ഡി.വൈ.എഫ്.ഐ സമ്മേളനം; ഗതാഗത ക്രമീകരണം ഏർപ്പെടുത്തി

പത്തനംതിട്ട: ഡി.വൈ.എഫ്.ഐ സംസ്ഥാന സമ്മേളന സമാപനവുമായി ബന്ധപ്പെട്ട് ശനിയാ​ഴ്​ച നഗരത്തിൽ ഉച്ചക്കുശേഷം ഗതാഗത ക്രമീകരണം ഏർപ്പെടുത്തിയതായി ജില്ല പൊലീസ് മേധാവി സ്വപ്‌നിൽ മധുകർ മഹാജൻ അറിയിച്ചു. വടശ്ശേരിക്കര റാന്നി ഭാഗത്തുനിന്ന്​ തിരുവനന്തപുരം അടൂർ ഭാഗത്തേക്കുപോകുന്ന കെ.എസ്.ആർ.ടി.സി ബസുകൾ കുമ്പഴ വഴി കെ.എസ്.ആർ.ടി.സി സ്റ്റാൻഡിലെത്തി തിരികെ കുമ്പഴ മല്ലശ്ശേരി മുക്ക്, പ്രമാടം വാഴമുട്ടം ഓമല്ലൂർ വഴി പോകണം. വടശ്ശേരിക്കര, റാന്നി ഭാഗത്തുനിന്ന്​ അടൂർ തിരുവനന്തപുരം ഭാഗത്തേക്ക​പോകേണ്ട വാഹനങ്ങൾ കുമ്പഴ മല്ലശ്ശേരി പ്രമാടം, വാഴമുട്ടം ഓമല്ലൂർ വഴി പോകണം. വടശ്ശേരിക്കര റാന്നി എന്നിവടങ്ങളിൽനിന്ന് പത്തനംതിട്ടക്ക് വരുന്ന പ്രൈവറ്റ് ബസുകൾ കുമ്പഴ വഴി പ്രൈവറ്റ് സ്റ്റാൻഡിലെത്തി തിരികെ കുമ്പഴ വഴി പോകണം. ഓമല്ലൂർ ഭാഗത്തുനിന്ന്​ റാന്നി വടശ്ശേരിക്കര എന്നീ സ്ഥലങ്ങളിലേക്ക് പോകേണ്ടവ ഓമല്ലൂർ വാഴമുട്ടം മല്ലശ്ശേരിമുക്ക് കുമ്പഴവഴി യാത്ര തുടരണം. ഓമല്ലൂർനിന്ന്​ ചെങ്ങന്നൂർ ഭാഗത്തേക്കുപോകേണ്ടവ ഓമല്ലൂർ കുരിശ്ശടി തൈക്കുറ്റി മുക്ക്, ഇലവുംതിട്ട് മൂലൂർ വഴി തെക്കേമലയെത്തി യാത്രതുടരണം. ഓമല്ലൂർനിന്ന്​ കോഴഞ്ചേരി തിരുവല്ല ഭാഗത്തേക്കുപോകുന്ന വാഹനങ്ങൾ ഓമല്ലൂർ കുരിശ്ശടി തൈക്കുറ്റി മുക്ക് ഇലവുംതിട്ട മുലൂർ വഴി തെക്കേമലയെത്തി പോകണം. അടൂർ ഭാഗത്തുനിന്ന്​ പത്തനംതിട്ടക്ക് വരുന്ന പ്രൈവറ്റ്, കെ.എസ്.ആർ.ടി.സി ബിസുകൾ ഓമല്ലൂർ വാഴമുട്ടം മല്ലശ്ശേരിമുക്ക് വഴി പത്തനംതിട്ടയിലേക്ക് വരേണ്ടതും തിരികെ ഈ വഴി പോകേണ്ടതുമാണ്. തിരുവല്ല കോഴഞ്ചേരി ഭാഗത്തുനിന്ന്​ പത്തനംതിട്ടക്ക് വരുന്ന പ്രൈവറ്റ് കെ.എസ്.ആർ.ടി.സി ബസുകൾ കോഴഞ്ചേരി കടമ്മനിട്ട നാരങ്ങാനം, മേലേ വെട്ടിപ്രം ഡി.പി.ഒ ജങ്​ഷൻ മോർ സൂപ്പർമാർക്കറ്റ് വഴി പത്തനംതിട്ട സ്റ്റാൻഡിൽ പ്രവേശിക്കേണ്ടതും തിരികെ ഈവഴി പോകേണ്ടതുമാണ്. തിരുവല്ല കോഴഞ്ചേരി ഭാഗത്തുനിന്ന്​ പത്തനംതിട്ടയിലേക്ക് വരുന്ന പ്രൈവറ്റ് കെ.എസ്.ആർ.ടി.സി ബസുകൾ ഒഴികെയുള്ള എല്ലാ വാഹനങ്ങളും കോഴഞ്ചേരി കടമ്മനിട്ട നാരങ്ങാനം മേലേ വെട്ടിപ്രംവഴി എത്തേണ്ടതാണ്. തെക്കേമല ഭാഗത്തുനിന്ന്​ അടൂർ തിരുവനന്തപുരം പോകേണ്ടവ തെക്കേമല കിടങ്ങന്നൂർ കുളനട വഴി പോകേണ്ടതാണ്. തിരുവല്ല കോഴഞ്ചേരിനിന്ന് പത്തനാപുരം പുനലൂർ ഭാഗത്തേക്ക് വരുന്നവ കോഴഞ്ചേരി കടമ്മനിട്ട നാരങ്ങാനം മൈലപ്ര പഞ്ചായത്തുപടി കുമ്പഴ വഴി പോകേണ്ടതാണെന്നും ജില്ല പൊലീസ് മേധാവി അറിയിച്ചു.