കാ​ലാ​വ​സ്ഥമാറ്റം; തേ​നീ​ച്ച ക​ർ​ഷ​ക​ർ ന​ട്ടം​തി​രി​യു​ന്നു

പ​ത്ത​നം​തി​ട്ട: കാ​ലാ​വ​സ്ഥ മാ​റി​യ​തോ​ടെ തേ​നീ​ച്ച ക​ർ​ഷ​ക​ർ ക​ടു​ത്ത പ്ര​തി​സ​ന്ധി​യി​ൽ ന​ട്ടം​തി​രി​യു​ന്നു. മ​ഴ​യും ചൂ​ടും മാ​റി​മാ​റി വ​രു​ന്ന കാ​ലാ​വ​സ്ഥ തേ​ൻ ഉ​ൽ​പാ​ദ​നം കു​റ​യാ​ൻ കാ​ര​ണ​മാ​കു​ന്നു. മ​ഴ​മൂ​ലം തേ​നി​ൽ ജ​ലാം​ശം കൂ​ടി​യാ​ൽ ഉ​പ​യോ​ഗി​ക്കാ​ൻ ക​ഴി​യി​ല്ല. ചൂ​ട് വ​ർ​ധി​ച്ചാ​ൽ ക​ട്ട​പി​ടി​ക്കു​ക​യും ഉ​ൽ​പാ​ദ​നം കു​റ​യു​ക​യും ചെ​യ്യും. സ​ന്തു​ലി​ത​മാ​യ കാ​ലാ​വ​സ്ഥ​യാ​ണ് തേ​നീ​ച്ച​കൃ​ഷി​ക്ക് ആ​വ​ശ്യം. കാ​ലാ​വ​സ്ഥ​യി​ലെ പ്ര​ക​ട​മാ​യ വ്യ​തി​യാ​നം​മൂ​ലം ഇ​പ്പോ​ൾ പ്ര​തീ​ക്ഷി​ക്കു​ന്ന അ​ള​വി​ൽ തേ​ൻ ല​ഭി​ക്കു​ന്നി​ല്ല. ഒ​രു തേ​ൻ​പെ​ട്ടി​യി​ൽ​നി​ന്ന് മൂ​ന്നു​മാ​സ​ത്തി​നു​ള്ളി​ൽ പ​ത്ത് മു​ത​ൽ 15 കി​ലോ​ഗ്രാം വ​രെ വ​ൻ​തേ​ൻ ല​ഭി​ക്കു​ന്ന​താ​ണ്. മൂ​ന്നാ​ഴ്ച കൂ​ടു​മ്പോ​ഴാ​ണ് തേ​ൻ എ​ടു​ക്കു​ന്ന​ത്. ചെ​റു​തേ​ൻ 250 ഗ്രാ​മോ അ​തി​ൽ കൂ​ടു​ത​ലോ കി​ട്ടും. വ​ൻ​തേ​നി​ന് കി​ലോ​ക്ക്​ 350 രൂ​പ​യും ചെ​റു​തേ​നി​ന് 2500 രൂ​പ​യു​മാ​ണ് വി​ല. ചെ​റു​തേ​നീ​ച്ച​ക​ൾ പൂ​മ്പൊ​ടി​യി​ൽ​നി​ന്നു​ള്ള തേ​ൻ മാ​ത്ര​മേ എ​ടു​ക്കൂ. ഇ​തു​മൂ​ലം ചെ​റു​തേ​നി​ന് ഗു​ണം​കൂ​ടും.

ജി​ല്ല​യി​ൽ അ​ഞ്ഞൂ​റോ​ളം തേ​നീ​ച്ച ക​ർ​ഷ​ക​രു​ണ്ട്. ചെ​റു​കി​ട ക​ർ​ഷ​ക​രാ​ണ് മി​ക്ക​വ​രും. ആ​നു​കൂ​ല്യ​ങ്ങ​ൾ കൃ​ത്യ​മാ​യി സ​ർ​ക്കാ​റി​ൽ​നി​ന്ന് ല​ഭി​ക്കാ​ത്ത​തും ക​ർ​ഷ​ക​ർ​ക്ക്​ തി​രി​ച്ച​ടി​യാ​ണ്. ഖാ​ദി ബോ​ർ​ഡി​ന്റെ​യും കൃ​ഷി വി​ജ്ഞാ​ൻ കേ​ന്ദ്ര​യു​ടെ​യും നേ​തൃ​ത്വ​ത്തി​ൽ ക​ർ​ഷ​ക​ർ​ക്ക് നാ​ല് ദി​വ​സ​ത്തെ പ​രി​ശീ​ല​നം ന​ൽ​കാ​റു​ണ്ട്. 4000 മു​ത​ൽ 5000 രൂ​പ​വ​രെ ഇ​തി​ന് ക​ർ​ഷ​ക​ർ ന​ൽ​ക​ണം. പ​രി​ശീ​ല​ന​ത്തി​ന് ശേ​ഷം അ​ഞ്ച് കൂ​ട്​ സ​ബ്സി​ഡി ഇ​ള​വി​ൽ ന​ൽ​കും. എ​ന്നാ​ൽ, പ​ല​പ്പോ​ഴും കൂ​ട് ന​ൽ​കു​ന്ന​ത് താ​മ​സി​ച്ചാ​ണെ​ന്ന് പ​രാ​തി​യു​ണ്ട്. ന​വം​ബ​ർ, ഡി​സം​ബ​ർ മാ​സ​ങ്ങ​ളി​ൽ കൂ​ട് ല​ഭി​ച്ചാ​ലേ ഫെ​ബ്രു​വ​രി, മാ​ർ​ച്ച്, ഏ​പ്രി​ൽ മാ​സ​ങ്ങ​ളി​ൽ വി​ള​വെ​ടു​ക്കാ​ൻ ക​ഴി​യൂ. ഹോ​ർ​ട്ടി​കോ​ർ​പ് വ​ഴി​യും തേ​നീ​ച്ച​ക്കൂ​ട് വി​ത​ര​ണം ചെ​യ്യു​ന്നു. ഇ​തി​ന് പ്ര​ത്യേ​ക ആ​നു​കൂ​ല്യ​ങ്ങ​ൾ ഇ​ല്ല. തേ​നീ​ച്ച കൃ​ഷി മ​ല​യോ​ര മേ​ഖ​ല​യി​ൽ ഇ​​പ്പോ​ൾ സ​ജീ​വ​മാ​ണ്. മാ​യം ക​ല​രാ​ത്ത തേ​നി​ന് ഡി​മാ​ൻ​ഡു​ള്ള​തി​നാ​ൽ ന​ല്ല വി​ല ല​ഭി​ക്കും. ഉ​ൽ​പാ​ദ​ന ചെ​ല​വ് കു​റ​വാ​ണ്. പ​റ​മ്പി​ലെ മ​റ്റ് കൃ​ഷി​ക​ൾ​ക്കി​ട​യി​ൽ തേ​നീ​ച്ച​പ്പെ​ട്ടി സ്ഥാ​പി​ക്കു​ന്ന​തു​മൂ​ലം ഇ​തി​ന് പ്ര​ത്യേ​ക സ്ഥ​ലം വേ​ണ്ടി​വ​രു​ന്നി​ല്ല എ​ന്ന ഗു​ണ​വു​മു​ണ്ട്.