വൈദ്യുതി തൂണുകളും കുഴൽകിണറും റോഡിൽ

അടൂർ: ഏനാത്ത്-ദേശക്കല്ലുംമൂട്-മണ്ണടി പാതവശങ്ങൾ കോൺക്രീറ്റ് ചെയ്തപ്പോൾ വൈദ്യുതി തൂണുകളും കുഴൽകിണറും റോഡിലായി. കാൽനടക്കാർക്കും വാഹനയാത്രക്കാർക്കും യാത്ര ദുഷ്കരമായി. മുമ്പ്​ ടാർ ചെയ്ത ഭാഗത്തിന്‍റെ വശങ്ങൾ വീതികൂട്ടി അടുത്തിടെയാണ് മഴവെള്ളം ഒഴുകിപ്പോകുന്ന തരത്തിൽ കോൺക്രീറ്റ് ചെയ്തത്. ഇതോടെയാണ് വൈദ്യുതി പോസ്റ്റുകളും ദേശക്കല്ലുംമൂട് ജങ്​ഷനിലെ കുഴൽകിണറും പാതയിലായത്. ഇവ മാറ്റി സ്ഥാപിക്കണമെന്ന്​ നാട്ടുകാർ ആവശ്യപ്പെട്ടു. .