108 ആംബുലൻസിൽ ആദിവാസി യുവതിക്ക് സുഖപ്രസവം

കോ​ന്നി: ശ​ര​വേ​ഗ​ത്തി​ൽ 108 ആം​ബു​ല​ൻ​സ് അ​ര മ​ണി​ക്കൂ​ർ കൊ​ണ്ട് കൊ​ക്കാ​ത്തോ​ട് കാ​ട്ടാ​ത്തി ആ​ദി​വാ​സി കോ​ള​നി​യി​ലെ​ത്തി ക​ല​ശ​ലാ​യ പ്ര​സ​വ​വേ​ദ​ന​യി​ൽ പു​ള​യു​ന്ന ബീ​ന​​യെ ഡ്രൈ​വ​ർ അ​രു​ണും ന​ഴ്സാ​യ ധ​ന്യ​യും ചേ​ർ​ന്ന് 108 ആം​ബു​ല​ൻ​സി​ലേ​ക്ക് മാ​റ്റി. പി​ന്നീ​ട് രോ​ഗി​യു​ടെ ശാ​രീ​രി​ക​സ്ഥി​തി നോ​ക്കി വാ​ഹ​നം പ​തു​കെ പോ​ക​വേ വേ​ദ​ന ക​ല​ശ​ലാ​യ​തോ​ടെ ഡ്രൈ​വ​ർ അ​രു​ൺ വാ​ഹ​നം സൊ​സൈ​റ്റി ഭാ​ഗ​ത്തേ​ക്ക് ഒ​തു​ക്കി.

പി​ന്നീ​ട് എ​ല്ലാം ധ​ന്യ​യു​ടെ കൈ​ക​ളി​ലാ​യി. കൊ​ക്കാ​ത്തോ​ട് കാ​ട്ടാ​ത്തി ഗി​രി​ജ​ൻ കോ​ള​നി​യി​ലെ ആ​ദി​വാ​സി യു​വ​തി​യാ​യ ബീ​ന (23)ആം​ബു​ല​ൻ​സി​നു​ള്ളി​ൽ പെ​ൺ​കു​ഞ്ഞി​ന് ജ​ന്മം ന​ൽ​കി. കൊ​ക്കാ​ത്തോ​ട് കാ​ട്ടാ​ത്തി ഗി​രി​ജ​ൻ കോ​ള​നി​യി​ൽ താ​മ​സ​ക്കാ​രാ​യ സ​നോ​ജി​ന്റെ ഭാ​ര്യ​യാ​ണ്​ ബീ​ന.

ഉ​ച്ച​ക്ക് പ​ന്ത്ര​ണ്ട​ര​യോ​ടെ​യാ​ണ് കോ​ന്നി മെ​ഡി​ക്ക​ൽ കോ​ളേ​ജി​ലെ ആം​ബു​ല​ൻ​സ് ജീ​വ​ന​ക്കാ​രെ കൊ​ക്ക​ത്തോ​ട് എ​സ്.​റ്റി പ്ര​മോ​ട്ട​ർ വി​വ​രം ധ​രി​പ്പി​ച്ച​ത്. തു​ട​ർ​ന്ന് അ​ര​മ​ണി​ക്കൂ​റി​നു​ള്ളി​ൽ ഇ​വ​ർ കൊ​ക്ക​ത്തോ​ട് ഗി​രി​ജ​ൻ കോ​ള​നി​യി​ൽ എ​ത്തു​ക​യും ഗ​ർ​ഭി​ണി​യാ​യ യു​വ​തി​യെ ക​യ​റ്റി കോ​ന്നി​യി​ലേ​ക്ക് വ​രി​ക​യു​മാ​യി​രു​ന്നു. എ​ന്നാ​ൽ യു​വ​തി​യു​ടെ നി​ല വ​ഷ​ളാ​യ​തി​നാ​ൽ വ​ള​രെ പ​തു​ക്കെ ആ​ണ് ആം​ബു​ല​ൻ​സ് നീ​ങ്ങി​യ​ത്.

അ​രു​വാ​പ്പു​ലം സൊ​സൈ​റ്റി പ​ടി​ക്ക​ൽ വെ​ച്ച് യു​വ​തി​ക്ക് പ്ര​സ​വ വേ​ദ​ന ക​ല​ശ​ലാ​വു​ക​യും തു​ട​ർ​ന്ന് വാ​ഹ​ന​ത്തി​ൽ മു​ന്നോ​ട്ട് പോ​കാ​ൻ ക​ഴി​യാ​തെ വ​രി​ക​യും ആ​യ​തോ​ടെ 1.34 ഓ​ടെ റോ​ഡ​രു​കി​ൽ ആം​ബു​ല​ൻ​സ് ഡ്രൈ​വ​ർ അ​രു​ൺ വാ​ഹ​നം മാ​റ്റി പാ​ർ​ക്ക് ചെ​യ്യു​ക​യാ​യി​രു​ന്നു.

ആം​ബു​ല​ൻ​സി​ൽ ഉ​ണ്ടാ​യി​രു​ന്ന സീ​നി​യ​ർ ന​ഴ്സ് ധ​ന്യ ഡെ​ലി​വ​റി കി​റ്റ് ഉ​പ​യോ​ഗി​ച്ചാ​ണ് പ്ര​സ​വം പൂ​ർ​ത്തി​യാ​ക്കി​യ​ത്. കു​ഞ്ഞ്​ ജ​നി​ച്ച​തി​ന്​ പി​ന്നാ​ലെ പു​ക്കി​ൾ​കൊ​ടി വി​ച്ചേ​ദി​ക്കു​ക​യും ചെ​യ്തു. തു​ട​ർ​ന്ന് അ​മ്മ​യെ​യും കു​ഞ്ഞി​നെ​യു​മാ​യി കോ​ന്നി​യി​ലേ​ക്കു​ള്ള യാ​ത്ര​യി​ൽ ഗ​താ​ഗ​ത കു​രു​ക്ക് ഉ​ണ്ടാ​വാ​തി​രി​ക്കാ​ൻ കോ​ന്നി പൊ​ലീ​സി​ന്റെ സ​ഹാ​യ​വും തേ​ടി.

ഇ​വ​ർ എ​ലി​യ​റ​ക്ക​ലി​ൽ എ​ത്തു​മ്പോ​ഴേ​ക്കും കോ​ന്നി​യി​ലെ ഗ​താ​ഗ​ത​ക്കു​രു​ക്ക് ഒ​ഴി​വാ​ക്കാ​ൻ വേ​ണ്ട ന​ട​പ​ടി​ക​ൾ പൊ​ലീ​സ് സ്വീ​ക​രി​ച്ചി​രു​ന്നു. കോ​ന്നി താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ച് പ്രാ​ഥ​മി​ക ചി​കി​ത്സ ന​ൽ​കി​യ​ശേ​ഷം തു​ട​ർ​ചി​കി​ത്സ​ക്കാ​യി അ​മ്മ​യെ​യും കു​ഞ്ഞി​നെ​യും പ​ത്ത​നം​തി​ട്ട ജ​ന​റ​ൽ ആ​ശു​പ​ത്രി​യി​ലേ​ക്ക് മാ​റ്റി.