ഘോഷയാത്ര യു.ഡി.എഫ് ബഹിഷ്കരിക്കും

പത്തനംതിട്ട: സർക്കാറിന്‍റെ ഒന്നാം വാർഷികത്തിന്‍റെ ഭാഗമായി നഗരസഭ കെ.കെ. നായർ സ്റ്റേഡിയത്തിൽ നടക്കുന്ന വിപണന മേളയോട്​ അനുബന്ധിച്ച് ശനിയാഴ്ച നടക്കുന്ന സാംസ്കാരിക ഘോഷയാത്ര നഗരസഭ യു.ഡി.എഫ് കൗൺസിൽ അംഗങ്ങൾ ബഹിഷ്കരിക്കും. കെ-റെയിൽ പദ്ധതിയിലും കൗൺസിലിൽ ചർച്ചചെയ്യാതെ നഗരസഭ സ്റ്റേഡിയം മറ്റ്​ പരിപാടികൾക്ക് നൽകി ട്രാക്കും മൈതാനവും നശിപ്പിച്ചതിലും പ്രതിഷേധിച്ചാണ് ബഹിഷ്കരണമെന്ന് യു.ഡി.എഫ് പാർലമെന്‍ററി പാർട്ടി ലീഡർ കെ.ജാസിംകുട്ടി പറഞ്ഞു.