ഡി.വൈ.എഫ്.ഐ മനുഷ്യച്ചങ്ങലയിൽ പ​ങ്കെടുത്ത തൊഴിലുറപ്പ് മേറ്റുമാർക്ക്​ സസ്പെന്‍ഷന്‍

അ​ടൂ​ര്‍: തൊ​ഴി​ലു​റ​പ്പ് പ​ണി​ക്കി​ടെ ഒ​പ്പി​ട്ട് ഫോ​ട്ടോ​യു​മെ​ടു​ത്ത ശേ​ഷം തൊ​ഴി​ലാ​ളി​ക​ള്‍ ഡി.​വൈ.​എ​ഫ്.​ഐ​യു​ടെ മ​നു​ഷ്യ​ച്ച​ങ്ങ​ല​യി​ൽ പ​​ങ്കെ​ടു​ത്ത പ​ള്ളി​ക്ക​ല്‍ പ​ഞ്ചാ​യ​ത്തി​ലെ മൂ​ന്നു മേ​റ്റു​മാ​ർ​ക്ക്​ സ​സ്പെ​ന്‍ഷ​ന്‍. 70 തൊ​ഴി​ലാ​ളി​ക​ള്‍ക്ക് ആ ​ദി​വ​സ​ത്തെ വേ​ത​നം ന​ല്‍കു​ന്ന​തും ത​ട​ഞ്ഞു. സം​ഭ​വ​ത്തി​ൽ തൊ​ഴി​ലു​റ​പ്പ് ഓം​ബു​ഡ്സ്മാ​നാ​ണ്​ ന​ട​പ​ടി സ്വീ​ക​രി​ച്ച​ത്.

മേ​റ്റു​മാ​രാ​യ ഒ. ​ലേ​ഖ, എ​സ്. സു​നി​ത, ടി. ​ശ​ശി​ക​ല എ​ന്നി​വ​രെ​യാ​ണ് ഒ​രു​വ​ര്‍ഷ​ത്തേ​ക്ക് സ​സ്പെ​ന്‍ഡ് ചെ​യ്ത​ത്. കോ​ണ്‍ഗ്ര​സ് മ​ണ്ഡ​ലം പ്ര​സി​ഡ​ന്റ് തോ​ട്ടു​വ മു​ര​ളി, ബി.​ജെ.​പി​യി​ലെ എം. ​മ​നു, യൂ​ത്ത് കോ​ണ്‍ഗ്ര​സ് നി​യോ​ജ​ക​മ​ണ്ഡ​ലം പ്ര​സി​ഡ​ന്റ് ജ​യ​കൃ​ഷ്ണ​ന്‍ പ​ള്ളി​ക്ക​ല്‍ എ​ന്നി​വ​ര്‍ ന​ല്‍കി​യ പ​രാ​തി​യി​ല്‍ തൊ​ഴി​ലു​റ​പ്പ് ഓം​ബു​ഡ്സ്മാ​ന്‍ രാ​ധാ​കൃ​ഷ്ണ​ക്കു​റു​പ്പാ​ണ് ഉ​ത്ത​ര​വ് പു​റ​പ്പെ​ടു​വി​ച്ച​ത്.

ജ​നു​വ​രി 20ന് ​പ​ഞ്ചാ​യ​ത്തി​ലെ 20ാം വാ​ര്‍ഡി​ല്‍ ഭൂ​മി ത​ട്ടു​തി​രി​ക്ക​ല്‍, തീ​റ്റ​പ്പു​ല്‍ കൃ​ഷി എ​ന്നി​വ​യു​മാ​യി ബ​ന്ധ​പ്പെ​ട്ട് ജോ​ലി ന​ട​ക്കു​ന്ന സ്ഥ​ല​ത്തു​ന്ന് ഹാ​ജ​ര്‍ രേ​ഖ​പ്പെ​ടു​ത്തി, ഫോ​ട്ടോ​യും എ​ടു​ത്ത​തി​ന് ശേ​ഷം മ​നു​ഷ്യ​ച​ങ്ങ​ല​ക്ക്​ പോ​യി എ​ന്നാ​ണ് പ​രാ​തി.

