കൈയേറ്റം ഒഴിപ്പിക്കൽ; തർക്കത്തിനൊടുവിൽ സ്വയം പൊളിച്ചുമാറ്റാമെന്ന് ഉടമ

പ​ന്ത​ളം: പ​ന്ത​ളം കു​ടും​ബാ​രോ​ഗ്യ​കേ​ന്ദ്ര​ത്തി​ന്​ സ​മീ​പ​ത്തെ ക​യ്യേ​റ്റ​മൊ​ഴി​പ്പി​ക്കാ​നെ​ത്തി​യ ന​ഗ​ര​സ​ഭ അ​ധി​കൃ​ത​രും കോ​ൺ​ഗ്ര​സ് നേ​താ​ക്ക​ളും ത​മ്മി​ൽ ത​ർ​ക്കം. ഒ​ടു​വി​ൽ ഉ​ട​മ​സ്ഥ​ൻ ത​ന്നെ കൈ​യേ​റ്റം പൊ​ളി​ച്ചു​നീ​ക്കാ​മെ​ന്ന്​ ഉ​റ​പ്പ്​ ന​ൽ​കി​യ​തോ​ടെ ഉ​ദ്യോ​ഗ​സ്ഥ​ർ മ​ട​ങ്ങി.

പ​ന്ത​ളം തോ​ന്ന​ല്ലൂ​ർ ഫാ​ത്തി​മ മ​ൻ​സി​ലി​ൽ മു​ഹ​മ്മ​ദ് ഷാ​ഫി​യു​ടെ കെ​ട്ടി​ട​ത്തി​ലെ ക​യ്യേ​റ്റ​മൊ​ഴി​പ്പി​ക്കാ​നാ​യി​രു​ന്നു വെ​ള്ളി​യാ​ഴ്ച രാ​വി​ലെ ഒ​മ്പ​തോ​ടെ ന​ഗ​ര​സ​ഭ ഉ​ദ്യോ​ഗ​സ്ഥ​രെ​ത്തി​യ​ത്. റ​വ​ന്യൂ ഇ​ൻ​സ്‌​പെ​ക്ട​ർ ടി.​ആ​ർ. വി​ജ​യ​കു​മാ​ർ, അ​സി. എ​ൻ​ജി​നീ​യ​ർ കെ. ​ജ​യ​കു​മാ​ർ എ​ന്നി​വ​രാ​ണ് ന​ട​പ​ടി​ക്കെ​ത്തി​യ​ത്. ന​ട​പ​ടി​ക​ളാ​രം​ഭി​ച്ച​പ്പോ​ഴേ​ക്കും കോ​ൺ​ഗ്ര​സ് ബ്ലോ​ക്ക് പ്ര​സി​ഡ​ന്റ് സ​ക്ക​റി​യ വ​ർ​ഗീ​സി​ന്റെ നേ​തൃ​ത്വ​ത്തി​ൽ കോ​ൺ​ഗ്ര​സ് നേ​താ​ക്ക​ളും സ്ഥ​ല​ത്ത് സം​ഘ​ടി​ച്ചു.

കൈ​യേ​റ്റം പൊ​ളി​ക്കു​ന്ന​തി​നെ കോ​ൺ​ഗ്ര​സ് നേ​താ​ക്ക​ൾ എ​തി​ർ​ത്തു. ക​യ്യേ​റ്റ​മു​ള്ള ഭാ​ഗം ഒ​ഴി​യു​ന്ന​തി​ന്​ ത​ട​സ്സ​മി​ല്ലെ​ന്നും കൂ​ടു​ത​ൽ ഭാ​ഗം പൊ​ളി​ക്കാ​നു​ള്ള നീ​ക്കം ത​ട​യു​മെ​ന്നും സ​ക്ക​റി​യ വ​ർ​ഗീ​സ് ഉ​ദ്യോ​ഗ​സ്ഥ​രെ അ​റി​യി​ച്ചു. ന​ഗ​ര​സ​ഭ കൗ​ൺ​സി​ലി​ൽ വി​ഷ​യം അ​ജ​ൻ​ഡ​യാ​ക്കി ച​ർ​ച്ച ചെ​യ്യാ​തെ പൊ​ളി​ക്കാ​ൻ ന​ഗ​ര​സ​ഭ സെ​ക്ര​ട്ട​റി ഉ​ത്ത​ര​വി​ട്ട​ത് നി​യ​മ​പ​ര​മ​ല്ലെ​ന്നും അ​ദ്ദേ​ഹം ആ​രോ​പി​ച്ചു.

