ആ​ന​ക്കി​ഷ്ട​മാ​ണോ? എ​ന്നാ​ൽ കൃ​ഷി വേ​ണ്ട; ആ​ന​ക​ളെ ആ​ക​ർ​ഷി​ക്കു​ന്ന വി​ള​ക​ൾ കൃ​ഷി ചെ​യ്യ​രു​തെ​ന്ന നിർദേശവുമായി വ​നം​വ​കു​പ്പ്

പ​ത്ത​നം​തി​ട്ട: കാ​ട്ടു​മൃ​ഗ​ങ്ങ​ൾ വ്യാ​പ​ക​മാ​യി കൃ​ഷി ന​ശി​പ്പി​ക്കു​മ്പോ​ൾ ആ​ന​ക​ളെ ആ​ക​ർ​ഷി​ക്കു​ന്ന കാ​ർ​ഷി​ക വി​ള​ക​ൾ കൃ​ഷി ചെ​യ്യ​രു​തെ​ന്ന നിർദേശവുമായി വ​നം വ​കു​പ്പ്. തെ​ങ്ങ്, വാ​ഴ, കൈ​ത എ​ന്നി​വ കൃ​ഷി ചെ​യ്യു​ന്ന ഇ​ട​ങ്ങ​ളി​ലേ​ക്കാ​ണ് ആ​ന കൂ​ടു​ത​ലാ​യി എ​ത്തു​ന്ന​ത്. സ​ഹ്യ​വ​ന​ത്തോ​ടു ചേ​ർ​ന്നു​ള്ള കൃ​ഷി​യെ സം​ബ​ന്ധി​ച്ച് വ​ർ​ഷ​ങ്ങ​ൾ​ക്കു മു​മ്പ് ത​യാ​റാ​ക്കി​യ ന​യ​മാ​ണ് ഇ​പ്പോ​ൾ വ​നം​വ​കു​പ്പ് ന​ട​പ്പാ​ക്കാ​ൻ ശ്ര​മി​ക്കു​ന്ന​ത്.

പ​ഴ​യ​കാ​ല​ത്തെ തോ​ട്ട വി​ക​സ​ന ന​യം അ​നു​സ​രി​ച്ച് വ​ന​ത്തോ​ടു ചേ​ർ​ന്നു​ള്ള പാ​ട്ട​ഭൂ​മി​യി​ലോ സ്വ​കാ​ര്യ ഭൂ​മി​യി​ലോ റ​ബ​ർ, കാ​പ്പി, ഏ​ലം, തേ​യി​ല എ​ന്നീ നാ​ണ്യ​വി​ള​ക​ളു​ടെ കൃ​ഷി മാ​ത്ര​മാ​ണ് അ​നു​വ​ദ​നീ​യം. മ​റ്റു കൃ​ഷി​ക​ൾ പ​ല​തും കാ​ട്ടി​ൽ വ​സി​ക്കേ​ണ്ട മൃ​ഗ​ങ്ങ​ളെ നാ​ട്ടി​ലേ​ക്ക് ക്ഷ​ണി​ച്ചു വ​രു​ത്തു​മെ​ന്നാ​ണ് വ​നം​വ​കു​പ്പ് പ​റ​യു​ന്ന​ത്.

