മംഗലാപുരം സ്വിഫ്റ്റ് സർവിസ്​ മുടങ്ങി

പത്തനംതിട്ട: ജീവനക്കാർ എത്താത്തതിനാൽ പത്തനംതിട്ട-മംഗലാപുരം സ്വിഫ്റ്റ്​ സർവിസ് മുടങ്ങി. വൈകീട്ട് അഞ്ചായിട്ടും ജീവനക്കാരെ കാണാഞ്ഞതോടെ ഡിപ്പോ അധികൃതർ ഫോണിൽ ബന്ധപ്പെട്ടെങ്കിലും ലഭിച്ചില്ല. ഇതോടെ യാത്രക്കാർ ഡിപ്പോക്കുള്ളിൽ കുത്തിയിരുന്ന് പ്രതിഷേധിച്ചു. ഡ്രൈവർ കം കണ്ടക്ടറായ രണ്ടുപേരാണ് എത്തേണ്ടിയിരുന്നത്. സ്വിഫ്റ്റ്​ കമ്പനിയുടെ ജീവനക്കാരാണിവർ. പകരം ഡ്രൈവർമാർക്കായി ശ്രമിച്ചെങ്കിലും സ്വിഫ്​റ്റ്​ ബസായതിനാൽ ആരും തയാറായില്ല. അടുത്തിടെയാണ് സൂപ്പർ ഡീലക്സ് പിൻവലിച്ച് സ്വിഫ്റ്റ്​ ആക്കിയത്.