​ടെ ത​ട്ടി​പ്പും അ​ന്വേ​ഷ​ണ​ത്തി​ൽ തെ​ളി​ഞ്ഞു.

ന​വം​ബ​ർ ആ​റി​നാ​ണ് കൂ​ട​ൽ സ്വ​ദേ​ശി ല​ക്ഷ്മി അ​ശോ​കി​നെ (23) വീ​ട്ടി​ൽ മ​രി​ച്ച​നി​ല​യി​ൽ ക​ണ്ട​ത്. അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ച കൂ​ട​ൽ പൊ​ലീ​സി​ന്, സാ​മ്പ​ത്തി​ക ഇ​ട​പാ​ടു​ക​ൾ മ​ര​ണ​ത്തി​നു കാ​ര​ണ​മാ​യി​ട്ടു​ണ്ടെ​ന്ന് തു​ട​ക്ക​ത്തി​ൽ​ത​ന്നെ സം​ശ​യം തോ​ന്നി​യി​രു​ന്നു. സ​മൂ​ഹ​മാ​ധ്യ​മ അ​ക്കൗ​ണ്ടു​ക​ളും ബാ​ങ്ക് അ​ക്കൗ​ണ്ട് വി​വ​ര​ങ്ങ​ളും പ​രി​ശോ​ധി​ച്ച​തി​നെ തു​ട​ർ​ന്നാ​ണ് ശ്രീ​ജി​ത്തും ല​ക്ഷ്മി​യും ന​ട​ത്തി​യ സാ​മ്പ​ത്തി​ക ഇ​ട​പാ​ടു​ക​ൾ ബോ​ധ്യ​പ്പെ​ട്ട​ത്.

ഇ​ൻ​സ്റ്റാ​ഗ്രാ​മി​ൽ മി​ഥു​ൻ കൃ​ഷ്ണ എ​ന്ന വ്യാ​ജ പേ​രി​ലു​ള്ള അ​ക്കൗ​ണ്ടി​ലൂ​ടെ​യാ​ണ്​ ശ്രീ​ജി​ത്​ പെ​ൺ​കു​ട്ടി​യു​മാ​യി പ​രി​ച​യ​ത്തി​ലാ​യ​ത്. എ​സ്.​ഐ ട്രെ​യി​നി​യാ​ണെ​ന്ന് വി​ശ്വ​സി​പ്പി​ച്ച് വി​വാ​ഹ​വാ​ഗ്ദാ​നം ന​ൽ​കി ല​ക്ഷ്മി​യി​ൽ​നി​ന്ന്​ പ​ണം ത​ട്ടി​യെ​ടു​ക്കു​ക​യാ​യി​രു​ന്നു. സ്വ​ർ​ണം വി​റ്റും ക​ടം വാ​ങ്ങി​യും പ​ല​പ്പോ​ഴാ​യി യു​വ​തി മൂ​ന്നു​ല​ക്ഷം രൂ​പ ഇ​യാ​ൾ​ക്ക് ന​ൽ​കി. ബാ​ങ്ക് ഇ​ട​പാ​ടി​ലൂ​ടെ​യാ​ണ് പ​ണം കൊ​ടു​ത്ത​ത്.

പ​ണം കി​ട്ടി​യ​ശേ​ഷം ഇ​യാ​ൾ മൊ​ബൈ​ൽ ഫോ​ൺ ഓ​ഫാ​ക്കി. ഇ​തി​ന്റെ മ​നോ​വി​ഷ​മ​ത്താ​ലാ​ണ് യു​വ​തി ആ​ത്മ​ഹ​ത്യ ചെ​യ്ത​തെ​ന്ന് അ​ന്വേ​ഷ​ണ​ത്തി​ൽ തെ​ളി​ഞ്ഞു. പ​ണം ത​ട്ടി​യ​ശേ​ഷം മൊ​ബൈ​ൽ ഓ​ഫാ​ക്കി​യും സി​മ്മു​ക​ൾ മാ​റി​യും ഇ​യാ​ൾ മു​ങ്ങു​ന്ന​താ​ണ് പ​തി​വെ​ന്നും അ​ന്വേ​ഷ​ണ​ത്തി​ൽ തെ​ളി​ഞ്ഞി​രു​ന്നു.

