പ​ത്ത​നം​തി​ട്ട സ​ര്‍ക്കാ​ര്‍ ന​ഴ്‌​സി​ങ്​ കോ​ള​ജി​ന്​ ഇ​ന്ത്യ​ന്‍ ന​ഴ്‌​സി​ങ്​ കൗ​ണ്‍സി​ലി​ന്‍റെ അം​ഗീ​കാ​രം

പ​ത്ത​നം​തി​ട്ട: കാ​ത്തി​രി​പ്പി​നും പ്ര​തി​ഷേ​ധ​ങ്ങ​ൾ​ക്കു​മൊ​ടു​വി​ൽ പ​ത്ത​നം​തി​ട്ട സ​ര്‍ക്കാ​ര്‍ ന​ഴ്‌​സി​ങ്​ കോ​ള​ജി​ന് ഇ​ന്ത്യ​ന്‍ ന​ഴ്‌​സി​ങ്​ കൗ​ണ്‍സി​ലി​ന്റെ അം​ഗീ​കാ​രം. അം​ഗീ​കാ​രം ​വൈ​കി​യ​ത്​ പ​രീ​ക്ഷ​ഫ​ല​ത്തെ​യും ബാ​ധി​ച്ച​തോ​ടെ വി​ദ്യാ​ർ​ഥി​ക​ളും ര​ക്ഷി​താ​ക്ക​ളും പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യി​രു​ന്നു. ഇ​ന്ത്യ​ൻ ന​ഴ്സി​ങ് കൗ​ൺ​സി​ൽ (ഐ.​എ​ൻ.​സി) അം​ഗീ​കാ​ര​മി​ല്ലാ​ത്ത​തി​നൊ​പ്പം കോ​ള​ജി​ൽ​ അ​ടി​സ്ഥാ​ന സൗ​ക​ര്യ​ങ്ങ​ൾ ഇ​ല്ലെ​ന്നും ആ​രോ​പി​ച്ച്​ വി​ദ്യാ​ർ​ഥി​ക​ൾ പ്രി​ൻ​സി​പ്പ​ലി​നെ ഉ​പ​രോ​ധി​ച്ചി​രു​ന്നു.

അ​ടു​ത്തി​ടെ കോ​ള​ജി​ന്​ ബ​സും​ അ​നു​വ​ദി​ച്ചി​രു​ന്നു. കോ​ള​ജി​ന്​ സ്വ​ന്ത​മാ​യി ബ​സി​ല്ലാ​ത്ത​ത്​ വി​ദ്യാ​ർ​ഥി​ക​ളെ വ​ല​ച്ചി​രു​ന്നു. ഈ ​ആ​വ​ശ്യം ഉ​ന്ന​യി​ച്ച്​ ജി​ല്ല ക​ല​ക്ട​ർ​ക്കും പ​രാ​തി ന​ൽ​കി​യി​രു​ന്നു. പ്രാ​ക്ടി​ക്ക​ൽ ക്ലാ​സി​നാ​യി​ കോ​ന്നി മെ​ഡി​ക്ക​ൽ കോ​ള​ജി​ലേ​ക്ക​ട​ക്കം സ്വ​ന്ത​മാ​യി പ​ണം മു​ട​ക്കി​യാ​ണ് വി​ദ്യാ​ർ​ഥി​ക​ൾ പോ​യി​രു​ന്ന​ത്.

നി​ര​വ​ധി ത​വ​ണ വാ​ഹ​ന​ത്തി​​ന്​ ആ​വ​ശ്യ​പ്പെ​ട്ടി​ട്ടും ഫ​ല​മു​ണ്ടാ​കാ​ത്ത​തി​​നെ തു​ട​ർ​ന്നാ​ണ്​ പ്രി​ൻ​സി​​പ്പ​ലി​നെ അ​ട​ക്കം ഉ​പ​രോ​ധി​ച്ച​ത്. മാ​ക്കാം​കു​ന്നി​ലെ വാ​ട​ക​ക്കെ​ട്ടി​ട​ത്തി​ൽ 2023ൽ ​തു​ട​ങ്ങി​യ കോ​ള​ജി​ൽ അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കാ​ൻ ക​ഴി​യാ​ത്ത​തി​നാ​ലാ​ണ്​ ന​ഴ്‌​സി​ങ്​ കൗ​ണ്‍സി​ല്‍ അം​ഗീ​കാ​രം നീ​ണ്ട​ത്. സ്വ​കാ​ര്യ കോ​ള​ജി​ന്റെ ഹോ​സ്റ്റ​ൽ കെ​ട്ടി​ട​ത്തി​ലേ​ക്ക് കോ​ള​ജ് മാ​റ്റി സ്ഥാ​പി​ക്കാ​നു​ള്ള തീ​രു​മാ​നം അം​ഗീ​ക​രി​ച്ചാ​ണ്​ ഇ​പ്പോ​ൾ ഐ.​എ​ൻ.​സി. ന​ട​പ​ടി. നി​ല​വി​ൽ 118 വി​ദ്യാ​ർ​ഥി​ക​ളാ​ണ്​ ഇ​വി​ടെ ബി.​എ​സ്.​സി ന​ഴ്‌​സി​ങ്​ പ​ഠി​ക്കു​ന്ന​ത്. കേ​ര​ള ആ​രോ​ഗ്യ സ​ർ​വ​ക​ലാ​ശാ​ല​യു​ടെ താ​ത്​​കാ​ലി​ക അ​നു​മ​തി​യി​ലാ​യി​രു​ന്നു പ​ഠ​നം.

