കിണറ്റിൽ വീണ മധ്യവയസ്കയെ അഗ്നിരക്ഷസേന രക്ഷപ്പെടുത്തി

അടൂർ: ഉപയോഗശൂന്യമായ കിണറ്റിൽ വീണ മധ്യവയസ്കയെ അഗ്നിരക്ഷസേന രക്ഷപ്പെടുത്തി. പള്ളിക്കൽ പഞ്ചായത്ത് വാർഡ് 19 തെങ്ങമം കുരിക്കാട് ദീപു ഭവനിൽ വാസുദേവ കുറുപ്പി‍െൻറ പറമ്പിലെ ഉപയോഗ ശൂന്യമായ കിണറ്റിലാണ് തെങ്ങമം അമരാവതിയിൽ രാജലക്ഷ്മി (57) വീണത്.

ഗ്രേഡ് അസിസ്റ്റൻറ് സ്റ്റേഷൻ ഓഫിസർ കെ.ജി. രവീന്ദ്രൻ, ഗ്രേഡ് സീനിയർ ഓഫിസർ സി. അഭിലാഷ് എന്നിവർ കിണറ്റിൽ ഇറങ്ങി മറ്റ് സേനാ അംഗങ്ങളുടെ സഹായത്തോടെയാണ് ഇവരെ രക്ഷപ്പെടുത്തി ആശുപത്രിയിൽ എത്തിച്ചത്.

ഗ്രേഡ് എ.എസ്.ടി.ഒ രാമചന്ദ്രൻ, ഓഫിസർമാരായ രഞ്ജിത്, അജികുമാർ, സന്തോഷ്, ശ്രീജിത്, അജീഷ്, അനീഷ്, സുരേഷ് എന്നിവരാണ് രക്ഷാപ്രവർത്തനത്തിൽ ഏർപ്പെട്ടത്.