പ​ത്ത​നം​തി​ട്ടയിൽ തീരുമാനം നീളുന്നു; കോൺ​ഗ്രസിൽ സീറ്റിനായി കൂട്ടയടി

പ​ത്ത​നം​തി​ട്ട: കോ​ൺ​ഗ്ര​സി​ൽ പ​തി​വു​പോ​ലെ സീ​റ്റി​നാ​യി കൂ​ട്ട​യ​ടി. ജ​യി​ക്കാ​ൻ ക​ഴി​യു​ന്ന സീ​റ്റു​ക​ളി​ലൊ​ക്കെ​യും അ​ടി​യോ​ട​ടി​യാ​ണ്.

പ​ല പ​ഞ്ചാ​യ​ത്തു​ക​ളി​ലും ന​ഗ​ര​സ​ഭ​ക​ളി​ലും ബ്ലോ​ക്ക്​-​ജി​ല്ല പ​ഞ്ചാ​യ​ത്തു​ക​ളി​ലേ​ക്കും ഇ​താ​ണ്​ അ​വ​സ്ഥ. പ​ല പ​ഞ്ചാ​യ​ത്തു​ക​ളി​ലും ഘ​ട​ക​ക​ക്ഷി​ക​ളു​മാ​യി സീ​റ്റ് വി​ഭ​ജ​നം പ​രി​ഹ​രി​ക്കാ​നാ​കു​ന്നി​ല്ല. കേ​ര​ള കോ​ൺ​ഗ്ര​സ് ജോ​സ​ഫ് വി​ഭാ​ഗ​വു​മാ​യി ത​ർ​ക്ക​മു​ണ്ട്. ന​ഗ​ര​സ​ഭ​ക​ളി​ലും ഇ​താ​ണ് സ്ഥി​തി. പ​ത്രി​ക ന​ൽ​കു​ന്ന​തിെൻറ അ​വ​സാ​ന​നി​മി​ഷം വ​രെ ത​ർ​ക്ക​ങ്ങ​ൾ തു​ട​രു​മെ​ന്ന് ഉ​റ​പ്പാ​ണ്.

ഇ​ത​നി​ടെ റിബ​ലു​ക​ളും പ്ര​ത്യ​ക്ഷ​പ്പെ​ട്ടു​ത്തു​ട​ങ്ങി. വ​ർ​ഷ​ങ്ങ​ളാ​യി ജ​ന​പ്ര​തി​നി​ധി​ക​ളാ​യി തു​ട​രു​ന്ന പ​ല​രും പു​തി​യ ആ​ളു​ക​ൾ​ക്കു​വേ​ണ്ടി മാ​റി​ക്കൊ​ടു​ക്കാ​ൻ ത​യാ​റ​ല്ല. വി​ജ​യ​പ്ര​തീ​ക്ഷ​യു​ള്ള സീ​റ്റു​ക​ളി​ൽ നേ​താ​ക്ക​ൾ മ​ത്സ​രി​ക്കാ​ൻ കൂ​ട്ട​മാ​യി എ​ത്തി​യ​താ​ണ് എ​ങ്ങും പ്ര​ശ്ന​മാ​യ​ത്. ചി​ല വാ​ർ​ഡു​ക​ളി​ൽ വാ​ർ​ഡ്​ ക​മ്മി​റ്റി​ക​ൾ തീ​രു​മാ​നി​ച്ച സ്ഥാ​നാ​ർ​ഥി​ക​ൾ​പോ​ലും പു​റ​ത്താ​യി. അ​വി​ടെ നേ​താ​ക്ക​ളു​ടെ താ​ൽ​പ​ര്യാ​ർ​ഥം ചി​ല​ർ​ക്ക് സീ​റ്റ് ന​ൽ​കി​യ​തും പോ​രി​ന് ഇ​ട​യാ​ക്കി​ക​ഴി​ഞ്ഞു. ഭാ​ര്യ​ക്ക് ജി​ല്ല പ​ഞ്ചാ​യ​ത്തി​ലേ​ക്കും ഭ​ർ​ത്താ​വി​ന് ഗ്രാ​മ​പ​ഞ്ചാ​യ​ത്തി​ലേ​ക്കും സീ​റ്റ് ന​ൽ​കി​യ​തും പ്ര​തി​ഷേ​ധ​കാ​ര​ണ​മാ​യി​ട്ടു​ണ്ട്. സീ​റ്റ് മോ​ഹി​ച്ച് പാ​ർ​ട്ടി മാ​റി​വ​ന്ന​വ​ർ​ക്കും അ​വ​സാ​നം സീ​റ്റി​ല്ല. അ​വ​ർ ​െറ​ബ​ലാ​യി പ​ത്രി​ക ന​ൽ​കാ​നും ത​യാ​റെ​ടു​ക്കു​ന്നു.

