വെട്ടുകേസ്​ പ്രതി പൊലീസ്​ കസ്റ്റഡിയിൽ നിന്ന്​ രക്ഷപ്പെട്ടു

പത്തനംതിട്ട: യുവാവിനെ വീട് കയറി വെട്ടിപ്പരിക്കേൽപ്പിച്ച കേസിൽ പിടിയിലായ പ്രതി പുളിക്കീഴ് പൊലീസിന്റെ കസ്റ്റഡിയിൽ നിന്നും രക്ഷപെട്ടു. കൊമ്പങ്കേരി മാനേച്ചിറ വീട്ടിൽ രഘുവിനെ വെട്ടിപ്പരിക്കേൽപ്പിച്ച കേസിൽ വെള്ളിയാഴ്​ച്ച രാവിലെ അറസ്റ്റിലായ നിരണം കൊമ്പങ്കേരി ആശാൻകുടി പുതുവേൽ വീട്ടിൽ സജൻ (28) ആണ് രക്ഷപെട്ടത്.

കഴിഞ്ഞ ദിവസം വൈകിട്ട് 7 മണിയോടെ ആയിരുന്നു സംഭവം. പ്രതി ആവശ്യപ്പെട്ടതിനെ തുടർന്ന് പ്രാഥമിക കാര്യത്തിനായി സ്റ്റേഷന് പിന്നിലെ ടോയ്​ലെറ്റിലേക്ക്​ പോയപ്പോൾ പോലീസുകാരനെ വെട്ടിച്ച് കെട്ടിടത്തിന്റെ പിന്നിലെ കുറ്റിക്കാട്ടിലേക്ക് ചാടി രക്ഷപെടുകയായിരുന്നു. രക്ഷപെട്ട പ്രതിക്കായി പൊലീസ് തെരച്ചിൽ ശക്തമാക്കിയിട്ടുണ്ട്.