പൊങ്ങലടി ഗവ. എൽ.പി സ്കൂളിൽ അവധിക്കാല കളരി

പൊങ്ങലടി ഗവ. എൽ.പി സ്കൂളിൽ അവധിക്കാല കളരി പന്തളം: പൊങ്ങലടി ഗവ. എൽ.പി സ്കൂളിൽ രണ്ട് ദിവസത്തെ അവധിക്കാല കളരി സംഘടിപ്പിച്ചു. സഹവാസ ക്യാമ്പ് പന്തളം തെക്കേക്കര പഞ്ചായത്ത് പ്രസിഡന്‍റ്​ എസ്. രാജേന്ദ്രപ്രസാദ് ഉദ്ഘാടനം ചെയ്തു. പി.ടി.എ പ്രസിഡന്‍റ്​ എ. അനീഷ് അധ്യക്ഷത വഹിച്ചു. വാർഡ് അംഗം എസ്. ശ്രീവിദ്യ സംസാരിച്ചു. പ്രധാനാധ്യാപിക റൂബി മാത്യു സ്വാഗതവും അധ്യാപകൻ ജെ. രാജേന്ദ്രൻ നന്ദിയും പറഞ്ഞു. പത്തനംതിട്ട നാട്ടറിവ് പഠനകേന്ദ്രം ഡയറക്ടർ അഡ്വ. സുരേഷ് സോമയും മനു ഒയാസിസും എ.കെ. ഗോപാലനും ക്ലാസെടുത്തു.