ക്ഷീരകർഷകർ കലക്ടറേറ്റ് മാർച്ച്​ നടത്തും

പത്തനംതിട്ട: ക്ഷീര കർഷകരുടെ വിവിധ ആവശ്യങ്ങൾ നേടിയെടുക്കാൻ ഈ മാസം നാലിന് സംയുക്ത ക്ഷീര കർഷക സമിതി ജില്ല കമ്മിറ്റിയുടെ നേതൃത്വത്തിൽ പത്തനംതിട്ട കലക്ട്രേറ്റ് മാർച്ച് നടത്തുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. പാലിന് 50 രൂപ തറവില നിശ്ചയിക്കണമെന്ന് ഭാരവാഹികൾ ആവശ്യപ്പെട്ടു. കാലിത്തീറ്റക്ക്​ 30 ശതമാനം സബ്സിഡി അനുവദിക്കണമെന്നും കാലിത്തീറ്റ ഉൽപന്നങ്ങളിൽ വേനൽക്കാലങ്ങളിൽ കണ്ടുവരുന്ന നിയന്ത്രണാതീത വർധനവ് നിയന്ത്രിക്കണമെന്നും മിൽമയുടെ വിലനിർണയരീതി പരിഷ്കരിക്കണമെന്നും ഭാരവാഹികൾ ആവശ്യപ്പെട്ടു. വാർത്തസമ്മേളനത്തിൽ പ്രസിഡന്റ് പ്രസാദ് ആനന്ദഭവൻ, സെക്രട്ടറി പ്രകാശ് പന്തളം, വിനിൽ കൊടുമൺ, സുജി ബേബി എന്നിവർ പങ്കെടുത്തു.