ലക്ഷത്തിന് പ്രതിദിനം 3000 രൂപവരെ പലിശ; അടൂരില്‍ കൊള്ളപ്പലിശക്കാര്‍ വിലസുന്നു

അ​ടൂ​ര്‍: ഒ​രു ഇ​ട​വേ​ള​ക്കു​ശേ​ഷം ജി​ല്ല​യി​ല്‍ ബ്ലേ​ഡ് മാ​ഫി​യ​യു​ടെ വി​ള​യാ​ട്ടം. ഇ​വ​രു​ടെ കെ​ണി​യി​ല്‍ വീ​ണ​വ​ര്‍ ആ​ത്മ​ഹ​ത്യ​യു​ടെ വ​ക്കി​ല്‍. പൊ​ലീ​സി​ല്‍ പ​രാ​തി​പ്പെ​ട്ടാ​ല്‍ ചെ​ക്ക് കേ​സി​ല്‍ കു​ടു​ക്കു​മെ​ന്ന ഭീ​ഷ​ണി മൂ​ലം വീ​ട്ട​മ്മാ​ര്‍ ന​ട്ടം തി​രി​യു​ന്നു.

സ്ത്രീ​ക​ള്‍ അ​ട​ക്ക​മു​ള്ള​വ​ര്‍ രാ​ഷ്ട്രീ​യ പി​ന്തു​ണ​യോ​ടെ​യും ഗു​ണ്ട​ക​ളു​ടെ അ​ക​മ്പ​ടി​യോ​ടെ​യും പ​ലി​ശ സാ​മ്രാ​ജ്യം അ​ട​ക്കി വാ​ഴു​ന്നു. ഓ​പ​റേ​ഷ​ന്‍ കു​ബേ​ര നി​ല​ച്ച​ത് ഇ​വ​ര്‍ക്ക് സ​ഹാ​യ​ക​ര​മാ​യി. സ്ത്രീ​ക​ളെ ഭീ​ഷ​ണി​പ്പെ​ടു​ത്തു​ക​യും ലൈം​ഗി​ക ചൂ​ഷ​ണ​ത്തി​ന് ഇ​ര​യാ​ക്കാ​ന്‍ ശ്ര​മി​ക്കു​ന്നു​വെ​ന്നും ആ​രോ​പ​ണം ഉ​യ​രു​ന്നു.

അ​ടൂ​ര്‍ കേ​ന്ദ്രീ​ക​രി​ച്ചാ​ണ് ബ്ലേ​ഡ് മാ​ഫി​യ വി​ല​സു​ന്ന​ത്. അ​ടൂ​ര്‍ താ​ലൂ​ക്കി​ല്‍ നെ​ല്ലി​മു​ക​ള്‍, ക​ട​മ്പ​നാ​ട് കേ​ന്ദ്രീ​ക​രി​ച്ചാ​ണ് ഇ​വ​രു​ടെ വി​ള​യാ​ട്ടം. പ​ഴ​കു​ളം സ്വ​ദേ​ശി​നി​യാ​ണ് ഇ​വി​ടെ പ​ണം പ​ലി​ശ​ക്ക്​ കൊ​ടു​ക്കു​ന്ന​ത്. ചെ​റു​കി​ട വ്യാ​പാ​രി​ക​ള്‍, ത​ട്ടു​ക​ട​ക്കാ​ര്‍, വീ​ട്ട​മ്മ​മാ​ര്‍ എ​ന്നി​വ​രാ​ണ് പ്ര​ധാ​ന ഇ​ര​ക​ള്‍. അ​ത്യാ​വ​ശ്യ​ത്തി​ന് സ​മീ​പി​ക്കു​ന്ന​വ​രി​ല്‍നി​ന്ന് ബ്ലാ​ങ്ക് ചെ​ക്കും പ്രോ​മി​സ​റി നോ​ട്ടും ഒ​പ്പി​ട്ടു​വാ​ങ്ങി പ​ണം ന​ല്‍കും. ഒ​രു ല​ക്ഷം രൂ​പ​ക്ക്​ 36 ശ​ത​മാ​നം പ​ലി​ശ​വ​രെ ഈ​ടാ​ക്കു​ന്നു.

3000 രൂ​പ​വ​രെ പ്ര​തി​ദി​ന പ​ലി​ശ​യീ​ടാ​ക്കു​ന്ന വ​ട്ടി​ക്കൊ​ള്ള​ക്കാ​രു​ണ്ട്. ഗ​ഡു​ക്ക​ളാ​യി വാ​ങ്ങി​യ തു​ക അ​ട​ക്കാ​മെ​ന്ന് സ​മ്മ​തി​ച്ചാ​ലും പ്ര​തി​ദി​ന പ​ലി​ശ 3000 രൂ​പ നി​ര്‍ബ​ന്ധ​മാ​യും കൊ​ടു​ക്ക​ണം. ഇ​ത്ത​ര​ത്തി​ല്‍ ഇ​വ​രി​ല്‍ ഒ​രാ​ളി​ല്‍നി​ന്ന് ഒ​രു ല​ക്ഷം രൂ​പ വാ​ങ്ങി​യ യു​വ​സം​രം​ഭ​ക ഇ​പ്പോ​ള്‍ 40 ല​ക്ഷം രൂ​പ​യു​ടെ ക​ട​ക്കാ​രി​യാ​ണ്. പ​ലി​ശ മു​ട​ങ്ങി​യാ​ല്‍ വി​ളി​വ​രും. വാ​ട്സ്​​ആ​പ്​ കാ​ളാ​ണ് ഇ​വ​ര്‍ പ്ര​ധാ​ന​മാ​യും ഉ​പ​യോ​ഗി​ക്കു​ന്ന​ത്. എ​ന്നാ​ല്‍, പ​ലി​ശ യു.​പി.​ഐ അ​ക്കൗ​ണ്ട് വ​ഴി കൈ​പ്പ​റ്റു​ന്ന​തി​ന് ഇ​വ​ര്‍ക്ക് മ​ടി​യി​ല്ല.

