ഫേസ്ബുക്ക് വഴി വായ്പക്ക്​ ശ്രമിച്ച വീട്ടമ്മയുടെ 64,000 രൂപ നഷ്ടമായി

ചെ​ങ്ങ​ന്നൂ​ർ: ഫേ​സ്​​ബു​ക്കി​ലെ പ​ര​സ്യം ക​ണ്ട് വാ​യ്പ​ക്ക്​ ശ്ര​മി​ച്ച വീ​ട്ട​മ്മ​യു​ടെ 64,000 രൂ​പ ന​ഷ്ട​മാ​യി. ചെ​ന്നി​ത്ത​ല തെ​ക്ക് പാ​റ​യി​ൽ പു​ത്ത​ൻ​വീ​ട്ടി​ൽ ബാ​ല​ന്റെ മ​ക​ൾ ര​മ്യ​ക്കാ​ണ് പ​ണം ന​ഷ്ട​മാ​യ​ത്. കു​റ​ഞ്ഞ പ​ലി​ശ നി​ര​ക്കി​ൽ അ​തി​വേ​ഗം എ​സ്.​ബി.​ഐ വാ​യ്പ ത​ര​പ്പെ​ടു​ത്തി ന​ൽ​കു​മെ​ന്ന ഫേ​സ്​​ബു​ക്കി​ലെ പ​ര​സ്യം ക​ണ്ടാ​ണ് ര​മ്യ വീ​ടി​ന്റെ പു​ന​രു​ദ്ധാ​ര​ണ ആ​വ​ശ്യ​ങ്ങ​ളു​ദ്ദേ​ശി​ച്ച് വാ​ട​സ്​​ആ​പ് വ​ഴി സ​ന്ദേ​ശ​മ​യ​ച്ച​ത്.

തു​ട​ർ​ന്ന് എ​ക്സി​ക്യൂ​ട്ടി​വാ​ണെ​ന്ന് പ​രി​ച​യ​പ്പെ​ടു​ത്തി​യ​യാ​ൾ ലി​ങ്ക് അ​യ​ച്ചു​ന​ൽ​കി. അ​തി​ൽ ആ​ധാ​ർ, പാ​ൻ കാ​ർ​ഡ്, പാ​സ്ബു​ക്ക് എ​ന്നി​വ ന​ൽ​കി. തു​ട​ർ​ന്ന് വ​ന്ന സ​ന്ദേ​ശം അ​നു​സ​രി​ച്ച് പ​ഞ്ചാ​ബ് നാ​ഷ​ന​ൽ ബാ​ങ്ക് അ​ക്കൗ​ണ്ടി​ൽ​നി​ന്ന്​ ആ​ദ്യം 10,000 രൂ​പ അ​യ​ക്ക​ണ​മെ​ന്ന്​ ആ​വ​ശ്യ​പ്പ​ട്ടു. ഇ​ത​നു​സ​രി​ച്ചു പ​ണ​മ​ട​ച്ചു.

അ​ക്കൗ​ണ്ട് ബ്ലോ​ക്കാ​ണെ​ന്ന് പ​റ​ഞ്ഞ് വീ​ണ്ടും 30,000 രൂ​പ​കൂ​ടി അ​യ​പ്പി​ക്കു​ക​യും അ​ക്കൗ​ണ്ട് ബ്ലോ​ക്കാ​ണെ​ന്ന അ​റി​യി​ച്ച​തി​നാ​ൽ മ​റ്റൊ​രു ബാ​ങ്ക് അ​ക്കൗ​ണ്ടി​ൽ​നി​ന്ന്​ 24,000 രൂ​പ വീ​ണ്ടും അ​യ​പ്പി​ച്ചു. തു​ക റീ​ഫ​ണ്ട് ചെ​യ്തു​ത​രാ​മെ​ന്നും ഒ​രു​മ​ണി​കൂ​റി​ന​കം വായ്പ പാ​സാ​കു​മെ​ന്നു വി​ശ്വ​സി​പ്പി​ക്കു​ക​യും ചെ​യ്തു. മ​ണി​ക്കൂ​റു​ക​ൾ ക​ഴി​ഞ്ഞി​ട്ടും സ​ന്ദേ​ശ​ങ്ങ​ൾ വ​രാ​ത്ത​തി​നാ​ൽ ഫോ​ണി​ൽ ബ​ന്ധ​പ്പെ​ട്ടി​ട്ടും മ​റു​പ​ടി ല​ഭി​ച്ചി​ല്ല. ഇ​തോ​ടെ​യാ​ണ്​ ര​മ്യ മാ​ന്നാ​ർ പൊ​ലീ​സ് സ്റ്റേ​ഷ​ൻ എ​സ്.​എ​ച്ച്.​ഒ​ക്ക്​ പ​രാ​തി ന​ൽ​കി​യ​ത്.