സു​ര​ക്ഷ ഭീ​ഷ​ണി​യി​ൽ ക​ല്ല​റ​ക്ക​ട​വ് ജ​ല​ശു​ദ്ധീ​ക​ര​ണ ശാ​ല

പ​ത്ത​നം​തി​ട്ട: ജി​ല്ല ആ​സ്ഥാ​ന​മാ​യ പ​ത്ത​നം​തി​ട്ട ന​ഗ​ര​സ​ഭ​യി​ൽ​ കു​ടി​വെ​ള്ള വി​ത​ര​ണം ചെ​യ്യു​ന്ന ക​ല്ല​റ​ക്ക​ട​വ് വാ​ട്ട​ർ അ​തോ​റി​റ്റി ജ​ല​ശു​ദ്ധീ​ക​ര​ണ പ്ലാ​ന്‍റി​ന്​ സ​മീ​പം വ​ഴി​വി​ള​ക്കി​ല്ലാ​ത്ത​ത്​ രാ​ത്രി​യി​ൽ​ സു​ര​ക്ഷ ഭീ​ഷ​ണി ഉ​യ​ർ​ത്തു​ന്നു. അ​പ​രി​ചി​ത​ർ പ​തി​വാ​യി ക​ല്ല​റ​ക്ക​ട​വ്​ റോ​ഡി​ൽ ത​മ്പ​ടി​ക്കു​ന്ന​താ​യും നാ​ട്ടു​കാ​ർ പ​രാ​തി​പ്പെ​ടു​ന്നു. ജ​ല​ശു​ദ്ധീ​ക​ര​ണ പ്ലാ​ന്‍റി​ലും സു​ര​ക്ഷ ജീ​വ​ന​ക്കാ​ര​നി​ല്ല. പ്ലാ​ന്‍റി​ൽ രാ​ത്രി ഡ്യൂ​ട്ടി​യു​ള്ള ആ​ളു​ടെ ക​ണ്ണി​ൽ​പ്പെ​ടാ​ത ജ​ല​സം​ഭ​ര​ണി​ക്ക​ടു​ത്ത് ആ​ർ​ക്കും എ​ത്താ​നാ​കും. പ്ലാ​ന്‍റി​ന്റെ സു​ര​ക്ഷ​ക്കാ​യി റോ​ഡി​ൽ ഗേ​റ്റ് സ്ഥാ​പി​ച്ചി​ട്ടു​ണ്ടെ​ങ്കി​ലും രാ​ത്രി അ​ട​ച്ചി​ടാ​റി​ല്ലെ​ന്ന് ആ​ക്ഷേ​പ​മു​ണ്ട്.

ഗേ​റ്റ് കീ​പ്പ​ർ​ക്ക് വി​ശ്ര​മി​ക്കാ​ൻ മു​റി​യു​ണ്ടെ​ങ്കി​ലും ഇ​രി​ക്കാ​നി​ട​മി​ല്ല. ല​ക്ഷ​ങ്ങ​ൾ ചെ​ല​വാ​ക്കി നി​ർ​മി​ച്ച ഗേ​റ്റും മു​റി​യും പ്ര​യോ​ജ​ന​മി​ല്ലാ​തെ കി​ട​ക്കു​ക​യാ​ണ്. മു​റി​യി​ൽ വൈ​ദ്യു​തി​യും വെ​ളി​ച്ച​വു​മി​ല്ല. ടെ​ലി​ഫോ​ൺ ഓ​പ​റേ​റ്റ​റാ​ണ് ആ ​ജോ​ലി​കൂ​ടി നോ​ക്കു​ന്ന​ത്.

വെ​ള്ള​മി​ല്ലെ​ന്ന പ​രാ​തി സ്വീ​ക​രി​ക്കു​ന്ന​ത് ഫോ​ൺ ഓ​പ​റേ​റ്റ​റാ​ണ്. ഇ​ദ്ദേ​ഹ​മാ​ണ് മോ​ട്ടോ​ർ പ​മ്പും ഓ​പ​റേ​റ്റ് ചെ​യ്യു​ന്ന​തെ​ന്ന് അ​റി​യു​ന്നു. പ്ലാ​ന്റി​ലും ഓ​ഫി​സി​ലും മാ​ത്ര​മാ​ണ് വൈ​ദ്യു​തി വെ​ളി​ച്ച​മു​ള്ള​ത്. രാ​ത്രി​യി​ൽ ഇ​വി​ടെ സാ​മൂ​ഹി​ക​വി​രു​ദ്ധ​ർ എ​ത്താ​റു​ണ്ട്. ക​ല്ല​റ​ക്ക​ട​വ്​ റോ​ഡി​ൽ വ​ഴി​വി​ള​ക്ക്​ ​തെ​ളി​യാ​ത്ത​തും സാ​മൂ​ഹി​ക​വി​രു​ദ്ധ​ർ​ക്ക്​ സ​ഹാ​യ​ക​മാ​കു​ന്നു​ണ്ട്. വെ​ളി​ച്ച​മി​ല്ലാ​ത്ത​തി​നാ​ൽ ഇ​ഴ​ജ​ന്തു​ക്ക​ളു​ടെ ശ​ല്ല്യ​വും ഉ​ണ്ടെ​ന്ന്​ നാ​ട്ടു​കാ​ർ പ​റ​യു​ന്നു.

റോ​ഡി​ൽ വൈ​ദ്യു​തി വി​ള​ക്ക്​ ​തെ​ളി​യി​ക്ക​ണ​​മെ​ന്നും ജ​ല ശു​ദ്ധീ​ക​ര​ണ ശാ​ല​ക്ക്​ ആ​വ​ശ്യ​മാ​യ സു​ര​ക്ഷ ഏ​ർ​പ്പെ​ടു​ത്താ​ൻ വാ​ട്ട​ർ അ​തോ​റി​റ്റി​യും ന​ഗ​ര​സ​ഭ​യും ഇ​ട​പെ​ട​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ടു​ന്നു.