പന്തളം ബ്ലോക്കിൽ പാർപ്പിട പദ്ധതിക്ക് 73.33 ലക്ഷം

കുളനട: ഭവനരഹിതർക്ക് പാർപ്പിടം നൽകുന്ന പദ്ധതിക്ക് മുൻതൂക്കം നൽകുന്ന ബജറ്റ് പന്തളം ബ്ലോക്ക് പഞ്ചായത്ത് വൈസ് പ്രസിഡന്‍റ്​ അശ്വതി വിനോജ് അവതരിപ്പിച്ചു. പാർപ്പിട മേഖലയിൽ 73.33 ലക്ഷം രൂപയാണ് വകയിരുത്തിയത്. വനിത ഘടകപദ്ധതികൾക്ക്​ 33.38 ലക്ഷവും വയോജനങ്ങൾക്ക്​ 16.69 ലക്ഷവും ലൈഫ് ഭവനപദ്ധതിക്ക് 13.11 ലക്ഷവും നീക്കിവെച്ചു. തൊഴിലുറപ്പ് പദ്ധതിക്ക് 17 കോടി രൂപ നീക്കിവെച്ചു. ആകെ 32,00,22,923 രൂപ വരവും 31,87,48,800 രൂപ ചെലവും 12,74,123 രൂപ മിച്ചവുമുള്ള ബജറ്റിന് ബ്ലോക്ക് പഞ്ചായത്ത് കമ്മിറ്റി അംഗീകാരം നൽകി. പ്രസിഡന്റ് രേഖ അനിൽ അധ്യക്ഷത വഹിച്ചു.