എസ്​.എസ്​.എൽ.സി: ജില്ലയിൽ​ 99.16 ശതമാനം വിജയം; 919 എ പ്ലസ്

lead 38 സർക്കാർ സ്കൂളുകൾ 100 ശതമാനം വിജയം നേടി പത്തനംതിട്ട: എസ്​.എസ്​.എൽ.സി പരീക്ഷയിൽ ജില്ലക്ക്​ 99.16 ശതമാനം വിജയം. 10,525 പേർ പരീക്ഷ എഴുതിയതിൽ 10,437 പേർ ഉന്നത പഠനത്തിന്​ അർഹത നേടി. ഇതിൽ 5442 പേർ ആൺകുട്ടികളും 4995 പേർ പെൺകുട്ടികളുമാണ്​. 919 പേർക്ക്​ മുഴുവൻ വിഷയത്തിനും എ പ്ലസ്​ ലഭിച്ചു. ഇതിൽ 250 ​ആൺകുട്ടികളും 669 പെൺകുട്ടികളുമാണ്​. തിരുവല്ല വിദ്യാഭ്യാസ ജില്ലയിൽ മൊത്തം 229 പേർക്ക്​ മുഴുവൻ വിഷയത്തിനും എ പ്ലസ്​ ലഭിച്ചു. ഇതിൽ 71 ആൺകുട്ടികളും 158 പെൺകുട്ടികളും ഉൾപ്പെടും. പത്തനംതിട്ട വിദ്യാഭ്യാസ ജില്ലയിൽ 690 പേർക്ക്​ മുഴുവൻ വിഷയത്തിനും എ പ്ലസ്​ ലഭിച്ചു. ഇതിൽ 179 പേർ ആൺകുട്ടികളും 511 പേർ പെൺകുട്ടികളുമാണ്​. തിരുവല്ല വിദ്യാഭ്യാസ ജില്ലയിൽ 3681 പേർ പരീക്ഷയെഴുതി. ഇതിൽ 3654 പേർ വിജയിച്ചു. 1955 ആൺകുട്ടികളും 1699 പെൺകുട്ടികളുമാണ് വിജയികളായത്​​. വിജയ ശതമാനം 99.27 ശതമാനം. പത്തനംതിട്ട വിദ്യാഭ്യാസ ജില്ലയിൽ 6844 പേർ പരീക്ഷയെഴുതി. ഇതിൽ 6783 പേർ വിജയിച്ചു. 3487 പേർ ആൺകുട്ടികളും 3296 പേർ പെൺകുട്ടികളുമാണ്​. വിജയ ശതമാനം 99.11 ശതമാനം. ജില്ലയിൽ 38 സർക്കാർ സ്കൂളുകൾ 100 ശതമാനം വിജയം നേടി.