26ന്​ മുമ്പ്​ സ്‌കൂളുകൾ ​ശുചീകരിക്കും

പത്തനംതിട്ട: സ്‌കൂളുകള്‍ നവംബര്‍ ഒന്നിന് തുറക്കുന്നതിന്​ മുന്നോടിയായി കലക്ടറേറ്റില്‍ ജില്ലതല അവലോകന യോഗം ചേര്‍ന്നു. ജനപ്രതിനിധികള്‍, രക്ഷിതാക്കള്‍, സന്നദ്ധ പ്രവര്‍ത്തകര്‍, തുടങ്ങിയവരുടെ നേതൃത്വത്തില്‍ 26ന് മുമ്പ്​ സ്​കൂളുകളിൽ ശുചീകരണ പ്രവര്‍ത്തനങ്ങള്‍ പൂര്‍ത്തിയാക്കാൻ നിർദേശം നൽകി. വ്യാഴാഴ്​ച മൂന്നിന്​​ തദ്ദേശ സ്ഥാപന അധ്യക്ഷർ, സെക്രട്ടറിമാര്‍, വിദ്യാഭ്യാസ വകുപ്പ് മേധാവികള്‍ എന്നിവരുമായി ഓണ്‍ലൈനായി യോഗം ചേരുമെന്ന്​ ജില്ല പഞ്ചായത്ത് പ്രസിഡൻറ്​ ഓമല്ലൂര്‍ ശങ്കരന്‍ അറിയിച്ചു. ------------------- ഫോട്ടോ അടിക്കുറിപ്പ്: PTL43school സ്‌കൂളുകള്‍ തുറക്കുന്നത്​ വിലയിരുത്താന്‍ കലക്ടറേറ്റില്‍ ചേര്‍ന്ന അവലോകന യോഗം