വെള്ളപ്പൊക്കം; കടപ്രയില്‍ 19 കന്നുകാലികളെ മാറ്റിപ്പാര്‍പ്പിച്ചു

എല്ലാ താലൂക്കുകളിലും റാപ്പിഡ് റെസ്പോണ്‍സ് ടീം സജ്ജം തിരുവല്ല: വെള്ളപ്പൊക്കത്തെ തുടര്‍ന്ന് കടപ്ര പഞ്ചായത്തില്‍ മൃഗസംരക്ഷണ വകുപ്പ് ഒരുക്കിയിരിക്കുന്ന ക്യാമ്പിലേക്ക് 16 പശുക്കളെയും മൂന്ന് കിടാക്കളെയും മാറ്റിപ്പാര്‍പ്പിച്ചു. എല്ലാ താലൂക്കുകളിലും റാപ്പിഡ് റെസ്പോണ്‍സ് ടീമിനെ സജ്ജമാക്കിയിട്ടുണ്ടെന്ന്​ ജില്ല മൃഗസംരക്ഷണ ഓഫിസര്‍ ഡോ. കെ. ജ്യോതിഷ് ബാബു പറഞ്ഞു. എല്ലാ പഞ്ചായത്തിലെയും വെറ്ററിനറി സര്‍ജന്മാര്‍ക്ക് അടിയന്തര സാഹചര്യത്തില്‍ മൃഗങ്ങളെ പാര്‍പ്പിക്കാനുള്ള സൗകര്യം അതത് പഞ്ചായത്ത് അധികൃതരുമായി ആലോചിച്ച് കണ്ടെത്താന്‍ നിര്‍ദേശം നല്‍കിയിട്ടുണ്ട്​. വലിയ ഉരുക്കള്‍ക്ക് 70 രൂപയും ചെറിയ ഉരുക്കള്‍ക്ക് 35 രൂപയും ദിവസ നിരക്കില്‍ കാലിത്തീറ്റക്ക്​ ധനസഹായം പിന്നീട് നൽകുമെന്നും അദ്ദേഹം പറഞ്ഞു. മഴക്കെടുതിയുമായി ബന്ധപ്പെട്ട് ജില്ല വെറ്ററിനറി കേന്ദ്രത്തില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം പ്രവര്‍ത്തനം ആരംഭിച്ചു. (ഫോണ്‍: 7907973480/9495702577). മഴക്കെടുതി മൂലമുള്ള നാശനഷ്ടങ്ങള്‍ സംബന്ധിച്ച വിവരങ്ങള്‍ adcppta.ahd@kerala.gov.in എന്ന ഇ-മെയില്‍ വിലാസത്തില്‍ അയക്കണം. PTL 12 PASUKKAL കടപ്ര പഞ്ചായത്തില്‍ മൃഗസംരക്ഷണ വകുപ്പ് ഒരുക്കിയിരിക്കുന്ന ക്യാമ്പിലേക്ക്​ മാറ്റി പാര്‍പ്പിച്ചിരിക്കുന്ന കന്നുകാലികൾ ------------------------------------ സ്വാതന്ത്ര്യദിനാഘോഷം; യോഗം നാളെ പത്തനംതിട്ട: 76ാം സ്വാതന്ത്ര്യദിനാഘോഷവുമായി ബന്ധപ്പെട്ട് ജില്ല തല ആഘോഷ ക്രമീകരണങ്ങള്‍ നിശ്ചയിക്കുന്നതിന് ശനിയാഴ്ച ഉച്ചകഴിഞ്ഞ് 3.30ന് കലക്ടറുടെ അധ്യക്ഷതയില്‍ യോഗം ചേരും. ---------------------------------------- ഗെസ്റ്റ് ലക്ചറര്‍ ഒഴിവ് മല്ലപ്പള്ളി: വെണ്ണിക്കുളം പോളിടെക്‌നിക് കോളജില്‍ ഓട്ടോമൊബൈല്‍ എൻജിനീയറിങ്​ വിഭാഗത്തില്‍ ഗെസ്റ്റ്‌ലക്ചറര്‍ തസ്തികയിലെ മൂന്ന് താല്‍ക്കാലിക ഒഴിവുകളിലേക്ക് അപേക്ഷ ക്ഷണിച്ചു. 10ന് രാവിലെ 11ന് നടക്കുന്ന കൂടിക്കാഴ്ചയില്‍ ഉദ്യോഗാര്‍ഥികള്‍ക്ക് അസ്സല്‍ സര്‍ട്ടിഫിക്കറ്റുകളുമായി പങ്കെടുക്കണം. ഒന്നാം ക്ലാസോടെ ബന്ധപ്പെട്ട വിഷയത്തിലുള്ള ബി.ടെക് ബിരുദമാണ് യോഗ്യത. ------------------------- കര്‍ഷകദിനാചരണം മലയാലപ്പുഴ: ഗ്രാമപഞ്ചായത്തിന്റെയും കൃഷിഭവന്റെയും ആഭിമുഖ്യത്തില്‍ ചിങ്ങം ഒന്ന് കര്‍ഷക ദിനത്തില്‍ കൃഷിഭവന്റെ പരിധിയില്‍പ്പെട്ട ജൈവകൃഷി കര്‍ഷകര്‍, മികച്ച സ്ത്രീകര്‍ഷക, വിദ്യാര്‍ഥി കര്‍ഷകന്‍/കര്‍ഷക, മുതിര്‍ന്ന കര്‍ഷകന്‍/കര്‍ഷക, എസ്.സി /എസ്.ടി വിഭാഗത്തിലുള്ള കര്‍ഷകര്‍ തുടങ്ങിയ വിഭാഗത്തിലുള്ള മികച്ച കര്‍ഷകരെ ആദരിക്കുന്നതിന് അപേക്ഷ ക്ഷണിച്ചു. അപേക്ഷകള്‍ ശനിയാഴ്ച വൈകീട്ട് അഞ്ചുവരെ കൃഷിഭവനില്‍ സമര്‍പ്പിക്കണം. ---------------- മരങ്ങള്‍ മുറിച്ചു മാറ്റണം മല്ലപ്പള്ളി: കാലവര്‍ഷത്തിന്റെ പശ്ചാത്തലത്തില്‍ എഴുമറ്റൂര്‍ ഗ്രാമപഞ്ചായത്ത് പരിധിയിലെ എല്ലാ അപകടകരമായ മരങ്ങളും, ശിഖരങ്ങളും അടിയന്തരമായി മുറിച്ചു മാറ്റണം. അല്ലാത്ത പക്ഷം ഉണ്ടാകുന്ന എല്ലാ കഷ്ടനഷ്ടങ്ങള്‍ക്കും ഉടമസ്ഥന്‍ മാത്രം ഉത്തരവാദി ആയിരിക്കുമെന്നും എഴുമറ്റൂര്‍ ഗ്രാമപഞ്ചായത്ത് സെക്രട്ടറി അറിയിച്ചു.