ചെട്ടിയാരഴകത്ത് പാലം തുറന്നു: ഇനി വേണ്ടത് ബസ് സര്‍വിസ്

അ​ടൂ​ര്‍: ക​ഴി​ഞ്ഞ ബു​ധ​നാ​ഴ്ച​യാ​ണ് കു​ള​ക്ക​ട​യെ​യും മ​ണ്ണ​ടി​യെ​യും ബ​ന്ധി​പ്പി​ക്കു​ന്ന ചെ​ട്ടി​യാ​ര​ഴ​ക​ത്ത് പാ​ലം തു​റ​ന്ന​ത്. പാ​ലം ല​ഭി​ച്ച​തി​ന്‍റെ ആ​വേ​ശ​ത്തി​ലാ​ണ് നാ​ട്ടു​കാ​ര്‍. ഇ​രു​ക​ര​യും ത​മ്മി​ലു​ള്ള ബ​ന്ധം ഊ​ട്ടി​യു​റ​പ്പി​ച്ച്​ വേ​ലു​ത്ത​മ്പി മെ​മ്മോ​റി​യ​ല്‍ സ്‌​പോ​ര്‍ട്‌​സ് ആ​ന്‍ഡ് ആ​ര്‍ട്‌​സ് ക്ല​ബി​ന്റെ മാ​ണി​ക്ക​ന്‍ എ​ന്ന കൊ​ട്ടു​കാ​ള​യെ പ​ല​ത്തി​ലൂ​ടെ കു​ള​ക്ക​ട​യി​ലെ​ത്തി​ച്ചു. അ​ടു​ത്ത ബു​ധ​നാ​ഴ്ച ആ​രം​ഭി​ക്കു​ന്ന മ​ണ്ണ​ടി ഉ​ത്സ​വ​ത്തി​ന് കു​ള​ക്ക​ട​ക്കാ​ര്‍ പാ​ല​ത്തി​ലൂ​ടെ മ​ണ്ണ​ടി​യി​ലേ​ക്ക് ആ​ഘോ​ഷ​മാ​യി എ​ത്തും.

ച​ങ്ങാ​ട​വും ക​ട​ത്തു​വ​ള്ള​വു​മാ​യി​രു​ന്നു ഇ​രു ക​ര​ക്കാ​രെ​യും ഇ​ത്ര​കാ​ല​വും ഒ​ന്നി​പ്പി​ച്ചി​രു​ന്ന​ത്. മ​ണ്ണ​ടി​യി​ലെ ഉ​ത്സ​വ​വും ഉ​ച്ച​ബ​ലി​യും ഐ​തി​ഹ്യ പ്ര​സി​ദ്ധ​മാ​ണ്. പ​ക്ഷേ, ആ​റി​ന്‍റെ മ​റു​ക​ര​യി​ല്‍ ഉ​ള്ള​വ​ര്‍ക്ക് ക​ട​ത്തു​വ​ള്ള​മാ​യി​രു​ന്നു ഉ​ത്സ​വം കാ​ണാ​നു​ള്ള യാ​ത്രാ​മാ​ര്‍ഗം. ആ​റി​ന് അ​ക്ക​രെ​യെ​ത്താ​ന്‍ ക​ട​വി​ല്‍ മ​ണി​ക്കൂ​റു​ക​ളോ​ളം കാ​ത്തു​നി​ന്ന അ​നു​ഭ​വം കു​ള​ക്ക​ട​ക്കാ​ര്‍ക്കു​ണ്ട്. വ​ള്ളം കി​ട്ടാ​തെ നി​രാ​ശ​രാ​യി മ​ട​ങ്ങി​പ്പോ​യ​വ​രും ഏ​റെ. മ​ണ​ല്‍ വാ​രി ആ​റി​ന്റെ ആ​ഴം കൂ​ടു​ക​യും ചു​ഴി​ക​ള്‍ ഉ​ണ്ടാ​വു​ക​യും ചെ​യ്ത​പ്പോ​ള്‍ നീ​ന്ത​ല​റി​യാ​വു​ന്ന​വ​രും യാ​ത്ര ഉ​പേ​ക്ഷി​ച്ചു.

