സംരക്ഷണഭിത്തി തകർന്ന് തീരം ഇടിയൽ: ജനപ്രതിനിധികൾ സ്ഥലം സന്ദർശിച്ചു

തി​രു​വ​ല്ല: നെ​ടു​മ്പ്ര​ത്ത് പ​മ്പാ​ന​ദി​യു​ടെ സം​ര​ക്ഷ​ണ​ഭി​ത്തി ത​ക​ർ​ന്ന​തി​നെ​തു​ട​ർ​ന്ന്​ അ​പ​ക​ട​ഭീ​ഷ​ണി​യി​ലാ​യ വീ​ടു​ക​ൾ ജി​ല്ല പ​ഞ്ചാ​യ​ത്ത്​ അം​ഗം അ​ട​ക്ക​മു​ള്ള ജ​ന​പ്ര​തി​നി​ധി​ക​ൾ സ​ന്ദ​ർ​ശി​ച്ചു. ജി​ല്ല പ​ഞ്ചാ​യ​ത്ത്​ അം​ഗം മാ​യ അ​നി​ൽ​കു​മാ​ർ, നെ​ടു​മ്പ്രം ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്​ ടി. ​പ്ര​സ​ന്ന​കു​മാ​രി, ഗ്രാ​മ​പ​ഞ്ചാ​യ​ത്ത്​ അം​ഗ​ങ്ങ​ളാ​യ ശ്യാം ​ഗോ​പി, ഗ്രേ​സി അ​ല​ക്സാ​ണ്ട​ർ തു​ട​ങ്ങി​യ​വ​ർ അ​ട​ങ്ങു​ന്ന സം​ഘ​മാ​ണ് തി​ങ്ക​ളാ​ഴ്ച ഉ​ച്ച​യോ​ടെ സ​ന്ദ​ർ​ശ​നം ന​ട​ത്തി​യ​ത്.

സം​ര​ക്ഷ​ണ​ഭി​ത്തി ത​ക​ർ​ന്ന് നെ​ടു​മ്പ്രം പ​തി​നൊ​ന്നാം വാ​ർ​ഡി​ലെ മു​ള​മൂ​ട്ടി​ൽ​പ​ടി-​പ​മ്പ ബോ​ട്ട് റേ​സ് ഫി​നി​ഷി​ങ്​ പോ​യ​ന്‍റ്​ റോ​ഡാ​ണ്​ അ​പ​ക​ട ഭീ​ഷ​ണി​യി​ലാ​യി​രി​ക്കു​ന്ന​ത്. തീ​ര​വും​ റോ​ഡും ഇ​ടി​യു​ന്ന​തു​മൂ​ലം തു​ണ്ടി​യി​ൽ​വീ​ട്ടി​ൽ ഇ​ട്ടി കു​ര്യ​നും സ​ഹോ​ദ​ര​നും വി​ക​ലാം​ഗ​നു​മാ​യ സ​ണ്ണി കു​ര്യ​നും ഉ​ൾ​പ്പെ​ടു​ന്ന കു​ടും​ബ​മാ​ണ്​ ഭീ​ഷ​ണി​യി​ലാ​യി​രി​ക്കു​ന്ന​ത്. തീ​രം മൂ​ന്ന​ടി​യോ​ളം കൂ​ടി ഇ​ടി​ഞ്ഞാ​ൽ ഇ​വ​രു​ടെ വീ​ടി​ന്‍റെ കി​ട​പ്പു​മു​റി​യും അ​ടു​ക്ക​ള​യും ന​ദി​യി​ലേ​ക്ക് പ​തി​ക്കു​ന്ന അ​വ​സ്ഥ​യാ​ണ്.

