കോന്നി പഴയ ട്രഷറി കെട്ടിടം 10ന് പൊളിക്കും

കോന്നി: നാൽപത്‌ വർഷത്തിലേറെ പഴക്കമുള്ള, ജീർണാവസ്ഥയിലായ സബ്ട്രഷറി കെട്ടിടം പൊളിച്ചുമാറ്റുന്നു. സർക്കാറിൽനിന്ന് അനുമതി ലഭിച്ചതിനെത്തുടർന്ന്​ പൊളിച്ചുമാറ്റാനുള്ള ലേലം നടത്തി. 2016ൽ കെട്ടിടം അപകടസ്ഥിതിയിലാണെന്ന് എൻജിനീയറിങ് വിഭാഗം മുന്നറിയിപ്പ് നൽകിയതിനെത്തുടർന്ന് പൂർണമായും ഒഴിപ്പിച്ചിരുന്നു. പൊളിക്കുമ്പോഴുള്ള സുരക്ഷക്രമീകരണങ്ങൾക്ക്​ ​െപാലീസ്, എയർഫോഴ്സ്, റവന്യൂ, കെ.എസ്.ഇ.ബി ആരോഗ്യവിഭാഗങ്ങളുടെയും യോഗം കോന്നി പഞ്ചായത്തിൽ നടന്നു. കെട്ടിടം പൊളിക്കുന്നത് പൂർത്തീകരിച്ചാൽ ആധുനിക ഷോപ്പിങ് കോംപ്ലക്സ് പണിയാൻ ഉള്ള നടപടി അടിയന്തരമായി ചെയ്യുമെന്ന് പഞ്ചായത്ത് പ്രസിഡൻറ് സുലേഖ വി. നായർ അറിയിച്ചു. വൈസ് പ്രസിഡൻറ്​ റോജി എബ്രഹാം, ശോഭ മുരളി, ഫൈസൽ, ഉദയകുമാർ, ജയപാലൻ, മനോജ് തുടങ്ങിയവരും സ്ഥലം സന്ദർശിക്കാൻ പ്രസിഡൻറിനൊപ്പം ഉണ്ടായിരുന്നു.