ഓം​ബു​ഡ്സ്മാ​ന്റെ നി​ര്‍ദേ​ശ​പ്ര​കാ​രം ബി.​ഡി.​ഒ ന​ട​ത്തി​യ അ​ന്വേ​ഷ​ണ​ത്തി​ല്‍ 20ാം വാ​ര്‍ഡി​ലെ തൊ​ഴി​ലു​റ​പ്പ് പ​ദ്ധ​തി​യു​മാ​യി ബ​ന്ധ​പ്പെ​ട്ട ജോ​ലി​സ്ഥ​ല​ത്ത് മേ​റ്റു​മാ​രും തൊ​ഴി​ലാ​ളി​ക​ളും ഗു​രു​ത​ര കൃ​ത്യ​വി​ലോ​പം കാ​ട്ടി​യെ​ന്നും പ​ദ്ധ​തി മാ​ര്‍ഗ​നി​ര്‍ദേ​ശ​ങ്ങ​ള്‍ക്ക് വി​രു​ദ്ധ​മാ​യി പ്ര​വ​ര്‍ത്തി​ക്കു​ക​യും ചെ​യ്തു​വെ​ന്ന് ക​ണ്ടെ​ത്തി.

ഇ​തി​ന്റെ അ​ടി​സ്ഥാ​ന​ത്തി​ലാ​ണ് ജോ​ലി ചെ​യ്യാ​തെ രാ​ഷ്ട്രീ​യ സം​ഘ​ട​ന​ക​ളു​ടെ പ​രി​പാ​ടി​ക്ക് പോ​യ മൂ​ന്നു മേ​റ്റു​മാ​രെ ഒ​രു വ​ര്‍ഷ​ത്തേ​ക്ക് സ​സ്പെ​ന്‍ഡ് ചെ​യ്ത​ത്. തൊ​ഴി​ലാ​ളി​ക​ളു​ടെ വേ​ത​നം കു​റ​വ് ചെ​യ്യു​ക​യും ചെ​യ്തു. ഇ​ത്ത​രം കാ​ര്യ​ങ്ങ​ള്‍ ഇ​നി ആ​വ​ര്‍ത്തി​ക്ക​രു​തെ​ന്ന് തൊ​ഴി​ലാ​ളി​ക​ളു​ടെ യോ​ഗ​ത്തി​ലും മേ​റ്റു​മാ​രു​ടെ പ​രി​ശീ​ല​ന​ത്തി​ലും പ​ഞ്ചാ​യ​ത്ത് സെ​ക്ര​ട്ട​റി​യും ബ്ലോ​ക്ക് പ്രോ​ഗ്രാം ഓ​ഫി​സ​റും പ്ര​ത്യേ​ക നി​ര്‍ദേ​ശം ന​ല്‍ക​ണ​മെ​ന്നും ഉ​ത്ത​ര​വി​ല്‍ പ​റ​യു​ന്നു.

അ​തേ​സ​മ​യം, ക​ട​മ്പ​നാ​ട് പ​ഞ്ചാ​യ​ത്തി​ലും തൊ​ഴി​ലു​റ​പ്പ് തൊ​ഴി​ലാ​ളി​ക​ള്‍ ഡി.​വൈ.​എ​ഫ്‌.​ഐ​യു​ടെ മ​നു​ഷ്യ​ച്ച​ങ്ങ​ല​ക്ക്​ പോ​യ സം​ഭ​വം വി​വാ​ദ​മാ​യി. ഇ​തു​സം​ബ​ന്ധി​ച്ച് കോ​ണ്‍ഗ്ര​സ് നേ​താ​ക്ക​ള്‍ പ​ഞ്ചാ​യ​ത്ത് സെ​ക്ര​ട്ട​റി​ക്ക് വി​വ​രാ​വ​കാ​ശം ന​ല്‍കി​യി​രി​ക്കു​ക​യാ​ണ്.