അഭിമുഖം 25ന്

പത്തനംതിട്ട: ജില്ലയില്‍ പട്ടികവര്‍ഗ വികസനവകുപ്പില്‍ ആയ (യോഗ്യതയുള്ള തദ്ദേശീയരായ പട്ടികവര്‍ഗ വനിത ഉദ്യോഗാര്‍ഥികളില്‍നിന്ന്​ മാത്രം -പ്രത്യേക നിയമനം) തസ്തികക്ക്​ (കാറ്റഗറി നം.092/2021) അപേക്ഷിച്ച യോഗ്യരായ ഉദ്യോഗാര്‍ഥികള്‍ക്കായി മേയ് 25ന് പബ്ലിക് സര്‍വിസ് കമീഷന്‍റെ കൊല്ലം റീജനല്‍ ഓഫിസില്‍ അഭിമുഖം നടത്തും. ഫോണ്‍: 0468 2222665. അപേക്ഷ ക്ഷണിച്ചു പത്തനംതിട്ട: ശിശുസംരക്ഷണ യൂനിറ്റ് ഒ.ആര്‍.സി പരിശീലകരുടെ പാനലിലേക്ക്​ അപേക്ഷ ക്ഷണിച്ചു. യോഗ്യത: ബിരുദാനന്തര ബിരുദവും കുട്ടികളുടെ മേഖലയിലും പരിശീലന മേഖലയിലുമുള്ള പ്രവൃത്തിപരിചയം അല്ലെങ്കില്‍, ബിരുദവും കുട്ടികളുടെ മേഖലയില്‍ രണ്ടുവര്‍ഷ പരിചയവും പരിശീലന മേഖലയിലെ പരിചയവും. അവസാന തീയതി: മേയ് 31. ഫോണ്‍: 0468 2319998. താലൂക്ക് സെമിനാർ മല്ലപ്പള്ളി: താലൂക്ക് ലൈബ്രറി കൗൺസിലിന്‍റെ ആഭിമുഖ്യത്തിൽ താലൂക്ക് സെമിനാർ ശനിയാഴ്ച രാവിലെ 10ന് പ്രഫ. ജി. രാജശേഖരൻ നായർ നഗറിൽ (മല്ലപ്പള്ളി യൂനിയൻ കൺവെൻഷൻ ഹാൾ) നടത്തും. സംസ്ഥാന ലൈബ്രറി കൗൺസിൽ എക്സിക്യൂട്ടിവ് അംഗം പ്രഫ. ടി.കെ.ജി. നായർ ഉദ്ഘാടനം ചെയ്യും.