ജി​ല്ല ആ​സ്ഥാ​ന​ത്ത്​ കൂ​ട്ട​പ്പൊ​രി​ച്ചി​ൽ

ജി​ല്ല ആ​സ്ഥാ​ന​ത്ത് പ​ത്ത​നം​തി​ട്ട ന​ഗ​ര​സ​ഭ​യി​ലാ​ണ് ഇ​ത്ത​രം ത​ർ​ക്ക​ങ്ങ​ൾ ഏ​റെ​യും ന​ട​ക്കു​ന്ന​ത്. േക​ര​ള കോ​ൺ​ഗ്ര​സ് മാ​ണി വി​ഭാ​ഗ​ത്തി​ൽ​നി​ന്ന് വ​ന്ന ര​ണ്ട് വ​നി​ത​ക​ൾ​ക്ക് ഇ​പ്പോ​ൾ സീ​റ്റി​ല്ല.

സീ​റ്റ് മോ​ഹി​ച്ച് ആ​ർ.​എ​സ്.​പി​യി​ൽ ചേ​ർ​ന്ന ഷൈ​നി ജോ​ർ​ജ്, കോ​ൺ​ഗ്ര​സി​ൽ ചേ​ർ​ന്ന ആ​നി സ​ജി എ​ന്നി​വ​ർ​ക്ക് സീ​റ്റ് കി​ട്ടി​യി​ല്ല. ഇ​വ​ർ​ക്ക് സീ​റ്റ് ന​ൽ​കി​യാ​ൽ റിബ​ൽ സ്ഥാ​നാ​ർ​ഥി​ക​ളെ നി​ർ​ത്തു​മെ​ന്ന് കോ​ൺ​ഗ്ര​സു​കാ​ർ ത​ന്നെ പ​റ​യു​ന്നു. പ​ത്തോ​ളം വാ​ർ​ഡു​ക​ളി​ൽ റെ​ബ​ലു​ക​ൾ മു​ന്നോ​ട്ടു​വ​ന്നി​ട്ടു​ണ്ട്. ഏ​ഴാം വാ​ർ​ഡി​ൽ നാ​ലു​പേ​ർ മ​ത്സ​രി​ക്കാ​ൻ ത​യാ​റെ​ടു​ക്കു​ന്നു. ഇ​വി​ടെ മു​ൻ കൗ​ൺ​സി​ല​ർ സ​ജി കെ.​സൈ​മ​ണും സീ​റ്റു​വേ​ണ​മെ​ന്ന് ആ​വ​ശ്യ​പ്പെ​ട്ടി​രി​ക്കു​ക​യാ​ണ്. എ​ട്ടാം വാ​ർ​ഡി​ൽ അ​ബ്​​ദു​ൽ​ക​ലാം ആ​സാ​ദും അ​മീ​നും സീ​റ്റി​നാ​യി മുേ​ന്നാ​ട്ടു​വ​ന്നി​ട്ടു​ണ്ട്. 14ാം വാ​ർ​ഡി​ൽ കെ.​എ​സ്.​യു ജി​ല്ല പ്ര​സി​ഡ​ൻ​റ് അ​ൻ​സാ​ർ മു​ഹ​മ്മ​ദ് മ​ത്സ​രി​ക്കാ​നു​ള്ള പു​റ​പ്പാ​ടി​ലാ​ണ്.

ക​ഴി​ഞ്ഞ​ത​വ​ണ ന​ട​ന്ന ഉ​പ​തെ​ര​ഞ്ഞെ​ടു​പ്പി​ൽ അ​ൻ​സാ​ർ മു​ഹ​മ്മ​ദി​ന് സീ​റ്റ് ന​ൽ​കി​യി​രു​ന്നി​ല്ല. മു​സ്​​ലിം​ലീ​ഗ് സ്ഥാ​നാ​ർ​ഥി​ക്കെ​തി​രെ റെ​ബ​ലാ​യി മ​ത്സ​രി​ച്ചാ​ണ് അ​ൻ​സാ​ർ വി​ജ​യി​ച്ച​ത്. ഇ​വി​ടെ കോ​ൺ​ഗ്രി​ലെ മ​റ്റ് ര​ണ്ടു​പേ​ർ സീ​റ്റി​നാ​യി അ​വ​കാ​ശ​വാ​ദം ഉ​ന്ന​യി​ച്ചു​ക​ഴി​ഞ്ഞു. 15, 16 വാ​ർ​ഡു​ക​ളി​ലും ത​ർ​ക്ക​ങ്ങ​ൾ നി​ല​നി​ൽ​ക്കു​ന്നു. 16ാം വാ​ർ​ഡ് കേ​ര​ള കോ​ൺ​ഗ്ര​സി​ലെ ദീ​പു ഉ​മ്മ​നാ​ണ് ന​ൽ​കി​യ​ത്. ഇ​വി​ടെ കോ​ൺ​ഗ്ര​സി​ലെ അ​ര​വി​ന്ദാ​ക്ഷ​ൻ നാ​യ​ർ റി​ബ​ലാ​യി മ​ത്സ​രി​ക്കാ​ൻ ത​യാ​റാ​യി​ട്ടു​ണ്ട്. 21ാം വാ​ർ​ഡി​ൽ ആ​മി​ന ഹൈ​ദ്രാ​ലി​യെ സ്ഥാ​നാ​ർ​ഥി​യാ​ക്കു​ന്ന കാ​ര്യ​ത്തി​ലും വാ​ർ​ഡി​ൽ എ​തി​ർ​പ്പ് ഉ​യ​ർ​ന്നി​ട്ടു​ണ്ട്. 29ാം വാ​ർ​ഡി​ൽ നാ​ലു​പേ​ർ സീ​റ്റ് ആ​വ​ശ്യ​പ്പെ​ട്ടു​ക​ഴി​ഞ്ഞു.

