പാചകവാതക വിലവർധന; കാലി സിലിണ്ടറുകളുമായി കോൺഗ്രസ് സമരം

അടൂർ: രാജ്യത്തെ ജനങ്ങൾ പട്ടിണിയിലേക്ക് നീങ്ങുമ്പോൾ കൂടുതൽ ദ്രോഹിച്ച് പാചകവാതകത്തിന് അമിതമായ വിലവർധന നടപ്പാക്കുന്ന മോദി സർക്കാറിന്‍റെ നിലപാടിൽ പ്രതിഷേധിച്ച് കോൺഗ്രസ് അടൂർ മണ്ഡലം കമ്മിറ്റി നേതൃത്വത്തിൽ കാലിയായ പാചകവാതക സിലിണ്ടറുകൾ തെരുവിൽ നിരത്തി പ്രതിഷേധിച്ചു. യൂത്ത് കോൺഗ്രസ്‌ ജില്ല പ്രസിഡന്‍റ്​ എം.ജി. കണ്ണൻ ഉദ്ഘാടനം ചെയ്തു. കോൺഗ്രസ്‌ അടൂർ മണ്ഡലം പ്രസിഡന്‍റ്​ ഷിബു ചിറക്കരോട്ട് അധ്യക്ഷതവഹിച്ചു. ഡി.സി.സി ജനറൽ സെക്രട്ടറിമാരായ ഏഴംകുളം അജു, എസ്. ബിനു, ബിജു വർഗീസ്, ബിജിലി ജോസഫ്, ഉമ്മൻ തോമസ്, ബ്ലോക്ക്‌ പ്രസിഡന്‍റ്​ മണ്ണടി പരമേശ്വരൻ, നിസാർ കാവിളയിൽ, അംജദ് അടൂർ, സലാവുദ്ദീൻ എന്നിവർ സംസാരിച്ചു. PTL ADR Congress പാചകവാതക വിലവർധനക്കെതിരെ അടൂരിൽ കോൺഗ്രസ് നടത്തിയ സമരം യൂത്ത് കോൺഗ്രസ്‌ ജില്ല പ്രസിഡന്‍റ് എം.ജി. കണ്ണൻ ഉദ്ഘാടനം ചെയ്യുന്നു