പള്ളി പിടിച്ചെടുക്കുമെന്ന്​ അഭ്യൂഹം; കിടങ്ങ്​ തീർത്ത്​ യാക്കോബായ വിഭാഗം

കോ​ന്നി: വി. ​കോ​ട്ട​യം സെൻറ് മേ​രീ​സ് യാ​ക്കോ​ബാ​യ സി​റി​യ​ൻ​ പ​ള്ളി ഏ​റ്റെ​ടു​ക്കു​ന്ന​തി​നെ​തി​രെ പ്ര​തി​രോ​ധം തീ​ർ​ത്ത്​ യാ​​ക്കോ​ബാ​യ വി​ഭാ​ഗം. ശ​നി​യാ​ഴ്​​ച രാ​വി​ലെ മു​ത​ൽ യാ​ക്കോ​ബാ​യ​ വി​ഭാ​ഗ​ക്കാ​ർ വ​ൻ​തോ​തി​ൽ​ പ​ള്ളി​യി​ൽ ത​ടി​ച്ചു​കൂ​ടി​. പ​ള്ളി​യി​ലേ​ക്കു​ള്ള പ്ര​വേ​ശ​നം ത​ട​സ്സ​പ്പെ​ടു​ത്താ​ൻ ക​വാ​ട​ത്തി​നു മു​ന്നി​ൽ കി​ട​ങ്ങ്​ തീ​ർ​ത്തു. ഒ​ടു​വി​ൽ ഓ​ർ​ത്ത​ഡോ​ക്​​സ്​ വി​ഭാ​ഗ​ക്കാ​ർ എ​ത്തി​ല്ലെ​ന്ന്​ ഉ​റ​പ്പാ​യ​തോ​ടെ​യാ​ണ്​ സം​ഘ​ർ​ഷാ​വ​സ്ഥ​ക്ക്​ അ​യ​വു​വ​ന്ന​ത്.

പ​ള്ളി ഏ​റ്റെ​ടു​ക്കാ​ൻ ഓ​ർ​ത്ത​ഡോ​ക്​​സ്​ വി​ഭാ​ഗം വൈ​ദി​ക​നും ഇ​ട​വ​കാം​ഗ​ങ്ങ​ളും എ​ത്തു​മെ​ന്ന്​ ക​രു​തി​യാ​ണ്​ യാ​ക്കോ​ബാ​യ വി​ഭാ​ഗം ത​ടി​ച്ച​ത്. 115 വ​ർ​ഷ​മാ​യി യാ​ക്കോ​ബാ​യ വി​ശ്വാ​സി​ക​ൾ ആ​രാ​ധ​ന ന​ട​ത്തു​ന്നി​ട​മാ​ണ്​ വി.​കോ​ട്ട​യം അ​ന്തി​ച്ച​ന്ത സെൻറ് മേ​രീ​സ് യാ​ക്കോ​ബാ​യ സു​റി​യാ​നി പ​ള്ളി​യെ​ന്ന്​ പ​ള്ളി ഭാ​ര​വാ​ഹി​ക​ൾ അ​വ​കാ​ശ​പ്പെ​ട്ടു. ര​ണ്ടു ദി​വ​സ​മാ​യി റ​വ​ന്യൂ അ​ധി​കാ​രി​ക​ളും പൊ​ലീ​സും നി​ര​ന്ത​രം എ​ത്തി പ​ള്ളി​യി​ലെ വൈ​ദി​ക​രോ​ടും പ​ള്ളി അ​ധി​കാ​രി​ക​ളോ​ടും എ​ന്തെ​ങ്കി​ലും വി​ഷ​യ​ങ്ങ​ൾ ഉ​ണ്ടോ​യെ​ന്ന് ചോ​ദി​ച്ച​തോ​ടെ​യാ​ണ് ഇ​ട​വ​ക പ​ള്ളി ഓ​ർ​ത്ത​ഡോ​ക്സ് സ​ഭ പി​ടി​ച്ചെ​ടു​ക്കു​മെ​ന്ന് വാ​ർ​ത്ത പ​ര​ന്ന​ത്. ഇ​തോ​ടെ വി​ശ്വാ​സി​ക​ൾ സം​ഘ​ടി​ക്കു​ക​യാ​യി​രു​ന്നു. സ്​​ത്രീ​ക​ളും കു​ട്ടി​ക​ളും വ​യോ​ധി​ക​രും അ​ട​ക്ക​മാ​ണ്​ പ​ള്ളി​യി​ൽ ത​ടി​ച്ചു​കൂ​ടി​യ​ത്.

