പെട്രോൾ പമ്പിൽ തീപിടിത്തം

പത്തനംതിട്ട: പുതിയ ബസ്​സ്​റ്റാൻഡിനു​ സമീപത്തെ പെട്രോൾ പമ്പിൽ തീപിടിത്തം. ചൊവ്വാഴ്​ച രാത്രി 9.15ഓടെയായിരുന്നു സംഭവം. അഗ്​നിരക്ഷാസേനയെത്തി കെടുത്തിയതിനാൽ വലിയ ദുരന്തം ഒഴിവായി. പമ്പിലെ ഓഫിസ്​ മുറി പ്രവർത്തിക്കുന്ന കെട്ടിടത്തിനു മുകളിലെ പൈപ്പിലാണ്​ തീപ്പിടിത്തമുണ്ടായത്​.

പെട്രോൾ ടാങ്കിലെ അമിത സമ്മർദം പുറന്തള്ളുന്നതിനായി സ്ഥാപിച്ച വേപ്പർവെൻറി​െൻറ ഭാഗത്താണ്​ തീപ്പിടിത്തമുണ്ടായതെന്ന്​ അഗ്​നിരക്ഷാസേന​ പറഞ്ഞു. സമീപത്തെ പ്ലാസ്​റ്റിക്​ സാധനങ്ങളെല്ലാം കത്തി.

ഷോർട്ട്​ സർക്യൂട്ടാണ്​ തീപ്പിടിത്തത്തിനു കാരണമെന്നാണ്​ നിഗമനം. പത്തനംതിട്ട അഗ്​നിരക്ഷാസേന സ്​റ്റേഷൻ ഓഫിസർ വിനോദ്​കുമാറി​െൻറ നേതൃത്വത്തിലാണ്​ തീയണച്ചത്​.