പ്ലാ​വ് ഉ​ണ്ടെ​ങ്കി​ലും ക​ർ​ഷ​ക​ർ​ക്ക് ച​ക്ക ല​ഭി​ക്കാ​ത്ത സ്ഥി​തി​യു​മു​ണ്ട്. ആ​ന​യെ ഭ​യ​ന്ന് ച​ക്ക ഉ​ണ്ടാ​കു​മ്പോ​ൾ ക​ർ​ഷ​ക​ർ ത​ന്നെ സ്വ​യം വെ​ട്ടി​ന​ശി​പ്പി​ക്കു​ക​യാ​ണ്. ആ​ന ഇ​റ​ങ്ങു​മെ​ന്ന പേ​രി​ൽ സ്വ​കാ​ര്യ കൃ​ഷി​യി​ട​ത്തി​ൽ കൈ​ത​ച്ച​ക്ക കൃ​ഷി ന​ട​ത്തു​ന്ന​തി​നെ​യും വ​ന​പാ​ല​ക​ർ നി​രു​ത്സാ​ഹ​പ്പെ​ടു​ത്തു​ന്നു​ണ്ട്. ആ​ന​ക​ൾ​ക്ക് ഏ​റ്റ​വും പ്രി​യ​പ്പെ​ട്ട ഭ​ക്ഷ​ണ​മാ​ണ് കൈ​ത​ച്ച​ക്ക​യും ക​രി​മ്പും. റ​ബ​റി​നു ന്യാ​യ​വി​ല ല​ഭി​ക്കാ​തെ വ​രി​ക​യും വി​ല​സ്ഥി​ര​ത ന​ഷ്ട​മാ​കു​ക​യും ചെ​യ്ത സാ​ഹ​ച​ര്യ​ത്തി​ലാ​ണ് കൈ​ത​ക്കൃ​ഷി​യി​ലേ​ക്ക് ആ​ളു​ക​ൾ തി​രി​ഞ്ഞ​ത്. വ​ന്യ ജീ​വി ശ​ല്യ​ത്തെ തു​ട​ർ​ന്ന് മ​ല​യോ​ര മേ​ഖ​ല​യി​ൽ തെ​ങ്ങ് കൃ​ഷി​യും ഏ​താ​ണ്ട് അ​വ​സാ​നി​ച്ച സ്ഥി​തി​യാ​ണ്. കാ​ട്ടു​പ​ന്നി​ക്കൂ​ട്ടം തെ​ങ്ങി​ൻ​തൈ​ക​ൾ പി​ഴു​തു മ​റി​ച്ചി​ട്ടു ന​ശി​പ്പി​ക്കു​ന്ന​ത് പ​തി​വാ​ണ്. കാ​യ്ഫ​ല​മെ​ത്തു​മ്പോ​ൾ കു​ര​ങ്ങി​ന്‍റെ വ്യാ​പ​ക ശ​ല്യ​വും ഉ​ണ്ടാ​കു​ന്നു​ണ്ട്. കാ​ട്ടാ​ന ഇ​റ​ങ്ങു​ന്ന കൃ​ഷി​യി​ട​ങ്ങ​ളി​ലെ തെ​ങ്ങ് മ​റി​ച്ചി​ട്ടു ന​ശി​പ്പി​ക്കു​ന്ന​തും പ​തി​വു കാ​ഴ്ച​യാ​ണ്.

ആ​ശ​ങ്ക പെ​രു​കു​ന്നു...

കോ​ന്നി: വ​യ​നാ​ട് മേ​ഖ​ല​യി​ലും അ​തി​ര്‍ത്തി പ്ര​ദേ​ശ​ങ്ങ​ളി​ലു​മാ​യി മാ​ത്രം നാ​നൂ​റി​ല​ധി​കം ക​ടു​വ​ക​ളു​ണ്ടെ​ന്നാ​ണ്​ വ​നം​വ​കു​പ്പി​ന്‍റെ വി​ല​യി​രു​ത്ത​ല്‍.

ഉ​ള്‍ക്കൊ​ള്ളു​ന്ന​തി​നേ​ക്കാ​ള്‍ അ​ഞ്ചി​ര​ട്ടി​യി​ല​ധി​കം ക​ടു​വ​ക​ള്‍ പ്ര​ദേ​ശ​ത്തു​ണ്ടെ​ന്നും അ​തി​നാ​ലാ​കാം അ​വ നാ​ട്ടി​ലേ​ക്ക് ഇ​റ​ങ്ങു​ന്ന​തെ​ന്നു​മാ​ണ് പ​റ​യു​ന്ന​ത്. കേ​ര​ള​ത്തി​ന്‍റെ വ​ന​മേ​ഖ​ല​യി​ല്‍ ആ​ന​ക​ളു​ടെ എ​ണ്ണം ഇ​ര​ട്ടി​യി​ല​ധി​ക​മാ​യെ​ന്നു​മാ​ണ്​ വ​നം വ​കു​പ്പി​ന്‍റെ വി​ല​യി​രു​ത്ത​ൽ.