ശ​നി​യാ​ഴ്ച 11.30ഓ​ടെ കോ​ന്നി ത​ഹ​സി​ൽ​ദാ​റു​ടെ നേ​തൃ​ത്വ​ത്തി​ൽ തു​മ്പ​മ​ൺ ഭ​ദ്രാ​സ​നാ​ധി​പ​ൻ യൂ​ഹാ​നോ​ൻ മാ​ർ മി​ലി​ത്തി​യോ​സു​മാ​യി ച​ർ​ച്ച ന​ട​ത്തി​യെ​ങ്കി​ലും കൃ​ത്യ​മാ​യ ഉ​റ​പ്പ് ന​ൽ​കാ​ൻ സ​ർ​ക്കാ​ർ പ്ര​തി​നി​ധി​ക​ൾ​ക്ക് സാ​ധി​ക്കാ​ത്ത​തി​നെ തു​ട​ർ​ന്ന് വി​ശ്വാ​സി​ക​ൾ മ​ട​ങ്ങി​പ്പോ​യി​ട്ടി​ല്ല. പ​ള്ളി​യു​ടെ പ​രി​ധി​യി​ൽ 230ഓ​ളം ഇ​ട​വ​ക കു​ടും​ബ​ങ്ങ​ളാ​ണു​ള്ള​ത്. ഒ​രൊ​റ്റ അം​ഗ​വും ഓ​ർ​ത്ത​ഡോ​ക്സ് വി​ഭാ​ഗ​ത്തി​ൽ ഇ​ല്ലെ​ന്നാ​ണ് ഇ​ട​വ​ക അം​ഗ​ങ്ങ​ളു​ടെ വാ​ദം. അ​തു​കൊ​ണ്ട് പു​റ​ത്തു​നി​ന്ന് ആ​രെ​യും പ​ള്ളി​യി​ൽ ക​യ​റ്റി​ല്ലെ​ന്ന നി​ല​പാ​ടി​ലാ​ണ് ഇ​വ​ർ. ഓ​ർ​ത്ത​ഡോ​ക്​​സ്​ വി​ഭാ​ഗം വൈ​ദി​ക​ൻ റോ​യി മാ​ത്യു​വോ ഇ​ട​വ​കാം​ഗ​ങ്ങ​ളോ ശ​നി​യാ​ഴ്​​ച എ​ത്തു​മെ​ന്ന അ​ഭ്യൂ​ഹ​മാ​ണ്​ പ​ര​ന്ന​ത്. കോ​ന്നി ത​ഹ​സി​ൽ​ദാ​റും വി​ല്ലേ​ജ്​ ഓ​ഫി​സ​റും അ​ട​ക്ക​മു​ള്ള ഉ​ദ്യോ​ഗ​സ്ഥ സം​ഘം സ്ഥ​ല​ത്ത്​ എ​ത്തി​യി​രു​ന്നു. ഇ​വ​ർ പ​ള്ളി അ​ധി​കൃ​ത​രു​മാ​യി ച​ർ​ച്ച ന​ട​ത്തി​യെ​ങ്കി​ലും പി​രി​ഞ്ഞു​പോ​കാ​ൻ ത​യാ​റാ​യി​ല്ല.