സ്വ​കാ​ര്യ ബ​സ് ജീ​വ​ന​ക്കാ​ർ​ക്കെ​തി​രെ ട്രാ​ൻ​സ്പോ​ർ​ട്ട് ക​മീ​ഷ​ണ​ർ​ക്ക് പ​രാ​തി ന​ൽ​കി

അ​ടൂ​ർ: എം.​സി റോ​ഡി​ൽ തി​ര​ക്കു​ള്ള ഏ​നാ​ത്ത് പാ​ലം ജ​ങ്ഷ​നി​ൽ തി​രു​വ​ന​ന്ത​പു​രം ഭാ​ഗ​ത്തേ​ക്കു​ള്ള യാ​ത്ര​ക്കാ​ർ​ക്ക് ബു​ദ്ധി​മു​ട്ടാ​കും​വി​ധം സ്ഥി​ര​മാ​യി പാ​ർ​ക്ക് ചെ​യ്യു​ന്ന സ്വ​കാ​ര്യ​ബ​സി​നെ​തി​രെ വ്യാ​പ​ക പ​രാ​തി.

രാ​വി​ലെ 8.15ന് ​കു​ണ്ട​റ​ക്ക് പോ​കേ​ണ്ട ബ​സാ​ണ് നേ​ര​ത്തേ​ത​ന്നെ ബ​സ് സ്റ്റോ​പ്പി​ൽ പാ​ർ​ക്ക് ചെ​യ്യു​ന്ന​ത്. ക​ഷ്ടി​ച്ച് ര​ണ്ട് ചെ​റു​വാ​ഹ​ന​ങ്ങ​ൾ ഇ​ടാ​ൻ സ്ഥ​ല​മു​ള്ള​യി​ട​ത്ത് ഒ​രു ഓ​ർ​ഡി​ന​റി ബ​സ് കൂ​ടി വ​ന്നാ​ൽ ദീ​ർ​ഘ​ദൂ​ര ബ​സു​ക​ൾ സ്റ്റോ​പ്പി​ൽ നി​ർ​ത്താ​ൻ ക​ഴി​യാ​താ​കും. റോ​ഡി​ന് ന​ടു​വി​ൽ നി​ർ​ത്തി യാ​ത്ര​ക്കാ​രെ ക​യ​റ്റു​ക​യും ഇ​റ​ക്കു​ക​യും ചെ​യ്യു​ന്ന​ത് വ​ൻ അ​പ​ക​ട​ത്തി​ന് വ​ഴി​തെ​ളി​ക്കും. ചി​ല ബ​സു​ക​ൾ നി​ർ​ത്താ​തെ​യും പോ​കു​ന്നു. ഇ​തി​നെ​തി​രെ ശ​ബ്ദി​ക്കു​ന്ന​വ​രോ​ട് സ്വ​കാ​ര്യ​ബ​സ് ജീ​വ​ന​ക്കാ​ർ അ​പ​മ​ര്യാ​ദ​യാ​യി പെ​രു​മാ​റു​ന്ന​തും പ​തി​വു​കാ​ഴ്ച​യാ​ണ്. ഇ​തി​നെ​തി​രെ യാ​ത്ര​ക്കാ​ർ ബ​ന്ധ​പ്പെ​ട്ട വ​കു​പ്പു​മേ​ധാ​വി​ക​ൾ​ക്ക് പ​രാ​തി ന​ൽ​കി കാ​ത്തി​രി​ക്കു​ക​യാ​ണ്.