കക്കാട് 220 കെ.വി സബ് സ്റ്റേഷന്‍ നിര്‍മാണോദ്​ഘാടനം ഇന്ന്

പത്തനംതിട്ട: കക്കാട് 220 കെ.വി ഗ്യാസ് ഇന്‍സുലേറ്റഡ് സ്വിച്ച് ഗിയര്‍ സബ് സ്റ്റേഷന്‍ നിര്‍മാണോദ്ഘാടനം ചൊവ്വാഴ്ച രാവിലെ 11ന് സീതത്തോട് മാര്‍ക്കറ്റ് ജങ്​ഷനില്‍ മന്ത്രി കെ. കൃഷ്ണന്‍കുട്ടി നിര്‍വഹിക്കും. സംസ്ഥാനത്തി‍ൻെറ പ്രസരണ മേഖലയുടെ ശാക്തീകരണത്തിനും സമഗ്രവികസനത്തിനുമുള്ള ട്രാന്‍സിഡ്-2.0 പദ്ധതിയില്‍ ഉള്‍പ്പെടുത്തി നിര്‍മിക്കുന്ന പദ്ധതിയാണ് 244 കോടി രൂപയുടെ ഭരണാനുമതി ലഭിച്ച ശബരിലൈന്‍ ആന്‍ഡ് സബ്സ്റ്റേഷന്‍ പാക്കേജ്. ഈ പാക്കേജില്‍ ഉള്‍പ്പെടുന്നതും 43.21 കോടി രൂപയുടെ നിർമാണച്ചെലവ് പ്രതീക്ഷിക്കുന്നതുമായ പദ്ധതിയാണ് കക്കാടിലേത്​. 18 മാസമാണ് നിര്‍മാണം പൂര്‍ത്തീകരിച്ച് കമീഷന്‍ ചെയ്യുന്നതി‍ൻെറ കാലാവധി. കൊല്‍ക്കത്ത ആസ്ഥാനമായ ടെക്നോ ഇലക്ട്രിക്കല്‍ ആൻഡ്​​ എൻജിനീയറിങ്​ കമ്പനി ലിമിറ്റഡിനാണ് നിര്‍മാണച്ചുമതല. 100 എം.വി.എ ശേഷിയുള്ള ഒരു ട്രാന്‍സ്ഫോര്‍മറാണ് സ്ഥാപിക്കുക. വാർഷികവും വ്യവസായ പരിശീലനവും റാന്നി: അഖില കേരള വിശ്വകർമ മഹാസഭ യൂനിയൻ വിശ്വകർമ ചാരിറ്റബിൾ ട്രസ്റ്റ് വാർഷികവും വ്യവസായ പരിശീലന പരിപാടിയും നടത്തി. പ്രസിഡന്‍റ്​ ടി.കെ. രാജപ്പൻ ഉദ്ഘാടനം ചെയ്തു. സെക്രട്ടറി പി.എസ്. മധുകുമാർ, ട്രസ്റ്റ് സെക്രട്ടറി വി.ജി. മോഹനൻ കാട്ടൂർ, മഹാസഭ ബോർഡ് അംഗങ്ങളായ കെ.ജി. ദിനമണി, എം.എൻ. പൊന്നപ്പൻ ആചാരി, കെ.ആർ. ഗോപിനാഥൻ, പി.എൻ. ശശിധരൻ, അംബിക രാജപ്പൻ, സെക്രട്ടറി ലീന ഉണ്ണി തുടങ്ങിയവർ സംസാരിച്ചു.