അ​നി​ൽ തോ​മ​സ്, കെ.​ആ​ർ. അ​ജി​ത്കു​മാ​ർ, ഏ​ബ​ൽ മാ​ത്യു ഇ​വ​രെ​ല്ലാം സീ​റ്റി​നാ​യി മ​ത്സ​രി​ക്കു​ന്നു. 32ാം വാ​ർ​ഡി​ൽ കേ​ര​ള കോ​ൺ​ഗ്ര​സ് മാ​ണി ഗ്രൂ​പ്പി​ൽ​നി​ന്ന്​ ആ​നി സ​ജി​യെ കോ​ൺ​ഗ്ര​സി​ൽ കൊ​ണ്ടു​വ​ന്ന​ത് സീ​റ്റ് ന​ൽ​കാ​മെ​ന്ന ധാ​ര​ണ​യി​ലാ​യി​രു​ന്നു. ഈ ​സീ​റ്റ് ഇ​പ്പോ​ൾ ജോ​സ​ഫ് വി​ഭാ​ഗ​ത്തി​ന് ന​ൽ​കി​യ​തോ​ടെ ആ​നി സ​ജി​യും ഔ​ട്ടാ​യി. പ​ത്ത​നം​തി​ട്ട ന​ഗ​ര​സ​ഭ​യി​ൽ എ​ൽ.​ഡി.​എ​ഫും ബി.​ജെ.​പി​യും സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചു​ക​ഴി​ഞ്ഞു.

പി​ടി​വ​ലി താ​ഴെ​ ത​ട്ടി​ലേ​ക്കും

നി​ര​ണം, ചെ​റു​കോ​ൽ, റാ​ന്നി, ഏ​റ​ത്ത് തു​ട​ങ്ങി ഒ​ട്ടു​മി​ക്ക പ​ഞ്ചാ​യ​ത്തു​ക​ളി​ലും സീ​റ്റി​നാ​യി പി​ടി​വ​ലി ന​ട​ക്കു​ന്നു. ബ്ലോ​ക്ക് പ​ഞ്ചാ​യ​ത്ത് ഡി​വി​ഷ​നു​ക​ളി​ലും സ്ഥാ​നാ​ർ​ഥി​ക​ളെ സം​ബ​ന്ധി​ച്ച് കോ​ൺ​ഗ്ര​സി​ൽ ധാ​ര​ണ​യാ​യി​ട്ടി​ല്ല. അ​ടൂ​ർ ന​ഗ​ര​സ​ഭ​യി​ൽ ഡി.​സി.​സി നേ​താ​ക്ക​ൾ സീ​റ്റി​നാ​യി പി​ടി​വാ​ശി തു​ട​രു​ക​യാ​ണ്. 15, 24, 26 വാ​ർ​ഡു​ക​ളി​ൽ മൂ​ന്ന് ഡി.​സി.​സി നേ​താ​ക്ക​ൾ സീ​റ്റി​നാ​യു​ണ്ട്. ഇ​തി​നിെ​ട ഡി.​സി.​സി ത​ല​ത്തി​ൽ ന​ട​ന്ന ച​ർ​ച്ച​ക​ളി​ലൂെ​ട​യും പ​രി​ഹാ​രം കാ​ണാ​ൻ ക​ഴി​ഞ്ഞി​ട്ടി​ല്ല. ഇ​തി​നി​ടെ എ​ൽ.​ഡി.​എ​ഫ് എ​ല്ലാ വാ​ർ​ഡു​ക​ളി​ലും സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ച് പ്ര​ചാ​ര​ണം തു​ട​ങ്ങി​ക്ക​ഴി​ഞ്ഞു. ജി​ല്ല പ​ഞ്ചാ​യ​ത്ത് സ്ഥാ​നാ​ർ​ഥി​ക​ളെ സം​ബ​ന്ധി​ച്ചും യു.​ഡി.​എ​ഫ് തീ​രു​മാ​ന​ത്തി​ൽ എ​ത്തി​യി​ട്ടി​ല്ല.