ശ​നി​യാ​ഴ്ച രാ​ത്രി ഒ​മ്പ​തോ​ടെ വീ​ട്ടി​ലേ​ക്ക് വ​രി​ക​യാ​യി​രു​ന്ന ഇ​ട്ടി​യു​ടെ മ​ക​ൻ എ​ബ്ര​ഹാം റോ​ഡ് ഇ​ടി​ഞ്ഞ​തി​നെ തു​ട​ർ​ന്ന് ആ​റ്റി​ൽ വീ​ണി​രു​ന്നു. ന​ദീ​തീ​രം ഇ​ടി​ഞ്ഞ​ത് സം​ബ​ന്ധി​ച്ച് ‘മാ​ധ്യ​മം’ വാ​ർ​ത്ത ന​ൽ​കി​യി​രു​ന്നു. ഇ​തേ​തു​ട​ർ​ന്നാ​ണ് ജി​ല്ല പ​ഞ്ചാ​യ​ത്ത് അ​ട​ക്കം ഉ​ള്ള​വ​ർ സ്ഥ​ലം സ​ന്ദ​ർ​ശി​ച്ച​ത്. 2018ലെ ​പ്ര​ള​യ​ത്തോ​ടെ​യാ​ണ് 50 അ​ടി​യോ​ളം ദൂ​ര​ത്തി​ൽ ക​രി​ങ്ക​ൽ നി​ർ​മി​ത സം​ര​ക്ഷ​ണ​ഭി​ത്തി ത​ക​ർ​ന്ന​ത്.

ഇ​തോ​ടെ പി​ന്നാ​ലെ വ​ന്ന ഓ​രോ വെ​ള്ള​പ്പൊ​ക്ക​ങ്ങ​ളി​ലും ന​ദി ക​ര​യെ വി​ഴു​ങ്ങി​ത്തു​ട​ങ്ങി. സം​ര​ക്ഷ​ണ ഭി​ത്തി ത​ക​ർ​ന്ന ഭാ​ഗ​ത്തു​കൂ​ടി ഇ​ര​ച്ചെ​ത്തു​ന്ന വെ​ള്ള​മാ​ണ് തി​രു​വ​ല്ല-​അ​മ്പ​ല​പ്പു​ഴ സം​സ്ഥാ​ന പാ​ത​യി​ലെ നെ​ടു​മ്പ്ര​ത്ത് പ​തി​വാ​കു​ന്ന വെ​ള്ള​ക്കെ​ട്ടി​നും ഇ​ട​യാ​ക്കു​ന്ന​ത്.

നെ​ടു​മ്പ്രം തോ​ട്ട​ടി​പ​ടി മു​ത​ൽ അ​ന്തി​ച്ച​ന്ത ജ​ങ്​​ഷ​ൻ വ​രെ​യു​ള്ള ഒ​രു കി​ലോ​മീ​റ്റ​റോ​ളം ഭാ​ഗ​ത്താ​ണ് മ​ഴ​ക്കാ​ല​ത്ത് ഗ​താ​ഗ​തം പൂ​ർ​ണ​മാ​യും സ്തം​ഭി​പ്പി​ക്കു​ന്ന ത​ര​ത്തി​ൽ വെ​ള്ള​ക്കെ​ട്ട് രൂ​പ​പ്പെ​ടാ​റു​ള്ള​ത്. സം​സ്ഥാ​ന​പാ​ത​യി​ലെ വെ​ള്ള​ക്കെ​ട്ടി​നും റോ​ഡ് ഇ​ടി​യാ​നും കാ​ര​ണ​മാ​യ ക​ൽ​ക്ക​ട്ടി​ന്റെ ത​ക​ർ​ച്ച സം​ബ​ന്ധി​ച്ച വി​വ​രം മാ​ത്യു ടി. ​തോ​മ​സ് എം.​എ​ൽ.​എ ധ​രി​പ്പി​ച്ച​താ​യും അ​ടി​യ​ന്ത​ര ന​ട​പ​ടി സ്വീ​ക​രി​ക്കു​മെ​ന്നും ജി​ല്ല പ​ഞ്ചാ​യ​ത്ത്​ അം​ഗം പ​റ​ഞ്ഞു.