തു​ട​ർ​ന്ന് പ്ര​വ​ർ​ത്ത​ക​രും ഉ​ദ്യോ​ഗ​സ്ഥ​രും ത​മ്മി​ൽ ത​ർ​ക്ക​വു​മു​ണ്ടാ​യി. പ​ന്ത​ളം എ​സ്‌.​ഐ അ​നീ​ഷ് ഏ​ബ്ര​ഹാ​മി​ന്റെ നേ​തൃ​ത്വ​ത്തി​ൽ പൊ​ലീ​സു​മെ​ത്തി​യി​രു​ന്നു. തു​ട​ർ​ന്ന് ന​ട​ന്ന ച​ർ​ച്ച​യി​ൽ ക​യ്യേ​റ്റ​മു​ള്ള ഭാ​ഗം മാ​ത്രം സ്വ​യം പൊ​ളി​ച്ചു​മാ​റ്റാ​മെ​ന്ന് കെ​ട്ടി​ട ഉ​ട​മ മു​ഹ​മ്മ​ദ് ഷാ​ഫി ഉ​ദ്യോ​ഗ​സ്ഥ​രെ അ​റി​യി​ച്ചു.

പി​ന്നീ​ടാ​ണ്, ഉ​ദ്യോ​ഗ​സ്ഥ​രും പൊ​ലീ​സും മ​ട​ങ്ങി​യ​ത്. ക​യ്യേ​റ്റ​മൊ​ഴി​പ്പി​ക്ക​ണ​മെ​ന്ന് പ​ല​ത​വ​ണ നോ​ട്ടി​സ് ന​ൽ​കി​യി​രു​ന്നെ​ന്ന്​ ന​ഗ​ര​സ​ഭ അ​ധി​കൃ​ത​ർ പ​റ​ഞ്ഞു. കൗ​ൺ​സി​ലി​ൽ തീ​രു​മാ​ന​മെ​ടു​ത്തി​രു​ന്നെ​ന്നും ജി​ല്ല വി​ക​സ​ന സ​മി​തി​യു​ടെ നി​ർ​ദേ​ശം കൂ​ടി പ​രി​ഗ​ണി​ച്ചാ​ണ് ന​ട​പ​ടി സ്വീ​ക​രി​ച്ച​തെ​ന്നും ന​ഗ​ര​സ​ഭ അ​ധി​കൃ​ത​ർ പ​റ​ഞ്ഞു. കോ​ൺ​ഗ്ര​സ് മ​ണ്ഡ​ലം പ്ര​സി​ഡ​ന്റ് എ​സ്. ഷെ​റീ​ഫ്, നേ​താ​ക്ക​ളാ​യ എ. ​നൗ​ഷാ​ദ് റാ​വു​ത്ത​ർ, ജി. ​അ​നി​ൽ​കു​മാ​ർ, ഇ.​എ​സ്. നു​ജു​മു​ദ്ദീ​ൻ, മു​ഹ​മ്മ​ദ് ഷെ​ഫീ​ഖ്, പ​ന്ത​ളം വാ​ഹി​ദ്, ബൈ​ജു മു​ക​ടി​യി​ൽ, സോ​ള​മ​ൻ വ​രു​വാ​കാ​ലാ​യി​ൽ, ഷാ​ജി. എം.​എ​സ്.​ബി.​ആ​ർ, ന​സീ​ർ ക​ട​യ്ക്കാ​ട് എ​ന്നി​വ​ർ പ്ര​തി​ഷേ​ധ​ത്തി​ൽ പ​​ങ്കെ​ടു​ത്തു.