9000 രൂപയടങ്ങിയ പഴ്സ് ഉടമക്ക്​ നൽകി വനിത കണ്ടക്ടർ

അടൂർ: കെ.എസ്.ആർ.ടി.സി ബസിൽ നഷ്ടപ്പെട്ട 9000 രൂപ അടങ്ങിയ പഴ്സ് ഉടമക്ക്​ നൽകി വനിത കണ്ടക്ടർ. ചെങ്ങന്നൂരിനും പന്തളത്തിനും ഇടക്ക് മുളക്കുഴയിൽനിന്ന്​ കയറിയ യാത്രക്കാരിയുടെ 9000 രൂപ അടങ്ങിയ പഴ്‌സാണ് ബസിൽ നഷ്ടപ്പെട്ടത്. കണ്ടക്ടർ ബിന്ദു വിജയനാണ് അടൂർ ഡിപ്പോയിൽ ബസ് എത്തിയപ്പോൾ യാത്രക്കാരിയുമായി ബന്ധപ്പെട്ട് പഴ്‌സ് അവരുടെ മകനെ തിരികെ ഏൽപിച്ചത്. ബിന്ദു വിജയനെ അടൂർ എ.ടി.ഒയും ഡിപ്പോ അധികൃതരും അനുമോദിച്ചു. PTL ADR KSRTC നഷ്ടപ്പെട്ട പഴ്സ് കണ്ടക്ടർ ബിന്ദു വിജയൻ യാത്രക്കാരിയുടെ മകന് നൽകുന്നു