ക​ടു​വ, പു​ലി, കാ​ട്ടാ​ന ഇ​വ​യെ​ല്ലാം ജ​ന​വാ​സ​മേ​ഖ​ല​യി​ലേ​ക്ക് ഇ​റ​ങ്ങി മ​നു​ഷ്യ​രെ ആ​ക്ര​മി​ക്കു​ന്നു. പു​തി​യ സ​ര്‍ക്കാ​ര്‍ അ​ധി​കാ​ര​ത്തി​ല്‍ എ​ത്തി​യ​തി​ന് ശേ​ഷം മാ​ത്രം മൂ​ന്നു​പേ​രാ​ണ് കാ​ട്ടാ​ന​യു​ടെ ആ​ക്ര​മ​ണ​ത്തി​ല്‍ കൊ​ല്ല​പ്പെ​ട്ട​ത്. അ​തി​ന്‍റെ അ​ടി​സ്ഥാ​ന​ത്തി​ല്‍ വ​നം​മ​ന്ത്രി​യു​ടെ നി​ർ​ദേ​ശ​പ്ര​കാ​രം​വ​ന്യ​മൃ​ഗ​ങ്ങ​ളു​ടെ ക​ണ​ക്കെ​ടു​പ്പ് ന​ട​ന്നു വ​രി​ക​യാ​ണ്.

ടൈ​ഗ​ര്‍ റി​സ​ര്‍വാ​യ പെ​രി​യാ​റി​ല്‍ ക​ടു​വ​ക​ളു​ടെ ആ​ക്ര​മ​ണം കു​റ​വാ​ണ്. വ​യ​നാ​ട്ടി​ലെ സ്ഥി​തി ഭ​യാ​ന​ക​വും. ക​ഴി​ഞ്ഞ 15 വ​ര്‍ഷ​ത്തേ​തി​ന്‍റെ ഇ​ര​ട്ടി​യി​ല​ധി​കം ആ​ന​ക​ൾ നി​ല​വി​ല്‍ കേ​ര​ള​ത്തി​ന്‍റെ വ​ന​ത്തി​ലു​ണ്ട്. ഈ ​സാ​ഹ​ച​ര്യ​ത്തി​ൽ കേ​ര​ള​ത്തി​ലെ വ​ന​ത്തി​ല്‍ ഉ​ള്‍ക്കൊ​ള്ളാ​വു​ന്ന​തി​ല്‍ അ​ധി​കം മൃ​ഗ​ങ്ങ​ള്‍ ഇ​പ്പോ​ഴു​ണ്ടോ എ​ന്ന് ശാ​സ്ത്രീ​യ​മാ​യി പ​ഠി​ക്കാ​നാ​ണ് വ​നം​വ​കു​പ്പി​ന്‍റെ തീ​രു​മാ​നം.

കാ​ട്ടു​പ​ന്നി​ക​ളു​ടെ എ​ണ്ണം 50,000ല്‍ ​അ​ധി​ക​മാ​ണ്. കാ​ട്ടു​പ​ന്നി​ക​ളെ ക്ഷു​ദ്ര​ജീ​വി​യാ​യി പ്ര​ഖ്യാ​പി​ക്കാ​ന്‍ കേ​ന്ദ്ര​ത്തി​ല്‍ സ​മ്മ​ര്‍ദ്ദം ചെ​ലു​ത്താ​നു​ള്ള നീ​ക്ക​ത്തി​ലാ​ണ് സം​സ്ഥാ​ന സ​ര്‍ക്കാ​ര്‍. ഇ​തി​നാ​യി ഗ​വ​ര്‍ണ​റു​ടെ സ​ഹാ​യ​വും വ​നം​മ​ന്ത്രി തേ​ടി​യി​ട്ടു​ണ്ട്.