കാത്​ പഴുത്തു; ബ്യൂട്ടി പാർലർ ഉടമ 52,000 രൂപ നഷ്​ടപരിഹാരം നൽകാൻ വിധി

റാന്നി: കാതിലെ സുഷിരം അടപ്പിക്കാൻ നടത്തിയ ചികിത്സയെ തുടർന്ന്​ കാതു പഴുത്തതിന്​ ബ്യൂട്ടിപാർലർ ഉടമ 52,000 രൂപ നഷ്​ടപരിഹാരം നൽകാൻ ഉപഭോക്തൃ കോടതി വിധി. ഓമല്ലൂർ മേലേക്കാട്ട്​ ​െഷെലശ്രീ പത്തനംതിട്ട കൺസ്യൂമർ കോടതിയിൽ നൽകിയ ഹരജിയിലാണ്​ വിധി​. 2016ലാണ്​ കേസിന് ആസ്പദമായ സംഭവം. പത്തനംതിട്ടയിലെ ഓർക്കിഡ് ബ്യൂട്ടിപാർലറിൽ കാതിലെ സുഷിരം അടപ്പിക്കുന്നതിനുവേണ്ടി ഷൈലശ്രീ സമീപിച്ചു. ചികിത്സയിൽ കാതിന് അലർജി ഉണ്ടാകുകയും കമ്മലിടുന്നഭാഗം മുറിച്ചുമാറ്റേണ്ടിവരുകയും ചെയ്തു. ഈ സ്ഥാപത്തിൽതന്നെ നാലുതവണ ചികിത്സതേടിയപ്പോഴും അമിത രാസവസ്തുക്കൾ ചേർന്ന മരുന്ന് ഉപയോഗിച്ചതിനാൽ മറ്റ്​ ആരോഗ്യപ്രശ്നങ്ങളുമുണ്ടായി. തുടർന്ന് ആറുമാസത്തോളം വിവിധ ആശുപത്രികളിൽ ചികിത്സ നടത്തി. ഗുരുതര സേവന വീഴ്ച ഉണ്ടായിട്ടുണ്ടെന്ന്​ കണ്ടെത്തിയതി​ൻെറ അടിസ്ഥാനത്തിൽ നഷ്​ടപരിഹാരമായി 50,000 രൂപയും കോടതി ചെലവിലേക്കായി 2000 രൂപയും നൽകാൻ വിധിക്കുകയായിരുന്നു. ഉപഭോക്തൃ തർക്കപരിഹാര ഫോറം പ്രസിഡൻറ് ജോർജ് ബേബി, മെംബർമാരായ എൻ. ഷാജിത ബീവി, നിഷാദ് തങ്കപ്പൻ എന്നിവരാണ് വിധി പ്രസ്താവിച്ചത്.