പ​ലി​ശ മു​ട​ങ്ങി​യാ​ല്‍ ആ​ദ്യം അ​നു​ന​യ​മാ​ണ്. പി​ന്നെ പ​തു​ക്കെ ഭീ​ഷ​ണി തു​ട​ങ്ങും. ഫോ​ണി​ലൂ​ടെ​യും നേ​രി​ട്ടും ഭീ​ഷ​ണി മു​ഴ​ക്കും. സ്ത്രീ​ക​ളാ​ണെ​ങ്കി​ല്‍ അ​വ​രെ കു​റി​ച്ച് അ​പ​വാ​ദം പ്ര​ച​രി​പ്പി​ക്കും. ലൈം​ഗി​കപരമായ ചൂ​ഷ​ണ​ത്തി​നും ശ്ര​മി​ക്കും. പൊ​ലീ​സി​ല്‍ പ​രാ​തി ന​ല്‍കി​യാ​ല്‍ ചെ​ക്കും പ്രോ​മി​സ​റി നോ​ട്ടും ഉ​പ​യോ​ഗി​ച്ച് കേ​സി​ല്‍ കു​ടു​ക്കു​മെ​ന്ന് ഭീ​ഷ​ണി മു​ഴ​ക്കും.

അ​ടൂ​രി​ല്‍ പ​ലി​ശ​ക്ക്​ കൊ​ടു​ക്കു​ന്ന സം​ഘ​ത്തി​ല്‍ സ്ത്രീ​ക​ളു​മു​ണ്ടെ​ന്ന​താ​ണ് ഞെ​ട്ടി​ക്കു​ന്ന വ​സ്തു​ത. പ​ണം തി​രി​കെ വാ​ങ്ങാ​ന്‍ ഗു​ണ്ട​ക​ളെ​യും കൂ​ട്ടി വാ​ഹ​ന​ങ്ങ​ളി​ല്‍ സി​നി​മ സ്റ്റൈ​ലി​ലാ​ണ് എ​ത്തു​ന്ന​ത്. വ്യാ​പാ​ര ആ​വ​ശ്യ​ങ്ങ​ള്‍ക്ക് വേ​ണ്ടി ക​ടം വാ​ങ്ങു​ന്ന​വ​രാ​ണ് പ​ലി​ശ കൊ​ടു​ത്തു മു​ടി​യു​ന്ന​ത്. പൊ​ലീ​സി​ല്‍ പ​രാ​തി പ​റ​യാ​ന്‍ പ​ല​രും മ​ടി​ക്കു​ന്ന​ത് ബ്ലേ​ഡ് സം​ഘ​ങ്ങ​ള്‍ക്ക് തു​ണ​യാ​കും.

സ​ഹ​ക​ര​ണ ബാ​ങ്കു​ക​ളി​ല്‍നി​ന്ന് പ​ണം പ​ലി​ശ​ക്ക്​ എ​ടു​ത്താ​ണ് ബ്ലേ​ഡു​കാ​ര്‍ പ്ര​വ​ര്‍ത്തി​ക്കു​ന്ന​ത്. ബാ​ങ്ക് അ​ധി​കൃ​ത​ര്‍ കു​റ​ഞ്ഞ പ​ലി​ശ​ക്ക്​ ബ്ലേ​ഡു​കാ​ര്‍ക്ക് പ​ണം ന​ല്‍കും. ഇ​തി​ന് പു​റ​മെ അ​ന​ധി​കൃ​ത സ​മ്പാ​ദ്യ​മു​ള്ള രാ​ഷ്ട്രീ​യ​ക്കാ​രു​ടെ ബി​നാ​മി​ക​ളും പ​ണം പ​ലി​ശ​ക്ക്​ ന​ല്‍കു​ന്ന​തി​ന് വേ​ണ്ടി ഇ​റ​ങ്ങു​ന്നു​വെ​ന്നാ​ണ് വി​വ​രം.

രാ​ഷ്ട്രീ​യ പി​ന്തു​ണ​യു​ള്ള​തി​നാ​ല്‍ ഇ​ത്ത​ര​ക്കാ​ര്‍ പ​ണ​വും പ​ലി​ശ​യും തി​രി​കെ വാ​ങ്ങാ​ന്‍ എ​ന്തു മാ​ര്‍ഗ​വും സ്വീ​ക​രി​ക്കും. ഇ​ത്ത​ര​ക്കാ​രെ അ​മ​ര്‍ച്ച ചെ​യ്യാ​ന്‍ നി​ല​വി​ല്‍ ന​ട​പ​ടി​യി​ല്ലാ​ത്ത​ത് ഇ​വ​ര്‍ക്ക് തു​ണ​യാ​ണ്.