150 കേന്ദ്രങ്ങളിൽ ജനകീയസഭ

നിയോജകമണ്ഡലംതല ഉദ്ഘാടനം ഇന്ന്​ കോന്നി: ജനങ്ങളുടെ പ്രശ്നങ്ങൾ അവർക്കിടയിൽ നേരിട്ടെത്തി പരിഹരിക്കുന്നതിനായി നിയോജകമണ്ഡലത്തിലെ വിളിച്ചുചേർക്കുമെന്ന് അഡ്വ. കെ.യു. ജനീഷ്കുമാർ എം.എൽ.എ അറിയിച്ചു. പദ്ധതിയുടെ നിയോജകമണ്ഡലംതല ഉദ്ഘാടനം ബുധനാഴ്​ച പ്രമാടം ഗ്രാമപഞ്ചായത്തിലെ മുണ്ടക്കാമുരുപ്പി നടത്തുമെന്നും എം.എൽ.എ പറഞ്ഞു. എം.എൽ.എയുടെ നേതൃത്വത്തിൽ ജനപ്രതിനിധികളും വിവിധ ഡിപ്പാർട്​മൻെറ്​ ഉദ്യോഗസ്ഥരും പ്രദേശങ്ങളിൽ നേരിട്ടെത്തി ജനകീയ പ്രശ്നങ്ങൾ കേൾക്കുകയും പരിഹരിക്കുകയും ചെയ്യുന്ന പരിപാടിയാണ് ജനകീയ സഭ. ഓരോ പ്രദേശത്തെയും പ്രശ്നങ്ങൾ സഭയിൽ പങ്കെടുത്ത് ജനങ്ങൾക്ക് നേരിട്ട് ഉന്നയിക്കാം. ജനപ്രതിനിധികളും ഉദ്യോഗസ്ഥരും പരമാവധി പ്രശ്നങ്ങൾക്ക് സഭയിൽ​െവച്ചുതന്നെ പരിഹാരമുണ്ടാക്കി നൽകും. കാലതാമസമുള്ളവ സമയബന്ധിതമായി പരിഹരിക്കും. ആദ്യസഭയിൽ കലക്ടർ ഉൾ​െപ്പടെയുള്ളവർ പങ്കെടുക്കും.