റിമാന്‍ഡ് പ്രതി കോടതി വളപ്പിൽനിന്ന്​ പൊലീസിനെ വെട്ടിച്ച് കടന്നു

അ​ടൂ​ർ: കോ​ട​തി റി​മാ​ൻ​ഡ്​ ചെ​യ്ത പ്ര​തി കോ​ട​തി വ​ള​പ്പി​ൽ​നി​ന്ന്​ പൊ​ലീ​സി​നെ വെ​ട്ടി​ച്ച് ക​ട​ന്നു​ക​ള​ഞ്ഞു. കൊ​ല്ലം പോ​രു​വ​ഴി എ​ട​ക്കാ​ട് ക​ല്ലും​പു​റ​ത്ത് വീ​ട്ടി​ൽ എ​സ്. നി​ഖി​ലാ​ണ്​ (27) വെ​ള്ളി​യാ​ഴ്ച വൈ​കീ​ട്ട് അ​ഞ്ചി​ന് കോ​ട​തി​യി​ൽ​നി​ന്ന്​ പൊ​ലീ​സ് ജീ​പ്പി​ലേ​ക്ക് ക​യ​റ്റു​മ്പോ​ൾ ക​ട​ന്നു​ക​ള​ഞ്ഞ​ത്. ക​ട​മ്പ​നാ​ട് സ്‌​കൂ​ളി​ൽ ക​ലോ​ത്സ​വ പ​രി​ശീ​ല​ന​ത്തി​ന് വ​ന്ന കു​ട്ടി​ക​ളെ റോ​ഡി​ൽ മ​ര്‍ദി​ച്ച കേ​സി​ൽ പ്ര​തി​യാ​ണ് ഇ​യാ​ൾ. കേ​സി​ൽ ഒ​ളി​വി​ലാ​യി​രു​ന്ന നി​ഖി​ൽ മു​ന്‍കൂ​ര്‍ ജാ​മ്യ​ത്തി​ന് ഹൈ​കോ​ട​തി​യെ സ​മീ​പി​ച്ചി​രു​ന്നു.

അ​ന്വേ​ഷ​ണ ഉ​ദ്യോ​ഗ​സ്ഥ​നാ​യ ഏ​നാ​ത്ത് എ​സ്‌.​എ​ച്ച്.​ഒ​ക്ക് മു​മ്പാ​കെ ഹാ​ജ​രാ​ക​ണ​മെ​ന്നും അ​റ​സ്റ്റ് രേ​ഖ​പ്പെ​ടു​ത്തി കോ​ട​തി​യി​ൽ ഹാ​ജ​രാ​ക്ക​ണ​മെ​ന്നു​മാ​യി​രു​ന്നു ഹൈ​കോ​ട​തി നി​ർ​ദേ​ശം. തു​ട​ർ​ന്ന് വെ​ള്ളി​യാ​ഴ്ച നി​ഖി​ല്‍ ഏ​നാ​ത്ത് സ്റ്റേ​ഷ​നി​ല്‍ ഹാ​ജ​രാ​യി. അ​റ​സ്റ്റ് രേ​ഖ​പ്പെ​ടു​ത്തി വൈ​കീ​ട്ട് നാ​ലി​ന് അ​ടൂ​ര്‍ ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്‌​ട്രേ​റ്റ് കോ​ട​തി​യി​ൽ ഹാ​ജ​രാ​ക്കി.

കോ​ട​തി പ്ര​തി​യെ റി​മാ​ൻ​ഡ് ചെ​യ്തു. തു​ട​ർ​ന്ന് ജീ​പ്പി​ലേ​ക്ക് ക​യ​റ്റാ​ൻ കോ​ട​തി​യി​ൽ​നി​ന്ന്​ ഇ​റ​ക്കി​യ​പ്പോ​ൾ ക​ട​ന്നു​ക​ള​യു​ക​യാ​യി​രു​ന്നു. എ​ന്നാ​ൽ, കോ​ട​തി റി​മാ​ൻ​ഡ് ന​ട​പ​ടി പൂ​ർ​ത്തി​യാ​ക്കി​യി​ല്ലെ​ന്നും റി​മാ​ൻ​ഡ് ചെ​യ്യു​മെ​ന്ന് തെ​റ്റി​ദ്ധ​രി​ച്ചാ​ണ് നി​ഖി​ൽ ഓ​ടി​യ​തെ​ന്നു​മാ​ണ് ഏ​നാ​ത്ത് പൊ​ലീ​സി‍െൻറ ഭാ​ഷ്യം.