ചെ​ട്ടി​യാ​ര​ഴി​ക​ത്ത് പാ​ലം എ​ന്ന ആ​വ​ശ്യ​ത്തി​ന് നൂ​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്. 1951ല്‍ ​ഇ. കൃ​ഷ്ണ​ന്‍നാ​യ​ര്‍ കൊ​ട്ടാ​ര​ക്ക​ര എം.​എ​ല്‍.​എ​യാ​യി​രു​ന്ന കാ​ല​ത്ത് കു​ള​ക്ക​ട​യെ​യും മ​ണ്ണ​ടി​യെ​യും ബ​ന്ധി​പ്പി​ച്ച് ച​ങ്ങാ​ട സ​ര്‍വി​സ് ആ​രം​ഭി​ച്ചു. മ​ണ്ണ​ടി അ​പ്പ​ന​ഴി​ക​ത്ത് നീ​ല​ക​ണ്ഠ​പ്പി​ള്ള ക​ട​മ്പ​നാ​ട് പ​ഞ്ചാ​യ​ത്തം​ഗം ആ​യി​രു​ന്ന​പ്പോ​ള്‍ പാ​ലം എ​ന്ന ആ​വ​ശ്യം മു​ന്നോ​ട്ടു​വെ​ച്ചു. 1991ല്‍ ​മ​ണ്ണ​ടി പു​ഷ്പാ​ക​ര​ന്‍ ക​ട​മ്പ​നാ​ട് പ​ഞ്ചാ​യ​ത്തം​ഗം ആ​യി​രു​ന്ന​പ്പോ​ള്‍ പ​ഞ്ചാ​യ​ത്ത് ക​മ്മി​റ്റി​യി​ല്‍ ആ​ദ്യ​മാ​യി ചെ​ട്ടി​യാ​ര​ഴി​ക​ത്ത് പാ​ലം വേ​ണ​മെ​ന്ന ആ​വ​ശ്യം പ്ര​മേ​യ​മാ​യി പാ​സാ​ക്കി.

മു​ഖ്യ​മ​ന്ത്രി​യാ​യി​രു​ന്ന കെ. ​ക​രു​ണാ​ക​ര​നെ നേ​രി​ല്‍ക​ണ്ട് ആ​വ​ശ്യ​ക​ത ബോ​ധ്യ​പ്പെ​ടു​ത്തി. അ​ദ്ദേ​ഹം അ​നു​കൂ​ല​മാ​യി നോ​ട്ടെ​ഴു​തി പൊ​തു​മ​രാ​മ​ത്ത് മ​ന്ത്രി​യാ​യി​രു​ന്ന പി.​ജെ. ജോ​സ​ഫി​ന് ന​ല്‍കി. തു​ട​ര്‍ ന​ട​പ​ടി​ക​ള്‍ വീ​ണ്ടും മു​ട​ങ്ങി. 2019ല്‍ ​പൊ​തു​മ​രാ​മ​ത്ത് മ​ന്ത്രി ജി. ​സു​ധാ​ക​ര​നാ​ണ് പാ​ലം പ​ണി​ക്ക് തു​ക അ​നു​വ​ദി​ച്ച​ത്. അ​ടൂ​ര്‍ എം.​എ​ല്‍.​എ ചി​റ്റ​യം ഗോ​പ​കു​മാ​റും കൊ​ട്ടാ​ര​ക്ക​ര എം.​എ​ല്‍.​എ ഐ​ഷ പോ​റ്റി​യും പ​രി​ശ്ര​മി​ച്ച് പ​ണി മു​ന്നോ​ട്ടു​കൊ​ണ്ടു​പോ​യി. ക​ഴി​ഞ്ഞ ദി​വ​സം പൊ​തു​മ​രാ​മ​ത്ത് മ​ന്ത്രി മു​ഹ​മ്മ​ദ് റി​യാ​സാ​ണ് പാ​ലം ഉ​ദ്ഘാ​ട​നം ചെ​യ്ത​ത്.

ഇ​നി നാ​ട്ടു​കാ​ര്‍ക്ക് വേ​ണ്ട​ത് ബ​സ് സ​ര്‍വ​ലി​സാ​ണ്. പ​ത്ത​നം​തി​ട്ട, കൊ​ല്ലം ജി​ല്ല​ക​ളെ ബ​ന്ധി​പ്പി​ക്കു​ന്ന​താ​ണ് പാ​ലം. പ​ത്ത​നം​തി​ട്ട​യി​ല്‍നി​ന്ന് അ​ടൂ​ര്‍, ചൂ​ര​ക്കോ​ട്, മ​ണ്ണ​ടി, ചെ​ട്ടി​യാ​ര​ഴി​ക​ത്ത് പാ​ലം, കു​ള​ക്ക​ട, മാ​വ​ടി, പ​വി​ത്രേ​ശ്വ​രം, ചീ​ര​ങ്കാ​വ്, എ​ഴു​കോ​ണ്‍, കു​ണ്ട​റ വ​ഴി കൊ​ല്ല​ത്തേ​ക്ക് ബ​സ് സ​ര്‍വി​സ് വേ​ണ​മെ​ന്നാ​ണ് ആ​വ​ശ്യം.