ജില്ല സ്കൂൾ കായിക മേള 17 മുതൽ 19വരെ കൊടുമണ്ണിൽ

കൊ​ടു​മ​ൺ: ജി​ല്ല സ്കൂ​ൾ കാ​യി​ക മേ​ള 17, 18, 19 തീ​യ​തി​ക​ളി​ൽ കൊ​ടു​മ​ൺ ഇ.​എം.​എ​സ്​ സ്റ്റേ​ഡി​യ​ത്തി​ൽ ന​ട​ക്കും. മു​ൻ വ​ർ​ഷ​ങ്ങ​ളി​ൽ പ​ത്ത​നം​തി​ട്ട, തി​രു​വ​ല്ല സ്റ്റേ​ഡി​യ​ങ്ങ​ളാ​യി​രു​ന്നു വേ​ദി​ക​ളാ​യ​ത്. ഇ​ത്ത​വ​ണ കാ​യി​ക​മേ​ള ന​ട​ത്താ​ൻ ര​ണ്ട് സ്റ്റേ​ഡി​യ​വും അ​നു​യോ​ജ്യ​മ​ല്ലെ​ന്നാ​ണ് വി​ല​യി​രു​ത്ത​ൽ. ഗ്രൗ​ണ്ടി​ലെ വെ​ള്ള​ക്കെ​ട്ടും ച​ളി​യു​മാ​ണ് പ്ര​ധാ​ന പ്ര​ശ്നം.

കോ​വി​ഡി​ൽ മു​ട​ങ്ങി​യ കാ​യി​ക​മേ​ള ഇ​ത്ത​വ​ണ കു​ട്ടി​ക​ളു​ടെ നി​റ​ഞ്ഞ പ​ങ്കാ​ളി​ത്ത​ത്തോ​ടെ പു​ന​രാ​രം​ഭി​ക്കു​മ്പോ​ൾ ചി​ല പു​തു​മ​ക​ളു​മു​ണ്ട്. ട്രാ​ക്കി​ലെ മ​ത്സ​ര​ങ്ങ​ളി​ൽ മു​ന്നി​ലെ​ത്തു​ന്ന​വ​രാ​ണ് മു​ൻ വ​ർ​ഷ​ങ്ങ​ളി​ൽ താ​ര​ങ്ങ​ളാ​യ​തെ​ങ്കി​ൽ ഇ​ത്ത​വ​ണ സ​മ​യ​മാ​ണ് വി​ജ​യി​ക​ളെ നി​ർ​ണ​യി​ക്കു​ന്ന​ത്. ഏ​റ്റ​വും കു​റ​ഞ്ഞ സ​മ​യ​ത്തി​ൽ ഫി​നി​ഷി​ങ്​ പോ​യ​ന്‍റ്​ ക​ട​ക്കു​ന്ന​യാ​ൾ അ​ടു​ത്ത റൗ​ണ്ടി​ലേ​ക്ക് യോ​ഗ്യ​ത നേ​ടും. സ​മ​യം അ​ടി​സ്ഥാ​ന​ത്തി​ൽ വി​ജ​യി​ക​ളെ നി​ശ്ച​യി​ക്കാ​ൻ അ​ഞ്ച് ഒ​ഫി​ഷ്യ​ലു​ക​ൾ ഗ്രൗ​ണ്ടി​ലു​ണ്ടാ​കും.

ട്രാ​ക്ക് കു​റ​വെ​ങ്കി​ലും മി​ക​ച്ച സൗ​ക​ര്യം കൊ​ടു​മ​ണ്ണി​ലു​ണ്ട്​. അ​ഞ്ച് സി​ന്ത​റ്റി​ക് ട്രാ​ക്കു​ക​ൾ മാ​ത്ര​മാ​ണ് കൊ​ടു​മ​ൺ സ്റ്റേ​ഡി​യ​ത്തി​നു​ള്ള​ത്. ട്രാ​ക്കു​ക​ളു​ടെ കു​റ​വ്​ മ​ത്സ​ര​ത്തി​ന്റെ ന​ട​ത്തി​പ്പി​നെ ബാ​ധി​ക്കു​മെ​ന്ന ആ​ശ​ങ്ക​യു​ണ്ട്. എ​ന്നാ​ൽ, ഇ​ത്​ മ​ത്സ​ര​ങ്ങ​ളെ ബാ​ധി​ക്കി​ല്ലെ​ന്ന് അ​ധി​കൃ​ത​ർ പ​റ​യു​ന്നു.

സം​സ്ഥാ​ന സ്കൂ​ൾ കാ​യി​ക​മേ​ള വി​ദ​ഗ്​​ധ സ​മി​തി​യു​ടെ നി​ർ​ദേ​ശം അം​ഗീ​ക​രി​ച്ചാ​കും ക്ര​മീ​ക​രി​ക്കു​ക. ത്രോ ​ഇ​ന​ങ്ങ​ൾ​ക്ക് സു​ര​ക്ഷ​ക്കാ​യി പ്ര​ത്യേ​കം നെ​റ്റു​ക​ൾ സ്ഥാ​പി​ച്ചി​ട്ടു​ണ്ട്. ജി​ല്ല​യി​ൽ സി​ന്ത​റ്റി​ക് ട്രാ​ക്കു​ള്ള പ​ബ്ലി​ക് സ്റ്റേ​ഡി​യം കൊ​ടു​മ​ണ്ണി​ൽ മാ​ത്ര​മാ​ണ്. മ​ഴ പെ​യ്താ​ൽ വേ​ഗ​ത്തി​ൽ വെ​ള്ളം ഒ​ഴു​കി​പ്പോ​കാ​ൻ ക​ഴി​യു​ന്ന ഡ്രെ​യി​നേ​ജ് സം​വി​ധാ​നം സ്റ്റേ​ഡി​യ​ത്തി​നു​ണ്ട്. സം​ഘാ​ട​ക സ​മി​തി യോ​ഗം ഒ​മ്പ​തി​ന്​ രാ​വി​ലെ 11ന്​ ​കൊ​ടു​മ​ൺ ഹൈ​സ്​​കൂ​ളി​ൽ ന​ട​ക്കും.