കുടിവെള്ള പൈപ്പ്​ പുനഃസ്ഥാപിക്കലിൽ വീഴ്ച; കരാർ കമ്പനിക്കെതിരെ നഗരസഭയുടെ പ്രോസിക്യൂഷൻ നടപടി

പ​ത്ത​നം​തി​ട്ട: ന​ഗ​ര​ത്തി​ലെ കു​ടി​വെ​ള്ള പൈ​പ്പു​ക​ൾ പു​നഃ​സ്ഥാ​പി​ക്കാ​ൻ ക​രാ​റെ​ടു​ത്ത ലോ​ട്ട​സ് ക​മ്പ​നി​യെ പ്രോ​സി​ക്യൂ​ട്ട് ചെ​യ്യാ​ൻ ന​ഗ​ര​സ​ഭ ന​ട​പ​ടി​ക​ളാ​രം​ഭി​ച്ചു. ന​ഗ​ര​സ​ഭ സെ​ക്ര​ട്ട​റി സ​ജി​ത്കു​മാ​ർ കെ.​കെ. ജു​ഡീ​ഷ്യ​ൽ ഒ​ന്നാം​ക്ലാ​സ് മ​ജി​സ്ട്രേ​റ്റ് കോ​ട​തി ഒ​ന്ന്​ മു​മ്പാ​കെ ഹ​ര​ജി ഫ​യ​ൽ ചെ​യ്തു.

അ​ഡ്വ. മു​ഹ​മ്മ​ദ് അ​ൻ​സാ​രി മു​ഖേ​ന ഫ​യ​ൽ ചെ​യ്ത കേ​സി​ൽ പ്രാ​രം​ഭ​വാ​ദം കേ​ട്ട മ​ജി​സ്ട്രേ​റ്റ് കാ​ർ​ത്തി​ക പ്ര​സാ​ദ് അ​ന്വേ​ഷ​ണം ന​ട​ത്തി റി​പ്പോ​ർ​ട്ട് സ​മ​ർ​പ്പി​ക്കാ​ൻ പൊ​ലീ​സി​ന് നി​ർ​ദേ​ശം ന​ൽ​കി. 2021 ജൂ​ണി​ലാ​ണ് ജി​ല്ല ആ​സ്ഥാ​ന​ത്തെ കാ​ല​പ്പ​ഴ​ക്കം ചെ​ന്ന കു​ടി​വെ​ള്ള പൈ​പ്പു​ക​ൾ പു​നഃ​സ്ഥാ​പി​ക്കാ​ൻ ക​മ്പ​നി ജ​ല​വി​ഭ​വ വ​കു​പ്പു​മാ​യി ക​രാ​റി​ൽ ഏ​ർ​പ്പെ​ട്ട​ത്. സ​മ​യ​ബ​ന്ധി​ത​മാ​യി പ്ര​വൃ​ത്തി പൂ​ർ​ത്തീ​ക​രി​ക്കാ​ത്ത ക​മ്പ​നി​ക്ക് നാ​ലു​ത​വ​ണ​യാ​ണ് ജ​ല​വി​ഭ​വ വ​കു​പ്പ് ക​രാ​ർ ദീ​ർ​ഘി​പ്പി​ച്ചു ന​ൽ​കി​യ​ത്. ന​ഗ​ര​ത്തി​ലെ പ്ര​ധാ​ന റോ​ഡു​ക​ളു​ടെ വ​ശ​ങ്ങ​ളി​ൽ പൈ​പ്പ് സ്ഥാ​പി​ക്കാ​ൻ എ​ടു​ത്ത കു​ഴി​ക​ൾ പൂ​ർ​വ സ്ഥി​തി​യി​ലാ​ക്കാ​ത്ത​തി​നെ തു​ട​ർ​ന്ന് ജ​ല അ​തോ​റി​റ്റി​ക്കെ​തി​രെ ന​ഗ​ര​സ​ഭ പ​ര​സ്യ​മാ​യി രം​ഗ​ത്തു​വ​ന്നി​രു​ന്നു.

ക​രാ​റു​കാ​ര​നെ ക​രി​മ്പ​ട്ടി​ക​യി​ൽ​പ്പെ​ടു​ത്തി അ​ടി​യ​ന്ത​ര​മാ​യി റോ​ഡ് പു​നഃ​സ്ഥാ​പി​ക്ക​ണ​മെ​ന്ന് ന​ഗ​ര​സ​ഭ ചെ​യ​ർ​മാ​ൻ മ​ന്ത്രി റോ​ഷി അ​ഗ​സ്റ്റി​ന് ക​ത്ത് ന​ൽ​കി​യി​രു​ന്നു. കാ​ര്യ​മാ​യ പു​രോ​ഗ​തി ഉ​ണ്ടാ​കാ​ത്ത​തി​നെ തു​ട​ർ​ന്ന് പ്രോ​സി​ക്യൂ​ഷ​ൻ ന​ട​പ​ടി തു​ട​ങ്ങാ​ൻ ന​ഗ​ര​സ​ഭ സെ​ക്ര​ട്ട​റി​ക്ക് ചെ​യ​ർ​മാ​ൻ നി​ർ​ദേ​ശം ന​ൽ​കു​ക​യാ​യി​രു​ന്നു.

തു​ട​ർ​ന്ന് ന​ഗ​ര​സ​ഭ സെ​ക്ര​ട്ട​റി 48 മ​ണി​ക്കൂ​റു​ക​ൾ​ക്ക​കം മ​ൺ​കൂ​ന​ക​ളും കു​ഴി​ക​ളും നി​ക​ത്തി റോ​ഡ് പൂ​ർ​വ​സ്ഥി​തി​യി​ലാ​ക്കി അ​പ​ക​ടാ​വ​സ്ഥ ഒ​ഴി​വാ​ക്ക​ണ​മെ​ന്ന് ക​മ്പ​നി​യോ​ട് ആ​വ​ശ്യ​പ്പെ​ട്ടു.

ക​മ്പ​നി നോ​ട്ടീ​സ് കൈ​പ്പ​റ്റി 48 മ​ണി​ക്കൂ​ർ ക​ഴി​ഞ്ഞ​തി​നെ​ത്തു​ട​ർ​ന്നാ​ണ് പ്രോ​സി​ക്യൂ​ഷ​ൻ ന​ട​പ​ടി​ക്കാ​യി ന​ഗ​ര​സ​ഭ സെ​ക്ര​ട്ട​റി കോ​ട​തി​യെ സ​മീ​പി​ച്ച​ത്. ന​ഗ​ര​സ​ഭ സെ​ക്ര​ട്ട​റി​യു​ടെ നി​ർ​ദേ​ശം അ​നു​സ​രി​ക്കു​ന്ന​തി​ൽ വീ​ഴ്ച വ​രു​ത്തി​യ​തി​നാ​ൽ പി​ഴ​ശി​ക്ഷ കൂ​ടാ​തെ നി​ർ​ദേ​ശം അ​നു​സ​രി​ക്കു​ന്ന​തു​വ​രെ​യോ അ​നു​സ​രി​പ്പി​ക്കു​ന്ന​ത് വ​രെ​യോ ത​ട​വു​ന​ൽ​കാ​ൻ ക​ഴി​യു​ന്ന വ​കു​പ്പു​ക​ൾ ചേ​ർ​ത്താ​ണ് പ്രോ​സി​ക്യൂ​ഷ​ൻ ന​ട​പ​ടി ആ​രം​ഭി​ച്ചി​രി​ക്കു​ന്ന​ത്.