അനുസ്മരണവും അവാർഡ്​ വിതരണവും

റാന്നി: മലങ്കര ഓർത്തഡോക്സ് സഭ കവി സി.പി. ചാണ്ടി ഫൗണ്ടേഷന്‍റെ നേതൃത്വത്തിൽ സി.പി. ചാണ്ടി അനുസ്മരണവും സൺഡേ സ്കൂൾ പ്രതിഭ മത്സര വിജയകൾക്കുള്ള അവാർഡ്​ വിതരണവും നടത്തി. കാതോലിക്കറ്റ് കോളജ് ഓഡിറ്റോറിയത്തിൽ കുര്യാക്കോസ് മാർക്ലീമീസ് മെത്രാപ്പോലീത്തയുടെ അധ്യക്ഷതയിൽ നടന്ന സമ്മേളനം ആ​ന്‍റോ ആന്‍റണി എം.പി ഉദ്​ഘാടനം ചെയ്തു. സൺഡേ സ്കൂൾ പ്രതിഭ മത്സര വിജയികൾക്കുള്ള ആവാർഡ് ആ​ന്‍റോ ആന്‍റണി വിതരണം ചെയ്തു. ജീവകാരുണ്യ പ്രവർത്തനങ്ങാടെ ഉദ്​ഘാടനം മലങ്കര സഭ അസോസിയേഷൻ സെക്രട്ടറി അഡ്വ. ബിജു ഉമ്മൻ നിർവഹിച്ചു. ഫൗണ്ടേഷൻ വൈസ് ചെയർമാൻ റെജി താഴമൺ, കതോലിക്കറ്റ് കോളജ് പ്രിൻസിപ്പൽ ഡോ. ഫിലിപ്പോസ് ഉമ്മൻ, ഫാ. ജേക്കബ് ഫിലിപ് കോർഎപ്പിസ്​കോപ്പ, ഫാ. ജോൺ പനാറയിൽ കോർഎപ്പിസ്​കോപ്പ, റവ. തോമസ് കെ. ചാക്കോ, പ്രഫ. ജോൺ കുര്യൻ, എബ്രഹാം കോശി, ഫാ. വി.കെ. തോമസ് എന്നിവർ സംസാരിച്ചു. Ptl rni_1sunday ഫോട്ടോ: മലങ്കര ഓർത്തഡോക്സ് സഭ കവി സി.പി. ചാണ്ടി ഫൗണ്ടേഷന്റെ നേതൃത്വത്തിൽ നടന്ന സി.പി. ചാണ്ടി അനുസ്മരണ സമ്മേളനം ആ​ന്‍റോ ആന്‍റണി എം.പി ഉദ്​ഘാടനം ചെയ്യുന്നു