പ​രി​ച​യ​ക്കാ​രു​ടെ ബാ​ങ്ക്​ അ​ക്കൗ​ണ്ടും ഉ​പ​യോ​ഗി​ച്ചു

ഹോം ​സ്റ്റേ​ക​ളി​ൽ താ​മ​സി​ക്കു​മ്പോ​ൾ അ​വി​ട​ങ്ങ​ളി​ലെ ജീ​വ​ന​ക്കാ​രു​മാ​യി പ​രി​ച​യ​ത്തി​ലാ​വു​ക​യും അ​വ​രു​ടെ ബാ​ങ്ക് അ​ക്കൗ​ണ്ടു​ക​ളി​ലേ​ക്ക് ത​ട്ടി​പ്പി​നി​ര​ക​ളാ​വു​ന്ന​വ​രി​ൽ​നി​ന്നും പ​ണം കൈ​മാ​റി എ​ടു​ക്കു​ക​യും ചെ​യ്യും.

ബാ​ങ്ക് അ​ക്കൗ​ണ്ടു​ക​ൾ കേ​ന്ദ്രീ​ക​രി​ച്ച് പൊ​ലീ​സ് ന​ട​ത്തി​യ അ​ന്വേ​ഷ​ണം ഹോം ​സ്റ്റേ​ക​ളി​ലേ​ക്കെ​ത്തു​ക​യും തു​ട​ർ​ന്ന് ഇ​യാ​ളെ ക​ണ്ടെ​ത്തു​ക​യു​മാ​യി​രു​ന്നു. കോ​ട്ട​യ​ത്തെ ഒ​രു ഹോ​ട്ട​ലി​ൽ​നി​ന്നും ഇ​യാ​ളെ ചൊ​വ്വാ​ഴ്ച രാ​ത്രി​യോ​ടെ ക​സ്റ്റ​ഡി​യി​ലെ​ടു​ത്തു. കൂ​ട​ൽ സ്റ്റേ​ഷ​നി​ലെ​ത്തി​ച്ച് വി​ശ​ദ​മാ​യി ചോ​ദ്യം ചെ​യ്ത​പ്പോ​ൾ കു​റ്റം സ​മ്മ​തി​ച്ചു, തു​ട​ർ​ന്ന് അ​റ​സ്റ്റ് രേ​ഖ​പ്പെ​ടു​ത്തി. ത​ട്ടി​പ്പി​ന് ഇ​ര​യാ​യ ര​ണ്ട് പെ​ൺ​കു​ട്ടി​ക​ളു​ടെ പ​രാ​തി​ക​ൾ കൂ​ട​ൽ പൊ​ലീ​സി​ന് ല​ഭി​ച്ചി​ട്ടു​ണ്ട്. ഇ​യാ​ളു​ടെ സാ​മ്പ​ത്തി​ക ഇ​ട​പാ​ടു​ക​ൾ സം​ബ​ന്ധി​ച്ച് ബാ​ങ്ക്, സ​മൂ​ഹ​മാ​ധ്യ​മ അ​ക്കൗ​ണ്ടു​ക​ൾ വി​ശ​ദ​മാ​യി പ​രി​ശോ​ധി​ച്ചു​വ​രു​ക​യാ​ണ് പൊ​ലീ​സ്. കൂ​ട​ൽ പൊ​ലീ​സ് ഇ​ൻ​സ്‌​പെ​ക്ട​ർ ജി. ​പു​ഷ്പ​കു​മാ​റി​ന്റെ നേ​തൃ​ത്വ​ത്തി​ൽ എ​സ്.​ഐ ഷെ​മി​മോ​ൾ, എ.​എ​സ്.​ഐ ജ​യ​ശ്രീ, സി.​പി.​ഒ​മാ​രാ​യ വി​ൻ​സെ​ന്റ്, സു​നി​ൽ, ഷാ​ജ​ഹാ​ൻ എ​ന്നി​വ​രാ​ണ് കേ​സ്​ അ​ന്വേ​ഷി​ക്കു​ന്ന​ത്.