ഇ​ന്ത്യ​ൻ ന​ഴ്സി​ങ് കൗ​ൺ​സി​ൽ മാ​ന​ദ​ണ്ഡ പ്ര​കാ​രം കോ​ള​ജ് താ​ൽ​ക്കാ​ലി​ക കെ​ട്ടി​ട​ത്തി​ൽ തു​ട​ങ്ങാ​മെ​ങ്കി​ലും ര​ണ്ടു വ​ർ​ഷ​ത്തി​നു​ള്ളി​ൽ സ്വ​ന്തം കെ​ട്ടി​ടം നി​ർ​മി​ച്ച് മാ​റ​ണം. എ​ന്നാ​ൽ, ഇ​തു​വ​രെ സ്ഥ​ലം ക​​​ണ്ടെ​ത്താ​ൻ പോ​ലും ക​ഴി​ഞ്ഞി​ട്ടി​ല്ല.

പ​ത്ത​നം​തി​ട്ട ന​​ഗ​​ര​​ത്തി​​ന്റെ ന​ടു​വി​ൽ റോ​​ഡു​​വ​​ക്കി​​ലു​​ള്ള വാ​​ട​​ക​​ക്കെ​​ട്ടി​​ട​ത്തി​ലാ​ണ്​ ഇ​പ്പോ​ൾ കോ​ള​ജ്​ പ്ര​വ​ർ​ത്ത​നം. വാ​ഹ​ന​ങ്ങ​ളു​ടെ ശ​ബ്​​ദ​മ​ട​ക്കം വി​ദ്യാ​ർ​ഥി​ക​ൾ​ക്ക്​ അ​ലോ​സ​രം സൃ​ഷ്ടി​ക്കു​ന്ന​താ​യി പ​രാ​തി​യു​ണ്ടാ​യി​രു​ന്നു. പ​ത്ത​നം​തി​ട്ട ന​ഴ്​​സി​ങ്​ കോ​ള​ജി​ന്​ അം​ഗീ​കാ​രം ല​ഭി​ച്ച​തി​ൽ ഏ​റെ അ​ഭി​മാ​ന​മു​ണ്ടെ​ന്ന്​ ആ​രോ​ഗ്യ മ​ന്ത്രി വീ​ണ ജോ​ര്‍ജ് പ​റ​ഞ്ഞു.

ഇ​തോ​ടെ പു​തു​താ​യി ആ​രം​ഭി​ച്ച എ​ല്ല സ​ര്‍ക്കാ​ര്‍, സ​ര്‍ക്കാ​ര്‍ അ​നു​ബ​ന്ധ ന​ഴ്‌​സി​ങ്​ കോ​ള​ജു​ക​ള്‍ക്കും അ​നു​മ​തി ല​ഭ്യ​മാ​യി. ഈ ​സ​ര്‍ക്കാ​റി​ന്റെ കാ​ല​ത്ത് 22 സ​ര്‍ക്കാ​ര്‍, സ​ര്‍ക്കാ​ര്‍ അ​നു​ബ​ന്ധ ന​ഴ്‌​സി​ങ്​ കോ​ള​ജു​ക​ളാ​ണ് ആ​രം​ഭി​ച്ച​ത്. നാ​ലു​ മെ​ഡി​ക്ക​ല്‍ കോ​ള​ജു​ക​ള്‍ക്കും അ​നു​മ​തി ല​ഭി​ച്ചി​രു​ന്നു. ഇ​തോ​ടെ എ​ല്ലാ ജി​ല്ല​യി​ലും മെ​ഡി​ക്ക​ല്‍ കോ​ള​ജും ന​ഴ്‌​സി​ങ്​ കോ​ള​ജു​മു​ള്ള സം​സ്ഥാ​ന​മാ​യി കേ​ര​ളം മാ​റി​യെ​ന്നും മ​ന്ത്രി പ​റ​ഞ്ഞു. സ​ര്‍ക്കാ​ര്‍ മേ​ഖ​ല​യി​ല്‍ നേ​ര​ത്തെ​യു​ണ്ടാ​യി​രു​ന്ന 478 ബി.​എ​സ്.​സി. ന​ഴ്‌​സി​ങ്​ സീ​റ്റ്​ 1130 ആ​യി വ​ര്‍ധി​ച്ച​താ​യും മ​ന്ത്രി പ​റ​ഞ്ഞു.