പോപുലർ സാമ്പത്തിക തട്ടിപ്പ്: കോന്നി താലൂക്കിൽ 25 കോടിയുടെ പരാതികൾ

കോന്നി: പോപുലര്‍ ഫിനാന്‍സ് നിക്ഷേപതട്ടിപ്പുമായി ബന്ധപ്പെട്ട് കോന്നി താലൂക്കുതലത്തില്‍ ശേഖരിച്ച പരാതികളില്‍ ലഭിച്ചത് 25 കോടിയോളം രൂപ തട്ടിയെടുത്തതായുള്ള പരാതികള്‍. 22, 23, 24 തീയതികളിലായാണ് പരാതികള്‍ സ്വീകരിച്ചത്. 50 ലക്ഷം മുതല്‍ ഒന്നരക്കോടിയോളം രൂപവരെ നിക്ഷേപിച്ചവരുടെ പരാതികള്‍ ലഭിച്ചിട്ടുണ്ട്. നിക്ഷേപിച്ച പണത്തി​ൻെറ ഉറവിടം കാണിച്ചിട്ടുള്ളവയും അല്ലാത്തവയും തട്ടിപ്പിനിരയായതില്‍ ഉള്‍പ്പെടുന്നു. തട്ടിപ്പിനിരയായവരുടെ പരാതികള്‍ നാല് ഹെല്‍പ് ഡെസ്കുകള്‍ വഴിയാണ് സ്വീകരിച്ചത്. പോപുലര്‍ ഫിനാന്‍സ് ഉടമകളുടെ ആസ്തികള്‍ കണ്ടുകെട്ടി കോടതിയില്‍ അപേക്ഷ സമര്‍പ്പിക്കുന്നതിന് നിക്ഷേപകരുടെ വിവരശേഖരണം നടത്തുന്നതിനായി തട്ടിപ്പ് നടന്ന താലൂക്കുകളിലെ തഹല്‍സിൽദാര്‍മാര്‍ക്ക് കലക്ടര്‍ ഉത്തരവ് നല്‍കിയിരുന്നു. ഇതി​ൻെറ ഭാഗമായാണ് പരാതികള്‍ സ്വീകരിച്ചത്.