ഓഫിസിൽ കയറി വില്ലേജ് ഓഫിസറെ ഭീഷണിപ്പെടുത്തിയതായി പരാതി

പ​ന്ത​ളം: കു​ള​ന​ട വി​ല്ലേ​ജ് ഓ​ഫി​സ​ർ കെ.​വി. ശ്രീ​ലാ​ലി​നെ സി.​പി.​എം പ്ര​വ​ർ​ത്ത​ക​ർ ഭീ​ഷ​ണി​പ്പെ​ടു​ത്തി​യെ​ന്ന് പ​രാ​തി. പോ​ക്കു​വ​ര​വ് ചെ​യ്തു ന​ൽ​കു​ന്ന​തു​മാ​യി ബ​ന്ധ​പ്പെ​ട്ട് സി.​പി.​എം കു​ള​ന​ട ലോ​ക്ക​ൽ സെ​ക്ര​ട്ട​റി സാ​യി​റാ​മും ഡി.​വൈ.​എ​ഫ്.​ഐ നേ​താ​വ് ശ്രീ​ഹ​രി​യും അ​ട​ങ്ങു​ന്ന സം​ഘം വി​ല്ലേ​ജ് ഓ​ഫി​സ​റു​മാ​യി ത​ർ​ക്കി​ക്കു​ന്ന വീ​ഡി​യോ ദൃ​ശ്യ​ങ്ങ​ൾ സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​ച്ചു.

ജോ​ലി ത​ട​സ്സ​പ്പെ​ടു​ത്തി​യെ​ന്ന് ചൂ​ണ്ടി​ക്കാ​ട്ടി വി​ല്ലേ​ജ് ഓ​ഫി​സ​ർ പ​ന്ത​ളം പൊ​ലീ​സി​നും കോ​ഴ​ഞ്ചേ​രി ത​ഹ​സി​ൽ​ദാ​ർ​ക്കും പ​രാ​തി ന​ൽ​കി. ശ​നി​യാ​ഴ്ച വൈ​കു​ന്നേ​ര​മാ​യി​രു​ന്നു സം​ഭ​വം. പോ​ക്കു​വ​ര​വു​മാ​യി ബ​ന്ധ​പ്പെ​ട്ട് നൂ​റ്റ​മ്പ​തോ​ളം അ​പേ​ക്ഷ​ക​ളാ​ണ് വി​ല്ലേ​ജ് ഓ​ഫി​സി​ലു​ള്ള​തെ​ന്നും താ​ൻ പ​ത്ത് ദി​വ​സം മു​മ്പാ​ണ് ചു​മ​ത​ല​യേ​റ്റ​തെ​ന്നും വി​ല്ലേ​ജ് ഓ​ഫി​സ​ർ പ​റ​ഞ്ഞു. അ​പേ​ക്ഷ​ക​ൾ ല​ഭി​ക്കു​ന്ന മു​റ​ക്ക്​ തീ​ർ​പ്പാ​ക്കു​ന്നു​ണ്ട്.

വി​ല്ലേ​ജ് ഓ​ഫി​സി​ൽ ബ​ഹ​ള​മു​ണ്ടാ​ക്കി​യ​വ​രു​ടെ ബ​ന്ധു​വി​ന്റെ അ​പേ​ക്ഷ വേ​ഗം തീ​ർ​പ്പാ​ക്ക​ണ​മെ​ന്നാ​യി​രു​ന്നു ആ​വ​ശ്യം. നി​യ​മ​പ്ര​കാ​രം മാ​ത്ര​മേ മു​ന്നോ​ട്ടു പോ​കാ​ൻ ക​ഴി​യൂ എ​ന്ന് പ​റ​ഞ്ഞ​പ്പോ​ൾ ത​നി​ക്ക് നേ​രെ എ​ട്ടോ​ളം പേ​ർ മോ​ശ​മാ​യ വാ​ക്കു​ക​ളു​മാ​യി ആ​ക്രോ​ശം ന​ട​ത്തു​ക​യാ​യി​രു​ന്നു​വെ​ന്ന് വി​ല്ലേ​ജ് ഓ​ഫി​സ​ർ പ​റ​ഞ്ഞു.

പ​രാ​തി​യി​ൽ മൊ​ഴി​യെ​ടു​ക്കാ​ൻ തി​ങ്ക​ളാ​ഴ്ച വൈ​കീ​ട്ട് പ​ന്ത​ളം പൊ​ലീ​സ് സ്റ്റേ​ഷ​നി​ലേ​ക്ക് വി​ല്ലേ​ജ് ഓ​ഫി​സ​റെ വി​ളി​ച്ചു വ​രു​ത്തി. ഏ​റെ നേ​രം കാ​ത്തു നി​ന്ന വി​ല്ലേ​ജ് ഓ​ഫി​സ​റോ​ട് സി.​ഐ സ്ഥ​ല​ത്തി​ല്ലെ​ന്നും ചൊ​വ്വാ​ഴ്ച വ​രാ​നും പ​റ​ഞ്ഞ പോ​ലീ​സ് മ​ട​ക്കി അ​യ​ക്കു​ക​യാ​യി​രു​ന്നു. 10 ദി​വ​സം മു​മ്പാ​ണ് കു​ള​ന​ട വി​ല്ലേ​ജ് ഓ​ഫി​സ​റാ​യി ശ്രീ​ലാ​ൽ ചാ​ർ​ജ് എ​ടു​ത്ത​ത്. നി​ല​വി​ലെ ഓ​ഫി​സ​ർ കു​ര​മ്പാ​ല​യി​ലേ​ക്ക് സ്ഥ​ലം മാ​റി​പ്പോ​യ​തി​നെ തു​ട​ർ​ന്ന് ഒ​ഴി​വ് വ​ന്ന കു​ള​ന​ട വി​ല്ലേ​ജ് ഓ​ഫി​സി​ൽ പ​ത്ത​നം​തി​ട്ട സ​ർ​വേ​യി​ൽ ആ​യി​രു​ന്ന ശ്രീ​ലാ​ലി​നെ പ്ര​മോ​ഷ​ലൂ​ടെ​യാ​ണ് വി​ല്ലേ​ജ് ഓ​ഫി​സ​റാ​യി എ​ത്തി​യ​ത്.

വി​ല്ലേ​ജ് ഓ​ഫി​സ​ർ​ക്കെ​തി​രെ സി.​പി.​എ​മ്മും പ​ന്ത​ളം പോ​ലീ​സി​ൽ പ​രാ​തി ന​ൽ​കി​യി​ട്ടു​ണ്ട്. രാ​ഷ്ട്രീ​യ സ​മ്മ​ർ​ദ​ത്തെ തു​ട​ർ​ന്ന് ക​ട​മ്പ​നാ​ട് വി​ല്ലേ​ജ് ഓ​ഫി​സ​റാ​യ പ​ള്ളി​ക്ക​ൽ സ്വ​ദേ​ശി ആ​ത്മ​ഹ​ത്യ ചെ​യ്ത സം​ഭ​വം നി​ല​നി​ൽ​ക്കെ​യാ​ണ് കു​ള​ന​ട​യി​ലെ ത​ർ​ക്കം.